ഇരിങ്ങാലക്കുട : സഹകരണ കാർഷിക ഗ്രാമവികസന ബാങ്ക് 2025-26 സാമ്പത്തിക വർഷത്തിൽ കാർഷിക, വ്യവസായ, വിദ്യാഭ്യാസ, സ്വർണ്ണ പണ്ടം പണയം എന്നീ ഇനങ്ങളിലായി 20 കോടി രൂപ വായ്പ നൽകുമെന്ന് ബാങ്ക് പ്രസിഡൻ്റ് തിലകൻ പൊയ്യാറ പറഞ്ഞു.
ബാങ്കിൻ്റെ 54-ാം വാർഷിക പൊതുയോഗത്തിൽ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.
വിദ്യാഭ്യാസ അവാർഡുകളും വിതരണം ചെയ്തു.
ചടങ്ങിൽ ജില്ലയിലെ മികച്ച കർഷകർക്കുള്ള കേന്ദ്ര ബാങ്കിൻ്റെ അവാർഡിനർഹയായ റോസ്മേരിയെ പൊന്നാട ചാർത്തി ഉപഹാരം നൽകി ആദരിച്ചു.
വൈസ് പ്രസിഡൻ്റ് രജനി സുധാകരൻ, ഡയറക്ടർമാരായ കെ. ഗോപാലകൃഷ്ണൻ, കെ.കെ. ശോഭനൻ, എ.സി. സുരേഷ്, കെ.എൽ. ജെയ്സൺ, സെക്രട്ടറി കെ.എസ്. ശ്രീജിത്ത് എന്നിവർ പ്രസംഗിച്ചു.
