ഇരിങ്ങാലക്കുട : സംസ്ഥാന അധ്യാപക അവാർഡ് ജേതാവ് എം. സുധീർ മാസ്റ്ററെ മുൻ സർക്കാർ ചീഫ് വിപ്പ് അഡ്വ. തോമസ് ഉണ്ണിയാടൻ അഭിനന്ദിച്ചു.
ഹയർ സെക്കന്ററി വിഭാഗത്തിൽ പ്രവർത്തിക്കുന്ന മികച്ച അധ്യാപകൻ എന്ന നിലയ്ക്കാണ് സുധീർ മാസ്റ്റർക്ക് സംസ്ഥാന സർക്കാരിന്റെ ഈ പുരസ്കാരം ലഭ്യമായത്. പാഠ്യപാഠ്യേതര രംഗങ്ങളിൽ മികവുറ്റ പ്രവർത്തനങ്ങൾ കാഴ്ചവച്ചതിലും മാതൃകാ ക്ലാസ്സ് അവതരണം, അഭിമുഖം എന്നിവ കൂടി കണക്കിലെടുത്താണ് സുധീർ മാസ്റ്റർക്ക് അവാർഡ് ലഭിച്ചിട്ടുള്ളത്.
ഇരിങ്ങാലക്കുട മോഡൽ ബോയ്സ് ഹയർ സെക്കന്ററി സ്കൂളിൽ 20 വർഷക്കാലം ഹയർ സെക്കന്ററി അധ്യാപകനായി പ്രവർത്തിച്ച സുധീർ മാസ്റ്റർ ഇരിങ്ങാലക്കുടയിലെ താമസക്കാരനും ഇപ്പോൾ കൊടകര ഹയർ സെക്കന്ററി സ്കൂൾ പ്രിൻസിപ്പലുമാണ്.
