IRINJALAKUDA TIMES
ജോസ്
ഇരിങ്ങാലക്കുട : ഇരിങ്ങാലക്കുട ഹിന്ദി പ്രചാർ മണ്ഡൽ റോഡിൽ ചിറ്റിലപ്പിള്ളി ലോനപ്പൻ മകൻ ജോസ് (80) നിര്യാതനായി.
ഹോട്ടൽ കൊളംബോ, പ്രിയ ബേക്കറി എന്നീ സ്ഥാപനങ്ങളുടെ ഉടമയായിരുന്നു.
സംസ്കാരം ബുധനാഴ്ച്ച (ഡിസംബർ 18) ഉച്ചതിരിഞ്ഞ് 3 മണിക്ക് ഇരിങ്ങാലക്കുട സെൻ്റ് തോമസ് കത്തീഡ്രൽ സെമിത്തേരിയിൽ.
ഭാര്യ : മേരി
മക്കൾ : ഷാജു, ഷെല്ലി, ഷണ്ണി
മരുമക്കൾ : ലിജി, ലിഷ, ഡെസ്സിൻ
ഇരിങ്ങാലക്കുട : വർണ്ണക്കുട സാംസ്കാരികോത്സവത്തിന്റെ ഭാഗമായി ഡിസംബർ 22, 23 തിയ്യതികളിൽ സ്കൂൾ, കോളെജ് വിദ്യാർഥികൾക്കായി കലാസാഹിത്യ മത്സരങ്ങൾ സംഘടിപ്പിക്കും.
എൽപി, യുപി, ഹൈസ്കൂൾ, ഹയർ സെക്കൻഡറി, കോളെജ് വിദ്യാർഥികൾക്കായി ചിത്രരചനയും, ഹൈസ്കൂൾ, ഹയർ സെക്കൻഡറി, കോളെജ് വിഭാഗങ്ങളിലായി കഥ, കവിത, ഉപന്യാസ രചന എന്നിവയും, യുപി, ഹൈസ്കൂൾ, ഹയർ സെക്കൻഡറി വിഭാഗങ്ങളിലായി ലളിതഗാനം, കാവ്യാലാപനം, മലയാളം പ്രസംഗം എന്നിവയും സംഘടിപ്പിക്കും.
മത്സരങ്ങളിൽ പങ്കെടുക്കാൻ താല്പര്യമുള്ള വിദ്യാർഥികളുടെ പേരു വിവരങ്ങൾ പഠിക്കുന്ന സ്കൂൾ/ കോളെജ് മുഖേനയോ, വർണ്ണക്കുടയുടെ സ്വാഗതസംഘം ഓഫീസിൽ നേരിട്ടോ ഡിസംബർ 20 വെള്ളിയാഴ്ച വൈകീട്ട് 5 മണിക്ക് മുമ്പായി രജിസ്റ്റർ ചെയ്യേണ്ടതാണ്.
ഇരിങ്ങാലക്കുട നിയോജകമണ്ഡലത്തിലെ വിദ്യാഭ്യാസ സ്ഥാപനങ്ങളിൽ പഠിക്കുന്ന എല്ലാ വിദ്യാർഥികൾക്കും അതോടൊപ്പം ഈ നിയോജക മണ്ഡലത്തിലെ താമസക്കാരും മറ്റു സ്ഥലങ്ങളിൽ പഠിക്കുന്നവരുമായ വിദ്യാർഥികൾക്കും മത്സരങ്ങളിൽ പങ്കെടുക്കാം.
വിശദവിവരങ്ങൾക്ക് 9447244049, 9645671556, 9495693196 എന്നീ നമ്പറുകളിൽ ബന്ധപ്പെടണം.
ഇരിങ്ങാലക്കുട : ഗ്രാമസഭായോഗത്തിന്റെ നേതൃത്വത്തിൽ വർഷംതോറും നടത്തിവരാറുള്ള യജുർവ്വേദ ലക്ഷാർച്ചന ആരംഭിച്ചു.
രാവിലെ മണ്ഡപത്തിൽ കൂടപ്പുഴ പരമേശ്വരൻ നമ്പൂതിരി ‘ഇഷേത്വാ – ഊർജേത്വാ എന്ന ആദ്യ വാക്യം ചൊല്ലിക്കൊടുത്താണ് യജുർവ്വേദ ലക്ഷാർച്ചന ആരംഭിച്ചത്.
