രവി
ഇരിങ്ങാലക്കുട : കുഴിക്കാട്ടുകോണം താഴത്തുവീട്ടിൽ രാമൻ മകൻ രവി (62) നിര്യാതനായി.
സംസ്കാരം നടത്തി.
ഭാര്യ : പ്രേമ
മക്കൾ : വിഷ്ണു, പ്രവീണ
മരുമകൻ : നിഖിൽ
പ്രതിബദ്ധത ജനങ്ങളോട് മാത്രം….
IRINJALAKUDA TIMES
മഴ തുടങ്ങി ; വെള്ളാങ്ങല്ലൂർ വെള്ളത്തിലായി
ഇരിങ്ങാലക്കുട : മഴ ആരംഭിച്ചപ്പോഴേക്കും വെള്ളാങ്ങല്ലൂർ പഞ്ചായത്തിലെ ബ്ലോക്ക് ജംഗ്ഷൻ മുതൽ മനക്കലപ്പടി വരെ ചെറിയ റോഡുകളും വീടുകളും കടകളുമെല്ലാം വെള്ളക്കെട്ടിലായി.
പ്രദേശത്തെ മാരുതി കാർ വർക്ക്ഷോപ്പ്, ടെമ്പോ വർക്ക്ഷോപ്പ്, പറമ്പുകൾ, അറവുശാല, എൻ.സി.എഫ്. റോഡ് തുടങ്ങിയവയെല്ലാം വെള്ളം കയറിയ നിലയിലാണ്.
തൃശ്ശൂർ – കൊടുങ്ങല്ലൂർ സംസ്ഥാന പാതയുടെ നിർമ്മാണം ഏറ്റെടുത്തിട്ടുള്ള കെ.എസ്.ടി.പി. യുടെ ദീർഘ വീക്ഷണമില്ലായ്മയും മെല്ലെപോക്കും അവരുടെ പ്രവർത്തനങ്ങളിൽ മതിയായ ശ്രദ്ധ ചെലുത്താത്ത അധികാരികളുടെ ആത്മാർത്ഥതയില്ലായ്മയുമാണ് മഴ ആരംഭിച്ചപ്പോഴേക്കും പ്രദേശത്തെ ദുരിതത്തിലാക്കിയതെന്ന് പഞ്ചായത്ത് മെമ്പർ ഷംസു വെളുത്തേരി ആരോപിച്ചു.
ഇതിന്റെ ഇരകൾ പൊതുജനങ്ങൾ മാത്രമാണെന്നും ഏറ്റവും മലിനമായ ജലമാണ് ഇവിടേക്ക് ഒഴുകിയെത്തി കെട്ടി നിൽക്കുന്നതെന്നും അദ്ദേഹം ചൂണ്ടിക്കാട്ടി.
പകർച്ചവ്യാധികൾ പടരാനുള്ള സാധ്യതയും ഇവിടെ വർദ്ധിച്ചു വരികയാണെന്നും എത്രയും വേഗം ബന്ധപ്പെട്ട അധികാരികൾ പ്രശ്ന പരിഹാരത്തിന് ഉതകും വിധം നടപടി സ്വീകരിക്കണമെന്നും ഷംസു വെളുത്തേരി ആവശ്യപ്പെട്ടു.
ഇരിങ്ങാലക്കുടയിൽ നെഹ്റു അനുസ്മരണവും പുഷ്പാർച്ചനയും സംഘടിപ്പിച്ചു
ഇരിങ്ങാലക്കുട : സ്വതന്ത്ര ഇന്ത്യയിലെ ആദ്യത്തെ പ്രധാനമന്ത്രി പണ്ഡിറ്റ് ജവഹർലാൽ നെഹ്റുവിന്റെ 61-ാം ചരമദിനത്തോടനുബന്ധിച്ച് ഇരിങ്ങാലക്കുടയിൽ നെഹ്റു അനുസ്മരണവും പുഷ്പാർച്ചനയും സംഘടിപ്പിച്ചു.
