ഇരിങ്ങാലക്കുട : പുല്ലൂർ സെന്റ് സേവിയേഴ്സ് ഇടവകയുടെ 48-ാം വാർഷികാഘോഷം ബിഷപ്പ് മാർ പോളി കണ്ണൂക്കാടൻ ഉദ്ഘാടനം ചെയ്തു.
യുവജനങ്ങളെ സഭയോട് ചേർത്ത് പിടിക്കണം എന്നും ഇടവകകൾ യുവജന സൗഹൃദം ആകണമെന്നും അദ്ദേഹം പറഞ്ഞു.
വികാരി റവ. ഡോ. ജോയ് വട്ടോളി അധ്യക്ഷത വഹിച്ചു.
ജനറൽ കൺവീനർ ജെയിംസ് അക്കരക്കാരൻ സ്വാഗതം പറഞ്ഞു.
ഫാ. ആൽവിൻ അറക്കൽ, കൈക്കാരൻ ലിസൺ മാടാനി, കുടുംബ സമ്മേളന കേന്ദ്ര സമിതി പ്രസിഡന്റ് ജോണി താക്കോൽക്കാരൻ എന്നിവർ പ്രസംഗിച്ചു.
സന്യാസത്തിന്റെ സുവർണ്ണ ജൂബിലി ആഘോഷിക്കുന്ന റവ. ഫാ. ഡേവിസ് ചക്കാലമറ്റത്ത് റവ.സി. മരിയ വെർജിൻ എന്നിവരെ ആദരിച്ചു.
50 -ാം വിവാഹ വാർഷിക വേളയിൽ പാവപ്പെട്ടവർക്കായി ഭൂമിദാനം ചെയ്ത ജെയ്സൺ പേങ്ങിപറമ്പിൽ, മതബോധന പ്ലസ് 2 പരീക്ഷയിൽ ഉന്നത വിജയം നേടിയ ഹന്ന ഷാജു, സംസ്ഥാന സ്കൂൾ യുവജനോത്സവത്തിൽ ദേശഭക്തിഗാനത്തിൽ ഒന്നാം സ്ഥാനം നേടിയ ഇടവകയിലെ കുട്ടികൾ എന്നിവരെ ആദരിച്ചു.
തുടർന്ന് ജോണി മലയാറ്റൂരിന്റെ നേതൃത്വത്തിൽ ഇടവകയിലെ 250ഓളം വരുന്ന കലാകാരന്മാർ നടത്തിയ മിശിഹാ 2കെ25 എന്ന നൃത്ത ആവിഷ്കാരം, സ്കിറ്റ്, ഗാനമേള എന്നിവ അരങ്ങേറി.