പന്തൽ വൈദികൻ ദാമോദരൻ നമ്പൂതിരി, ആമല്ലൂർ നാരായണൻ നമ്പൂതിരി, അണിമംഗലം സുബ്രഹ്മണ്യൻ നമ്പൂതിരി, കീഴാനല്ലൂർ യതീന്ദ്രൻ നമ്പൂതിരി, കുറ്റമ്പിള്ളി വാസുദേവൻ നമ്പൂതിരി, കാവനാട് വിഷ്ണു നമ്പൂതിരി, കോടി തലപ്പണം ശ്രീനാരായണൻ നമ്പൂതിരി കൂടാതെ കാമ കോടി യജുർവ്വേദ പാഠശാല വിദ്യാർത്ഥികൾ തുടങ്ങിയ വേദ പണ്ഡിതന്മാരാണ് യജുർവ്വേദ ലക്ഷാർച്ചനയിൽ പങ്കെടുക്കുന്നത്.
രാവിലെ 6 മുതൽ 11 വരെയും വൈകീട്ട് 5 മുതൽ 8 വരെയും ആണ് ലക്ഷാർച്ചന നടക്കുന്നത്.
എട്ടാം ദിവസമായ ഡിസംബർ 23 തിങ്കളാഴ്ച രാവിലെ യജുർവ്വേദ ലക്ഷാർച്ചന സമാപിക്കും.
വാതിൽ മാടത്തിൽ വെച്ച് നെടുമ്പിള്ളി തരണനല്ലൂർ ഗോവിന്ദൻ നമ്പൂതിരിപ്പാട്, മഠസി വാസുദേവൻ നമ്പൂതിരി എന്നിവരുടെ നേതൃത്വത്തിൽ സഹസ്രനാമ അർച്ചനയും ഇതോടൊപ്പം നടക്കുന്നുണ്ട്.
ഇരിങ്ങാലക്കുട : സംസ്ഥാന സർക്കാരിൻ്റെ 2024- 25 വർഷത്തെ സംസ്ഥാന ബജറ്റിൽ നിന്നും 1 കോടി രൂപ അനുവദിച്ച കരുവന്നൂർ സൗത്ത് ബണ്ട് റോഡിൻ്റെ പുനർനിർമ്മാണോദ്ഘാടനം മന്ത്രി ഡോ ആർ ബിന്ദു നിർവഹിച്ചു.
ഇരിങ്ങാലക്കുട മണ്ഡലത്തിലെ കരുവന്നൂർ പുഴയുടെ തീരത്ത് ഇരിങ്ങാലക്കുട നഗരസഭയെയും കാറളം പഞ്ചായത്തിനെയും ബന്ധിപ്പിച്ച് 53 വർഷങ്ങൾക്ക് മുമ്പ് ജലവിഭവ വകുപ്പ് നിർമ്മിച്ചതാണ് കരുവന്നൂർ സൗത്ത് ബണ്ട് റോഡ്.
3030 മീറ്റർ നീളത്തിൽ ശരാശരി 4.80 മീറ്റർ വീതിയിൽ റോഡ് റീ ടാറിംങ്ങും 345 മീറ്റർ നീളത്തിൽ 5 മീറ്റർ വീതിയിൽ കോൺക്രീറ്റ് പാവിംങ്ങ് ബ്ലോക്ക് വിരിക്കുന്ന പ്രവൃത്തിക്കുമാണ് ഇപ്പോൾ തുടക്കമായിരിക്കുന്നത്.
കരുവന്നൂർ വലിയ പാലത്തിന് സമീപം നടന്ന യോഗത്തിൽ ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്റ് ലളിത ബാലൻ അധ്യക്ഷത വഹിച്ചു.
കാറളം പഞ്ചായത്ത് പ്രസിഡന്റ് ബിന്ദു പ്രദീപ് മുഖ്യാതിഥിയായിരുന്നു.
ജില്ലാ പഞ്ചായത്ത് മെമ്പർ ഷീല അജയ്ഘോഷ്, ഇരിങ്ങാലക്കുട ബ്ലോക്ക് പഞ്ചായത്ത് മെമ്പർ മോഹനൻ വലിയാട്ടിൽ, ഇരിങ്ങാലക്കുട നഗരസഭ കൗൺസിലർമാരായ നസീമ കുഞ്ഞുമോൻ, അൽഫോൺസ തോമസ്, രാജി കൃഷ്ണകുമാർ, കാറളം പഞ്ചായത്ത് മെമ്പർ ലൈജു ആൻ്റണി, വിവിധ രാഷ്ട്രീയ പാർട്ടി പ്രതിനിധികൾ എന്നിവർ പ്രസംഗിച്ചു.
എക്സിക്യൂട്ടീവ് എഞ്ചിനീയർ എ ബി ജിഷ റിപ്പോർട്ട് അവതരിപ്പിച്ചു.