ഡിസിസി ജനറൽ സെക്രട്ടറി സോണിയ ഗിരി അനുസ്മരണ സമ്മേളനം ഉദ്ഘാടനം ചെയ്തു.
മണ്ഡലം പ്രസിഡന്റ് സി.എസ്. അബ്ദുൽ ഹഖ് അധ്യക്ഷത വഹിച്ചു.
യൂത്ത് കോൺഗ്രസ് ഇരിങ്ങാലക്കുട നിയോജകമണ്ഡലം പ്രസിഡന്റ് സനൽ കല്ലൂക്കാരൻ, മണ്ഡലം പ്രസിഡന്റ് ജോമോൻ മണാത്ത്, കൗൺസിലർ ജെയ്സൺ പാറേക്കാടൻ, മഹിള കോൺഗ്രസ് മണ്ഡലം പ്രസിഡന്റ് മിനി കാളിയങ്കര, മണ്ഡലം സെക്രട്ടറി എ.സി. സുരേഷ്, ശ്രീറാം ജയപാലൻ എന്നിവർ നേതൃത്വം നൽകി.
വേളൂക്കരയിൽ മഹാത്മാഗാന്ധി കുടുംബ സംഗമം നടത്തി
ഇരിങ്ങാലക്കുട : കോൺഗ്രസ് വേളൂക്കര 14-ാം വാർഡ് കമ്മിറ്റിയുടെ ആഭിമുഖ്യത്തിൽ മഹാത്മാഗാന്ധി കുടുംബ സംഗമവും എസ്.എസ്.എൽ.സി., പ്ലസ് ടു പരീക്ഷയിൽ ഉന്നതവിജയം നേടിയ വിദ്യാർഥികളെ അനുമോദിക്കലും, മുതിർന്ന കോൺഗ്രസ് പ്രവർത്തകരെ ആദരിക്കലും സംഘടിപ്പിച്ചു.
വാർഡ് പ്രസിഡന്റ് ശ്രീകുമാർ ചക്കമ്പത്ത് അധ്യക്ഷത വഹിച്ചു.
കെ.പി.സി.സി. മുൻ ജനറൽ സെക്രട്ടറി എം.പി. ജാക്സൺ ഉദ്ഘാടനം നിർവ്വഹിച്ചു.
മണ്ഡലം പ്രസിഡൻ്റ് അഡ്വ. ശശികുമാർ എടപ്പുഴ, കാട്ടൂർ ബ്ലോക്ക് കോൺഗ്രസ് ജനറൽ സെക്രട്ടറിമാരായ ആമിന അബ്ദുൾഖാദർ, സമദ് പെരുമ്പിലായി, ബിന്ദു ചെറാട്ട്, യൂത്ത് കോൺഗ്രസ്സ് മണ്ഡലം പ്രസിഡൻ്റ് സനൽ, വാർഡ് മെമ്പർമാരായ യൂസഫ് കൊടകരപറമ്പിൽ, ബിബിൻ തുടിയത്ത്, തുമ്പൂർ സർവ്വീസ് സഹകരണ ബാങ്ക് മുൻ പ്രസിഡൻ്റ് ജോണി കാച്ചപ്പിള്ളി, പ്രേമൻ പൂവ്വത്തുംകടവിൽ, റാഫി മൂശ്ശേരിപറമ്പിൽ എന്നിവർ പ്രസംഗിച്ചു.
ബൂത്ത് പ്രസിഡന്റുമാരായ ഷിൻ്റോ സ്വാഗതവും ഷജീർ കൊടകരപറമ്പിൽ നന്ദിയും പറഞ്ഞു.
