ഇരിങ്ങാലക്കുട : സ്നേഹക്കൂട് ഭവന പദ്ധതിയിലെ നാലാമത്തെ വീടിന്റെ താക്കോല്‍ദാനം മന്ത്രി ഡോ ആര്‍ ബിന്ദു നിര്‍വഹിച്ചു.
വീടിന്റെ താക്കോല്‍ മന്ത്രി ഡോ ആര്‍ ബിന്ദു പരേതനായ നാടന്‍ പാട്ട് കലാകാരന്‍ സുരേന്ദ്രന്റെ ഭാര്യ സജിനിയ്ക്ക് കൈമാറി.
ഇരിങ്ങാലക്കുട നടവരമ്പ് ഗവ മോഡല്‍ ഹയര്‍ സെക്കന്‍ഡറി സ്‌കൂള്‍ എന്‍ എസ് എസ് യൂണിറ്റിന്റെ നേതൃത്വത്തില്‍ നടവരമ്പ് അംബേദ്കര്‍ കോളനിയിലാണ് സ്നേഹക്കൂട് ഒരുക്കിയത്.
എന്‍ എസ് എസ് വിദ്യാര്‍ഥികള്‍ വിവിധ ചലഞ്ചുകളിലൂടെ സമാഹരിച്ചതും സുമനസുകളുടെ സഹായങ്ങളും ചേര്‍ത്താണ് സ്നേഹക്കൂട് നിര്‍മ്മിച്ചത്.
സ്റ്റേറ്റ് എന്‍ എസ് എസ് ഓഫീസര്‍ ഡോ ആര്‍ എന്‍ അന്‍സര്‍, എൻ എസ് എസ് ജില്ലാ കണ്‍വീനര്‍ എം വി പ്രതീഷ്, ജില്ലാ പഞ്ചായത്ത് പ്രസിഡന്റ് വി എസ് പ്രിന്‍സ്, ജില്ലാ പഞ്ചായത്ത് വൈസ് പ്രസിഡന്റ് ലത ചന്ദ്രന്‍, സ്‌കൂള്‍ പ്രിന്‍സിപ്പല്‍ പ്രീതി, ക്ലസ്റ്റര്‍ കണ്‍വീനര്‍മാര്‍, വാര്‍ഡ് മെമ്പര്‍ വിജയലക്ഷ്മി വിനയചന്ദ്രന്‍ തുടങ്ങിയവര്‍ പങ്കെടുത്തു.