ജലവിഭവ വകുപ്പ് സൂപ്രണ്ടിങ്ങ് എഞ്ചിനീയർ സ്വാഗതവും അസി എക്സിക്യൂട്ടീവ് എഞ്ചിനീയർ ടി വി അജിത്ത്കുമാർ നന്ദിയും പറഞ്ഞു.
കോമ്പാറ അമ്പ് ഫെസ്റ്റിവൽ : സ്വാഗതസംഘം ഓഫീസ് ഉദ്ഘാടനവും സപ്ലിമെന്റ് പ്രകാശനവും 17ന്
ഇരിങ്ങാലക്കുട : ജനുവരി 6 ശനിയാഴ്ച വൈകിട്ട് 7 മണിക്ക് ആരംഭിക്കുന്ന കോമ്പാറ അമ്പ് ഫെസ്റ്റിവലിന്റെ സ്വാഗതസംഘം ഓഫീസ് ഉദ്ഘാടനവും സപ്ലിമെൻറ് പ്രകാശനവും 17ന് രാവിലെ 11 മണിക്ക് കോമ്പാറ സെന്ററിൽ നടക്കും.
സ്വാഗതസംഘം ഓഫീസ് ഉദ്ഘാടനം പോലീസ് സബ് ഇൻസ്പെക്ടർ എം എസ് ഷാജൻ നിർവഹിക്കും.
കത്തീഡ്രൽ വികാരി റവ ഫാ പയസ് ചിറപ്പണത്ത് സപ്ലിമെൻറ് പ്രകാശനം ചെയ്യും.
15 വർഷങ്ങൾക്ക് ശേഷമാണ് കോമ്പാറ അമ്പ് ഫെസ്റ്റിവൽ നടത്തുന്നത് എന്നത് ഈ വർഷത്തെ പ്രത്യേകതയാണ്.
കോമ്പാറ അമ്പ് ഫെസ്റ്റിവൽ – ജനുവരി 6 ന്
15 വർഷങ്ങൾക്ക് ശേഷം….. 🔥🔥
ഇരിങ്ങാലക്കുട ശ്രീ കണ്ഠേശ്വരം മഹാദേവ ക്ഷേത്രത്തിൽ തിരുവാതിര ആഘോഷം 26ന്
ഇരിങ്ങാലക്കുട : ശ്രീ കണ്ഠേശ്വരം മഹാദേവ ക്ഷേത്രത്തിൽ തിരുവാതിര ആഘോഷങ്ങൾ
ഡിസംബർ 26ന് വൈകീട്ട് 6.30 മുതൽ എട്ടങ്ങാടി, തിരുവാതിരക്കളി,പാതിരാ പൂചൂടൽ, ഊഞ്ഞാലാട്ടം തുടങ്ങിയ പരമ്പരാഗതമായ ആചാരങ്ങളോടെ നടത്തുന്നതാണ്.
പങ്കെടുക്കാൻ താല്പര്യമുള്ള ടീമുകൾ താഴെ കാണുന്ന നമ്പറുകളിൽ ബന്ധപ്പെടണമെന്ന് ക്ഷേത്രം ഭാരവാഹികൾ അറിയിച്ചു.
മൊബൈൽ : 9745780646, 9846330869
കരുവന്നൂരിൽ സൗജന്യ നേത്ര ക്യാമ്പ് നടത്തി
ഇരിങ്ങാലക്കുട : ആർദ്രം സ്വാന്തന പരിപാലന കേന്ദ്രത്തിന്റെ കരുവന്നൂർ മേഖലാ കമ്മിറ്റി തൃശൂർ ജില്ലാ ഗവ ജനറൽ ആശുപത്രിയുടെ സഹകരണത്തോടെ കരുവന്നൂർ പ്രിയദർശിനി ഹാളിൽ സംഘടിപ്പിച്ച സൗജന്യ നേത്ര പരിശോധന ക്യാമ്പ് ഡോ ടി ദൃശ്യ ഉദ്ഘാടനം ചെയ്തു.
ചടങ്ങിൽ ടി കെ ജയാനന്ദൻ അധ്യക്ഷത വഹിച്ചു.
ഡോ അശ്വതി ഗോപാൽ നേതൃപരിചരണത്തെ കുറിച്ചുള്ള ക്ലാസ് നയിച്ചു.
വാർഡ് കൗൺസിലർമാരായ അൽഫോൺസാ തോമസ്, രാജി കൃഷ്ണകുമാർ എന്നിവർ ആശംസകൾ നേർന്നു.
