ഇരിങ്ങാലക്കുട : അവിട്ടത്തൂർ എൽ.ബി.എസ്.എം. ഹയർ സെക്കൻഡറി സ്കൂളിലെ സ്മാർട്ട് ക്ലാസ്സ് റൂമിന്റെ ഉദ്ഘാടനം മന്ത്രി ഡോ. ആർ. ബിന്ദു നിർവ്വഹിച്ചു.
മന്ത്രിയുടെ സ്പെഷ്യൽ ഡെവലപ്മെന്റ് ഫണ്ടിൽ നിന്നും 5 ലക്ഷം രൂപ വിനിയോഗിച്ചാണ് സ്മാർട്ട് ക്ലാസ്സ് റൂം നിർമ്മിച്ചു നൽകിയത്.
13 കമ്പ്യൂട്ടറുകൾ, ഒരു പ്രോജക്ടർ, സ്ക്രീൻ സംവിധാനം തുടങ്ങിയ സൗകര്യങ്ങളെല്ലാം സ്മാർട്ട് ക്ലാസ്സ് റൂമിൽ വിദ്യാർഥികൾക്കായി സജ്ജീകരിച്ചിട്ടുണ്ട്.
പൊതുവിദ്യാഭ്യാസ യജ്ഞത്തിന്റെ ഭാഗമായി മിക്ക വിദ്യാലയങ്ങളിലും ഇന്ന് അന്തർദേശീയ നിലവാരത്തിലുള്ള കെട്ടിടസമുച്ചയങ്ങളുണ്ട്. വിദ്യാലയങ്ങളിലെ അടിസ്ഥാന സൗകര്യം വികസിപ്പിച്ചെടുക്കാനാണ് സർക്കാർ ശ്രമിക്കുന്നതെന്നും മന്ത്രി ആർ. ബിന്ദു പറഞ്ഞു.
സാങ്കേതികവിദ്യയാൽ നയിക്കപ്പെടുന്ന ലോകത്താണ് നാം ഉള്ളത്. സാങ്കേതികവിദ്യയുടെ നല്ല വശങ്ങൾ ഉപയോഗിക്കാൻ കുട്ടികൾ ശ്രമിക്കണമെന്നും മന്ത്രി കൂട്ടിച്ചേർത്തു.
ചടങ്ങിൽ വേളൂക്കര പഞ്ചായത്ത് പ്രസിഡന്റ് കെ.എസ്. ധനീഷ് അധ്യക്ഷത വഹിച്ചു.
വാർഡ് മെമ്പർ ലീന ഉണ്ണികൃഷ്ണൻ, സ്കൂൾ പ്രിൻസിപ്പൽ ഡോ. എ.വി. രാജേഷ്, സ്കൂൾ മാനേജർ അജിത് കുമാർ, പി.ടി.എ. പ്രസിഡൻ്റ് ജോസഫ് അക്കരക്കാരൻ, ഹെഡ്മാസ്റ്റർ മെജോ പോൾ, മാനേജ്മെന്റ് കമ്മിറ്റി അംഗങ്ങളായ എ.സി. സുരേഷ്, കെ.കെ. ഉണ്ണികൃഷ്ണൻ നമ്പൂതിരി, സീനിയേഴ്സ് സ്റ്റാഫ് വി.ജി. അംബിക, സ്കൂൾ ചെയർപേഴ്സൺ ജിയ ജിൻസൺ എന്നിവർ പങ്കെടുത്തു.
Leave a Reply