ഇരിങ്ങാലക്കുട : ഇരിങ്ങാലക്കുട നഗരസഭ 2025- 26 വാർഷിക പദ്ധതിയിൽ ഉൾപ്പെടുത്തി അംഗൻവാടികൾക്ക് മിക്സി വിതരണം ചെയ്തു.
മുൻസിപ്പാലിറ്റി കൗൺസിൽ ഹാളിൽ നടന്ന ചടങ്ങിൽ വൈസ് ചെയർപേഴ്സൺ ചിന്ത ധർമ്മരാജൻ വിതരണോദ്ഘാടനം നിർവഹിച്ചു.
നഗരസഭാ പരിധിയിലെ 54 അംഗൻവാടികൾക്കാണ് മിക്സി വിതരണം ചെയ്തത്.
ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ മിനി ജോസ് ചാക്കോള അധ്യക്ഷത വഹിച്ചു.
സ്റ്റാൻഡിങ് കമ്മിറ്റി ചെയർപേഴ്സൺമാരായ റോണി പോൾ മാവേലി, അഡ്വ. വി.സി. വർഗ്ഗീസ്, ടി.എ. പോൾ, പ്രവീൺസ് ഞാറ്റുവെട്ടി എന്നിവർ ആശംസകൾ നേർന്നു.
ഐസിഡിഎസ് സൂപ്പർവൈസർ ഐശ്വര്യ സ്വാഗതവും അംഗൻവാടി അധ്യാപിക അശ്വതി നന്ദിയും പറഞ്ഞു.
ചടങ്ങിൽ നഗരസഭ കൗൺസിലർമാരും ഉദ്യോഗസ്ഥരും പങ്കെടുത്തു.
Leave a Reply