ഇരിങ്ങാലക്കുട : മുരിയാട് പഞ്ചായത്തിലെ നവീകരിച്ച വെള്ളിലംകുന്ന് നഗർ കമ്മ്യൂണിറ്റി ഹാൾ മന്ത്രി ഡോ. ആർ. ബിന്ദു നാടിന് സമർപ്പിച്ചു.
ഈ ഉന്നതിയിലെ എല്ലാവർക്കും അവരുടെ ആവശ്യാനുസരണം ഹാൾ ഉപയോഗിക്കാൻ സാധിക്കുമെന്നും പട്ടികജാതി വിഭാഗത്തിൽപ്പെട്ടവരുടെ ഉന്നമനത്തിന് വേണ്ടി പ്രഥമ പരിഗണനയാണ് സർക്കാർ നൽകുന്നതെന്നും മന്ത്രി ആർ. ബിന്ദു പറഞ്ഞു.
പട്ടികജാതി വികസന വകുപ്പിന്റെ 2024- 25 കോർപ്പസ് ഫണ്ടിൽ നിന്നും 15 ലക്ഷം രൂപ ഉപയോഗിച്ചാണ് കമ്മ്യൂണിറ്റി ഹാൾ നവീകരിച്ചത്.
ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്റ് ടി.ജി. ശങ്കരനാരായണൻ അധ്യക്ഷത വഹിച്ചു.
ജില്ലാ പഞ്ചായത്ത് അംഗം ജോസ് ജെ. ചിറ്റിലപ്പിള്ളി, മുരിയാട് പഞ്ചായത്ത് പ്രസിഡന്റ് സരള വിക്രമൻ എന്നിവർ മുഖ്യാതിഥികളായി.
ഇരിങ്ങാലക്കുട ബ്ലോക്ക് പഞ്ചായത്ത് വൈസ് പ്രസിഡന്റ് നിമിഷ ശ്രീനിവാസൻ, മുരിയാട് പഞ്ചായത്തിലെ സ്റ്റാൻഡിങ് കമ്മിറ്റി ചെയർപേഴ്സൺമാരായ നിഖിത അനൂപ്, എ.എം. ജോൺസൺ, സുനിത മുരളി, ബ്ലോക്ക് പഞ്ചായത്ത് മെമ്പർമാർ, പഞ്ചായത്ത് മെമ്പർമാർ, പട്ടികജാതി വികസന ഓഫീസർ പി.എസ്. പ്രിയ, മറ്റു ജനപ്രതിനിധികൾ, വകുപ്പ് ഉദ്യോഗസ്ഥർ തുടങ്ങിയവർ പങ്കെടുത്തു.
