ഇരിങ്ങാലക്കുട : സെന്റ് ജോസഫ്സ് കോളെജിലെ വിദ്യാർഥികൾ ഉണ്ടാക്കിയ റോബോട്ടിനെ കാണാനെത്തിയ കുട്ടികളുടെ വാക്കിലും നോക്കിലും കൗതുകം നിറഞ്ഞു.
എന്തു ചോദിച്ചാലും മറുപടി പറയുമോ എന്നതായിരുന്നു കുട്ടികളുടെ ആദ്യത്തെ പരീക്ഷണം. ചേച്ചിമാരുടെ യൂണിഫോം പോലെ യൂണിഫോമിട്ട റോബോട്ട് ജോസഫൈനാകട്ടെ കുട്ടി സംശയങ്ങൾ തീർത്തു കൊടുത്ത് കുട്ടികൾക്കിടയിൽ താരമായി.
വിദ്യാർഥികളിൽ ശാസ്ത്രബോധവും ശാസ്ത്രാഭിരുചിയും വളർത്തിയെടുക്കുക എന്ന ലക്ഷ്യത്തോടു കൂടി ഇരിങ്ങാലക്കുട സെൻ്റ് ജോസഫ്സ് കോളെജും ഇ കെ എൻ വിദ്യാഭ്യാസ കേന്ദ്രവും സംയുക്തമായി ”ദൈനംദിന ജീവിതത്തിലെ ആർട്ടിഫിഷ്യൽ ഇൻ്റലിജൻസ്” എന്ന വിഷയത്തിൽ സംഘടിപ്പിച്ച ക്ലാസിലാണ് റോബോട്ടും കുട്ടികളും തമ്മിൽ ആശയവിനിമയം നടന്നത്.
വൈസ് പ്രിൻസിപ്പൽ ഡോ സിസ്റ്റർ അഞ്ജന ഉദ്ഘാടനം നിർവഹിച്ചു.
ബി വോക് മാത്തമാറ്റിക്സ് ആൻ്റ് ആർട്ടിഫിഷ്യൽ ഇൻ്റലിജൻസ് വിഭാഗം അധ്യാപിക അഞ്ജു പി ഡേവിസ് ക്ലാസ്സ് നയിച്ചു.
പരിപാടിയോടനുബന്ധിച്ച് ഡിപ്പാർട്ട്മെൻ്റിലെ വിദ്യാർഥികളുടെ പ്രോജക്ടിൻ്റെ പ്രദർശനവും സംഘടിപ്പിച്ചു.
ഇൻ്റേൺഷിപ്പിൻ്റെ ഭാഗമായി ഡിപ്പാർട്ട്മെന്റിലെ വിദ്യാർഥികൾ രൂപകൽപന ചെയ്തതാണ് ജോസഫ് – Al-ne എന്ന റോബോട്ട്.
പരിപാടിയിൽ ഇ കെ എൻ കേന്ദ്രം പ്രസിഡൻ്റ് ഡോ കെ മാത്യു പോൾ ഊക്കൻ, കെ മായ എന്നിവർ സംബന്ധിച്ചു.
