ഇരിങ്ങാലക്കുട : ആറാട്ടുപുഴ ക്ഷേത്രത്തിൽ നവരാത്രിയോടനുബന്ധിച്ച് പ്രത്യേകം സജ്ജമാക്കിയ സരസ്വതീ മണ്ഡപത്തിൽ തിങ്കളാഴ്ച വൈകുന്നേരം 5.30ന് പൂജവെയ്പ് ആരംഭിക്കും.
ആറാട്ടുപുഴയിലെയും സമീപ ദേശങ്ങളിലെയും ഭക്തർ ശാസ്താവിന് സമർപ്പിച്ച കാഴ്ചക്കുലകൾ കൊണ്ട് സരസ്വതീ മണ്ഡപവും ക്ഷേത്ര നടപ്പുരയും അലങ്കരിക്കും.
ക്ഷേത്രം മേൽശാന്തിമാരായ കൂറ്റമ്പിള്ളി പത്മനാഭൻ നമ്പൂതിരി, മൂർക്കനാട് മന മോഹനൻ നമ്പൂതിരി എന്നിവർ പൂജകൾക്ക് നേതൃത്വം നൽകും.
വിവിധ ദേശങ്ങളിൽ നിന്നുമുള്ള കുടുംബങ്ങൾ പുരാണഗ്രന്ഥങ്ങളും വിദ്യാർഥികളുടെ പാഠ്യ പുസ്‌തകങ്ങളുമടക്കം സരസ്വതീപൂജയ്ക്കായി സരസ്വതീ മണ്ഡപത്തിൽ സമർപ്പിക്കും. പൂജവെയ്പ് മുതൽ വിജയദശമി വരെയുള്ള ദിവസങ്ങളിൽ നടക്കുന്ന എല്ലാ പൂജകളിലും ഭക്തർ ദേവീ കടാക്ഷത്തിനായി അവിൽ, മലർ, ശർക്കര, കദളിപ്പഴം തുടങ്ങിയവയും സരസ്വതീ മണ്ഡപത്തിൽ സമർപ്പിക്കും.
വിജയദശമി ദിവസം രാവിലെ പൂജിച്ച പുസ്തകങ്ങൾ ഭക്തർ ഏറ്റുവാങ്ങും.
Leave a Reply