ഇരിങ്ങാലക്കുട : ആർപ്പുവിളികളോടെ ആഘോഷമാക്കിയ ഭാരതീയ വിദ്യാഭവനിലെ ഓണാഘോഷം ചെയർമാൻ ടി. അപ്പുക്കുട്ടൻ നായർ ഉദ്ഘാടനം ചെയ്തു.
എക്സിക്യൂട്ടീവ് വൈസ് ചെയർമാൻ നന്ദകുമാർ, മാനേജ്മെന്റ് കമ്മിറ്റി അംഗങ്ങളായ വിവേകാനന്ദൻ, ശോഭ ശിവാനന്ദരാജൻ, പ്രിൻസിപ്പൽ ബിജു ഗീവർഗീസ്, വൈസ് പ്രിൻസിപ്പൽ സുജാത രാമനാഥൻ, പി.ടി.എ. പ്രതിനിധി മാളവിക എന്നിവർ ഓണ സന്ദേശങ്ങൾ നൽകി.
തുടർന്ന് ഓണപ്പാട്ടുകൾ, ഓണനൃത്തങ്ങൾ തുടങ്ങി വർണ്ണാഭമായ പരിപാടികൾ അരങ്ങേറി.
ആഘോഷങ്ങൾക്ക് മോടികൂട്ടി മാവേലിയെ എതിരേൽക്കൽ, പുലിക്കളി, പൂക്കളമത്സരം, വടംവലി മത്സരം എന്നിവയും ഉണ്ടായിരുന്നു.
സ്കൂൾ ഹെഡ്ഗേൾ ദിയ പ്രദീപ് സ്വാഗതവും അസിസ്റ്റന്റ് ഹെഡ്ഗേൾ അമിത ദിജു നന്ദിയും പറഞ്ഞു.
മലയാള വിഭാഗം അധ്യാപകരാണ് പരിപാടികൾ ഏകോപിപ്പിച്ചത്.
Leave a Reply