ഇരിങ്ങാലക്കുട : യാത്രക്കാരുടെ കാഴ്ച മറയ്ക്കും വിധം റോഡിലേക്ക് വളർന്നു പന്തലിച്ച കാടും പടലും വെട്ടി നീക്കി മാതൃകയായിരിക്കുകയാണ് കോമ്പാറയിലെ റസിഡൻ്റ്സ് അസോസിയേഷൻ അംഗങ്ങൾ.
ആക്സിഡൻ്റ് സോൺ ഏരിയ കൂടിയായ കോമ്പാറ ജംഗ്ഷനിൽ നിന്ന് പടിഞ്ഞാറോട്ടുള്ള റോഡ് അധികൃതരുടെ അശ്രദ്ധയിൽ യാത്രക്കാരുടെ ജീവന് ഭീഷണിയാകും വിധം കാടുകയറി കിടക്കുകയായിരുന്നു.
ഇതേപ്പറ്റി ഇരിങ്ങാലക്കുട ടൈംസ് നൽകിയ വാർത്തയെ തുടർന്നാണ് പ്രദേശത്തെ റസിഡൻ്റ്സ് അസോസിയേഷനിലെ ആളുകൾ തന്നെ നേരിട്ടിറങ്ങി പ്രശ്നത്തിന് പരിഹാരം കണ്ടെത്തിയത്.
വലിയ രീതിയിൽ കാടും പടലും വളർന്നു നിൽക്കുന്നതിനാൽ വാഹനങ്ങൾക്ക് പടിഞ്ഞാറ് ഭാഗത്തെ റോഡിൽനിന്ന് സംസ്ഥാനപാതയിലേക്ക് കയറണമെങ്കിൽ വലതുവശത്ത് നിന്ന് വരുന്ന വാഹനങ്ങൾ കാണാൻ കഴിയില്ല എന്നതായിരുന്നു
ഏറെ അപകടകരം.
പ്രദേശവാസികൾ ബന്ധപ്പെട്ട അധികൃതർക്ക് പലപ്രാവശ്യം പരാതി നൽകി മടുത്തെങ്കിലും നടപടിയൊന്നും ആകാതെയായപ്പോഴാണ് ഇരിങ്ങാലക്കുട ടൈംസ് വാർത്ത നൽകിയത്.
വാർത്ത വന്നതോടെ അപകടങ്ങൾക്ക് കാത്തുനിൽക്കാതെ അധികൃതരുടെ നിസംഗതയെ സാക്ഷിയാക്കി ഒരുകൂട്ടം മനുഷ്യർ മാതൃകയായി.
Leave a Reply