പിണറായി സർക്കാരിൻ്റെ ദുർഭരണത്തിനെതിരെമാപ്രാണത്ത് ബി ജെ പിയുടെ പ്രതിഷേധ ജ്വാല
ഇരിങ്ങാലക്കുട : പത്താം വർഷത്തിലേക്ക് കടക്കുന്ന പിണറായി സർക്കാരിൻ്റെ ദുർഭരണത്തിനെതിരെ ബി ജെ പി പൊറത്തിശ്ശേരി ഏരിയാ കമ്മിറ്റിയുടെ നേതൃത്വത്തിൽ മാപ്രാണം സെൻ്ററിൽ പ്രതിഷേധ ജ്വാല നടത്തി.
ഏരിയാ പ്രസിഡണ്ട് സൂരജ് കടുങ്ങാടൻ അദ്ധ്യക്ഷത വഹിച്ചു.
മണ്ഡലം പ്രസിഡണ്ട് ആർച്ച അനീഷ് ഉദ്ഘാനം ചെയ്തു.
മണ്ഡലം സെക്രട്ടറി ടി കെ ഷാജു മുഖ്യ പ്രഭാഷണം നടത്തി.
മണ്ഡലം ജനറൽ സെക്രട്ടറി വി.സി.രമേഷ്, ലാംബി റാഫേൽ, വത്സല നന്ദൻ, ശ്രീജേഷ്, ആർട്ടിസ്റ്റ് പ്രഭ, കൗൺസിലർമാരായ മായ അജയൻ, സരിത സുഭാഷ്, ഏരിയാ വൈസ് പ്രസിഡണ്ട് സതീഷ് കെ പിള്ള, ടി വി ഉണ്ണികൃഷ്ണൻ തുടങ്ങിയവർ നേതൃത്വം നൽകി.
ഏരിയാ ജനറൽ സെക്രട്ടറി സൂരജ് നമ്പ്യാങ്കാവ് സ്വാഗതവും, വൈസ് പ്രസിഡണ്ട് സന്തോഷ് കാര്യാടൻ നന്ദിയും പറഞ്ഞു.
അധ്യാപക ഒഴിവ്
ഇരിങ്ങാലക്കുട : മാടായിക്കോണം പി.കെ. ചാത്തൻ മാസ്റ്റർ മെമ്മോറിയൽ ഗവ. യു.പി. സ്കൂളിൽ എൽ.പി. സ്കൂൾ അധ്യാപിക, ജൂനിയർ ഹിന്ദി, ജൂനിയർ സംസ്കൃതം എന്നീ തസ്തികകളിലേക്ക് ദിവസവേതനാടിസ്ഥാനത്തിൽ താൽക്കാലിക ഒഴിവുണ്ട്.
യോഗ്യരായ ഉദ്യോഗാർത്ഥികൾ അസ്സൽ സർട്ടിഫിക്കറ്റുകൾ സഹിതം മെയ് 30 വെള്ളിയാഴ്ച രാവിലെ 11 മണിക്ക് നടത്തുന്ന കൂടിക്കാഴ്ചയിൽ ഹാജരാകണമെന്ന് ഹെഡ്മിസ്ട്രസ്സ് അറിയിച്ചു.
യു.പി.എസ്.ടി. തസ്തികയിൽ താൽക്കാലിക ഒഴിവ്
ഇരിങ്ങാലക്കുട : ഗവ. മോഡൽ ബോയ്സ് ഹയർ സെക്കന്ററി സ്കൂളിൽ ഹൈസ്കൂൾ വിഭാഗത്തിൽ യു.പി.എസ്.ടി. തസ്തികയിൽ താൽക്കാലിക ഒഴിവുണ്ട്.
നിശ്ചിത യോഗ്യതയുള്ളവർ കൂടിക്കാഴ്ചയ്ക്കായി മെയ് 30 വെള്ളിയാഴ്ച രാവിലെ 10 മണിക്ക് അസ്സൽ സർട്ടിഫിക്കറ്റുകളുമായി സ്കൂളിൽ നേരിട്ട് ഹാജരാകണമെന്ന് ഹെഡ്മിസ്ട്രസ്സ് അറിയിച്ചു.