സംഘാടകസമിതി ചെയർമാൻ പി കെ മനു മോഹൻ സ്വാഗതവും ജെയ്സി നന്ദിയും പറഞ്ഞു.
ക്യാമ്പ് കോർഡിനേറ്റർ ഒ എൻ അജിത് കുമാർ, മേഖലാ കോർഡിനേറ്റർ യു പ്രദീപ് മേനോൻ, ചെയർമാൻ ഉല്ലാസ് കളക്കാട്ട്, സെക്രട്ടറി ടി എൽ ജോർജ്ജ്, പി എ രാധാകൃഷ്ണൻ, ഐ എസ് ജ്യോതിഷ്, വി കെ പ്രഭ, ജോണി, മഞ്ജു, ഷെർലി തുടങ്ങിയവർ പങ്കെടുത്തു.
നേത്രക്യാമ്പ് ജില്ലാ കോർഡിനേറ്റർ ബിന്ദു സിദ്ദിഖ് ക്യാമ്പിന് നേതൃത്വം നൽകി.
സെൻറ് ജോസഫ്സ് കോളേജിൽ രസതന്ത്ര വിഭാഗത്തിന്റെ ദേശീയ സെമിനാർ
ഇരിങ്ങാലക്കുട : സെൻറ് ജോസഫ്സ് കോളേജ് (ഓട്ടോണമസ്) രസതന്ത്ര വിഭാഗത്തിന്റെ നേതൃത്വത്തിൽ കേരള സ്റ്റേറ്റ് കൗൺസിൽ ഫോർ സയൻസ് ടെക്നോളജി ആൻഡ് എൻവയോൺമെന്റ് (കെ എസ് സി എസ് ടി ഇ) യുടെ സഹായത്തോടെ സംഘടിപ്പിക്കുന്ന ദേശീയ സെമിനാറിനു തുടക്കമായി.
ഡോ എസ് എൻ ജയ് ശങ്കർ (സി എസ് ഐ ആർ, സെൻട്രൽ ലെതർ റിസർച്ച് ഇൻസ്റ്റിറ്റ്യൂട്ട് ചെന്നൈ) ഉദ്ഘാടനം ചെയ്തു.
ചടങ്ങിൽ പ്രിൻസിപ്പൽ ഡോ സിസ്റ്റർ ബ്ലെസി അധ്യക്ഷത വഹിച്ചു.
ഡോ എൻ എൽ മേരി (മദ്രാസ് സ്റ്റെല്ലമാരീസ് കോളേജ് രസതന്ത്ര വിഭാഗം മേധാവി) ആശംസകൾ നേർന്നു.
ഡോ എസ് എൻ ജയശങ്കർ, ഡോ എൻ എൽ മേരി എന്നിവർ ക്ലാസുകൾ നയിച്ചു.
രസതന്ത്ര വിഭാഗം മേധാവി ഡോ സി ഡീന ആന്റണി സ്വാഗതവും, സെമിനാർ കോർഡിനേറ്റർ ഡോ നിഷ ജോർജ്ജ് നന്ദിയും പറഞ്ഞു.
സെമിനാറിന്റെ രണ്ടാം ദിവസം ഡോ പി വിനീത് മോഹനൻ (കുസാറ്റ് കൊച്ചി ), ഡോ നീത ജോൺ(സിപ്പെറ്റ് കൊച്ചി), ഡോ അനൂപ് വടക്കേക്കര (വാക്കർ കെമി ബാംഗ്ലൂർ) എന്നിവർ ക്ലാസുകൾ നയിക്കും.
ഇരിങ്ങാലക്കുട : ഇരിങ്ങാലക്കുടയുടെ സാംസ്കാരിക വേദി സമകാലീന വിഷയങ്ങളിലെ ചർച്ചകളിലൂടെ സമ്പന്നമാക്കിയ ‘സർഗ്ഗവേദി’യുടെ 106-ാമത് ചർച്ചാ ക്ലാസ്സ് “നവോത്ഥാനത്തിന്റെ പാട്ട് വഴികൾ” 19 (ചൊവ്വാഴ്ച്ച) വൈകീട്ട് 3.30ന് ഇരിങ്ങാലക്കുട ടൗൺ ഹാളിന് എതിർവശമുള്ള നക്കര കോംപ്ലക്സ് ഹാളിൽ സംഘടിപ്പിക്കുന്നു.
പ്രഗത്ഭ വാഗ്മിയും കവിയും ചിന്തകനുമായ ആലങ്കോട് ലീലാകൃഷ്ണനാണ് ക്ലാസ് നയിക്കുക.
