ഇരിങ്ങാലക്കുട : ജനകീയ ആസൂത്രണ പദ്ധതി പ്രകാരം ഇരിങ്ങാലക്കുട നഗരസഭ നടപ്പിലാക്കുന്ന തെരുവുനായ പേവിഷബാധ പ്രതിരോധ കുത്തിവെപ്പ് ആരംഭിച്ചു.
നഗരസഭ ചെയർപേഴ്സൺ മേരിക്കുട്ടി ജോയ് പദ്ധതിയുടെ ഉദ്ഘാടനം നിർവഹിച്ചു.
കൗൺസിലർ അവിനാഷ് അധ്യക്ഷത വഹിച്ചു.
സീനിയർ വെറ്ററിനറി സർജൻ ഡോ എൻ കെ സന്തോഷ് പദ്ധതി വിശദീകരണം നടത്തി.
ആരോഗ്യ സ്റ്റാൻഡിംഗ് കമ്മറ്റി ചെയർപേഴ്സൺ അംബിക പള്ളിപ്പുറത്ത് സ്വാഗതവും വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഫെനി എബിൻ വെള്ളാനിക്കാരൻ നന്ദിയും പറഞ്ഞു.
കൗൺസിലർമാരായ കെ ആർ വിജയ, പി ടി ജോർജ്, മിനി സണ്ണി, മിനി ജോസ് എന്നിവർ സന്നിഹിതരായിരുന്നു.