കാറ്റിലും മഴയിലും വള്ളിവട്ടം കോഴിക്കാട് മേഖലയിൽ കനത്ത നാശനഷ്ടം
ഇരിങ്ങാലക്കുട : കഴിഞ്ഞ ദിവസങ്ങളിലുണ്ടായ ശക്തമായ കാറ്റിലും മഴയിലും വള്ളിവട്ടം കോഴിക്കാട് മേഖലയിൽ കനത്ത നാശനഷ്ടം.
കോഴിക്കാട് കൊല്ലംപറമ്പിൽ അശോകന്റെ വീട്ടുപറമ്പിലെ അടയ്ക്കാമരങ്ങൾ വീടിനു മുകളിലേക്ക് വീണ് വീടിന് കാര്യമായ കേടുപാടുകൾ സംഭവിച്ചു.
മേഖലയിൽ വ്യാപകമായ കൃഷിനാശവും സംഭവിച്ചിട്ടുണ്ട്.
മഴ ശക്തമാകുന്നു : പാമ്പുകളെ കണ്ടാൽ വിളിക്കേണ്ട നമ്പറുകൾ
ഇരിങ്ങാലക്കുട : മഴ കനക്കുന്ന സാഹചര്യത്തിൽ പലയിടത്തും വീടുകളിലും വെള്ളം കയറി തുടങ്ങിയതിനാൽ തന്നെ പാമ്പുകൾ നമ്മുടെ വീടിനുള്ളിലേക്കും കയറി വരുവാനുള്ള സാധ്യത കൂടുതലാണ്.
നിങ്ങളുടെ വീട്ടിലോ പരിസരത്തോ പാമ്പുകളെ കണ്ടാൽ ഉടൻ വനംവകുപ്പിന്റെ പരിശീലനം ലഭിച്ച തൃശ്ശൂർ ജില്ലയിലെ റെസ്ക്യൂവേഴ്‌സിന്റെ നമ്പറുകളിൽ ബന്ധപ്പെടാവുന്നതാണ്.
9745547906 – ജോജു
9745484856 – മിഥുൻ
9961359762 – ശ്രീക്കുട്ടൻ
7012225764 – അജീഷ്
8301064383 – ശരത്ത്
9446230860 – നവാസ്
8921554583 – ലിജോ
പുല്ലൂറ്റ് ഗവ. കെ.കെ.ടി.എം. കോളെജിൽ സീറ്റൊഴിവ്
ഇരിങ്ങാലക്കുട : പുല്ലൂറ്റ് ഗവ. കെ.കെ.ടി.എം. കോളെജിൽ 2025-26 അധ്യയന വർഷം രണ്ടാം വർഷ ട്രാവൽ ആൻഡ് ടൂറിസം മാനേജ്‌മെന്റ് (ഓണേഴ്‌സ്) ബിരുദ കോഴ്‌സിൽ മൂന്നാം സെമസ്റ്ററിൽ രണ്ട് സീറ്റുകൾ ഒഴിവുണ്ട്.
2024- 25 അധ്യയന വർഷം കാലിക്കറ്റ് യൂണിവേഴ്സിറ്റി അഡ്മിഷൻ പോർട്ടലിൽ രജിസ്റ്റർ ചെയ്ത ഇതേ കോഴ്‌സിലെ രണ്ടാം സെമസ്റ്റർ വിദ്യാർഥികൾക്ക് കാലിക്കറ്റ് യൂണിവേഴ്സിറ്റിയുടെ നിയമങ്ങൾക്ക് വിധേയമായി കോളെജ് ട്രാൻസ്ഫറിന് അപേക്ഷിക്കാവുന്നതാണ്.
മെയ് 31 വരെ നേരിട്ടുള്ള അപേക്ഷകൾ സ്വീകരിക്കും.
കൂടുതൽ വിവരങ്ങൾക്ക് കോളെജുമായി ബന്ധപ്പെടാവുന്നതാണെന്ന് പ്രിൻസിപ്പൽ അറിയിച്ചു.
ഫോൺ: 0480-2802213
