ഇരിങ്ങാലക്കുട : കേരള പൊലീസ് അസോസിയേഷൻ,
കേരള പൊലീസ് ഓഫീസേഴ്സ് അസോസിയേഷൻ
തൃശൂർ റൂറൽ ജില്ലാ കമ്മിറ്റി എന്നിവർ സംയുക്തമായി ഇരിങ്ങാലക്കുട കാട്ടുങ്ങച്ചിറയിലുള്ള സാന്ത്വന സദനിലെ സഹോദരങ്ങളുമൊത്ത് ഓണം ആഘോഷിച്ചു.
ആഘോഷ പരിപാടികൾ ജില്ലാ റൂറൽ എസ്പി ബി. കൃഷ്ണകുമാർ ഐപിഎസ് ഉദ്ഘാടനം ചെയ്തു.
കേരള പൊലീസ് ഓഫീസേഴ്സ് അസോസിയേഷൻ റൂറൽ ജില്ലാ പ്രസിഡൻ്റ് കെ.പി. രാജു അധ്യക്ഷത വഹിച്ചു.
അസോസിയേഷൻ ജില്ലാ സെക്രട്ടറി എം.എൽ. വിജോഷ് സ്വാഗതം പറഞ്ഞു.
റൂറൽ ജില്ലാ അഡീഷണൽ എസ്പി ടി.എസ്. സിനോജ്, ജില്ലാ സ്പെഷ്യൽ ബ്രാഞ്ച് ഡിവൈഎസ്പി പി.ആർ. ബിജോയ്, ഇരിങ്ങാലക്കുട ഇൻസ്പെക്ടർ കെ.ജെ. ജിനേഷ്, ജില്ലയിലെ പൊലീസ് സംഘടനാ ഭാരവാഹികളായ കെ.ഐ. മാർട്ടിൻ, വി.യു. സിൽജോ, സി.കെ. ജിജു, എം.സി. ബിജു, ടി.ആർ. ബാബു, സി.കെ. പ്രതീഷ്, കെ.എസ്. സിജു, ഐ.കെ. ഭരതൻ, സി.എസ്. ശ്രീയേഷ്, ഷെല്ലി മോൻ, സിസ്റ്റർ സോണിയ തുടങ്ങിയവർ ആശംസകൾ നേർന്നു.
തുടർന്ന് പ്രസിദ്ധ നാടൻപാട്ട് കലാകാരൻ സജിത്ത് മുമ്പ്രയുടെ നാടൻപാട്ടും പൊലീസിലെ കലാകാരന്മാർ, സാന്ത്വനസദനിലെ അന്തേവാസികൾ തുടങ്ങിയവർ അവതരിപ്പിച്ച വിവിധ കലാപരിപാടികളും അരങ്ങേറി.
Leave a Reply