IRINJALAKUDA TIMES
ഇരിങ്ങാലക്കുട : മുസ്ലിം സർവീസ് സൊസൈറ്റി വെള്ളാങ്ങല്ലൂർ യൂണിറ്റിന്റെ നേതൃത്വത്തിൽ റമദാൻ കിറ്റ് വിതരണം നടത്തി.
യൂണിറ്റ് രക്ഷാധികാരി കുഞ്ഞുമോൻ പുളിക്കൽ ഉദ്ഘാടനം നിർവഹിച്ചു.
യൂണിറ്റ് പ്രസിഡന്റ് അബ്ദുൽ ഹാജി അധ്യക്ഷത വഹിച്ചു.
സെക്രട്ടറി പി.കെ. ജസീൽ സ്വാഗതം പറഞ്ഞു.
അബ്ദുൽ ഗഫാർ, അബ്ദുൽ സലാം, കെ.എം. യൂസഫ് എന്നിവർ പ്രസംഗിച്ചു.
ഇരിങ്ങാലക്കുട : ഇരിങ്ങാലക്കുടയിൽ നാദോപാസന സംഗീതസഭ നാലു ദിനങ്ങളിലായി സംഘടിപ്പിക്കുന്ന സ്വാതി തിരുനാൾ നൃത്ത സംഗീതോത്സവത്തിന് തുടക്കമായി.
ടൗൺ ഹാളിൽ നടക്കുന്ന സംഗീതോത്സവം ഗാനരചയിതാവ് ബി.കെ. ഹരിനാരായണൻ ഉദ്ഘാടനം ചെയ്തു.
നാദോപാസന രക്ഷാധികാരി ടി.ആർ. രാജാമണി അധ്യക്ഷത വഹിച്ചു.
ഈ വർഷത്തെ നാദോപാസന – ഗാനാഞ്ജലി പുരസ്കാരം വയലിൻ വിദ്വാൻ നെടുമങ്ങാട് ശിവാനന്ദനും, മൃദംഗ വിദ്വാൻ ആലപ്പുഴ ജി. ചന്ദ്രശേഖരൻ നായർക്കും, പാലക്കാട് ടി.ആർ. രാജാമണി സമ്മാനിച്ചു.
10,000 രൂപയും പ്രശംസാപത്രവും പൊന്നാടയുമാണ് പുരസ്കാരം.
കേരള കലാമണ്ഡലം ഡെപ്യൂട്ടി രജിസ്ട്രാർ വി. കലാധരൻ സ്വാതി തിരുനാൾ അനുസ്മരണം നടത്തി.
അഡ്വ. രഘുരാമ പണിക്കർ മുഖ്യാതിഥിയായി.
കൗൺസിലർ സ്മിത കൃഷ്ണകുമാർ, രാമദാസ് മേനോൻ എന്നിവർ ആശംസകൾ നേർന്നു.
നാദോപാസന പ്രസിഡന്റ് സോണിയ ഗിരി സ്വാഗതവും, ഗിരീഷ് കുമാർ നന്ദിയും പറഞ്ഞു.
ഇരിങ്ങാലക്കുട : കുഴിക്കാട്ടുശ്ശേരി ഗ്രാമികയിൽ ദേശക്കാഴ്ച 2025 കലാ സാംസ്കാരികോത്സവത്തിൻ്റെ ഭാഗമായി മാള ബ്ലോക്ക് പഞ്ചായത്ത് പരിധിയിലുള്ള സ്ക്കൂളുകളിലെ കുട്ടികൾക്ക് 2 സൗജന്യ ക്യാമ്പുകൾ സംഘടിപ്പിക്കുന്നു.
ഏപ്രിൽ 23,24,25 തിയതികളിൽ നടക്കുന്ന കേരള ലളിതകലാ അക്കാദമിയുടെ ‘ദിശ’ ചിത്രകലാ ക്യാമ്പിൽ 5 മുതൽ 12 വരെ ക്ലാസ്സുകളിലെ 30 കുട്ടികൾക്കാണ് പ്രവേശനം.
ഏപ്രിൽ 26 മുതൽ മെയ് 2 വരെ നടക്കുന്ന
‘വേനൽമഴ’ നാടക പരിശീലന കളരിയിൽ 7മുതൽ 12 വരെ ക്ലാസ്സുകളിലെ 40 കുട്ടികൾക്ക് പ്രവേശനം നൽകും.
സലീഷ് പത്മിനി സുബ്രഹ്മണ്യനാണ് ക്യാമ്പ് ഡയറക്റ്റർ.
മുൻകൂട്ടി പേരുകൾ രജിസ്റ്റർ ചെയ്യേണ്ട നമ്പർ : 9447086932, 828128 1898
ഇരിങ്ങാലക്കുട : സമഗ്ര ശിക്ഷ കേരളയുടെ ഭാഗമായി കോണത്തുകുന്ന് ഗവ.യു.പി. സ്കൂള് വിദ്യാര്ഥികളുടെ നേതൃത്വത്തില് വെള്ളാങ്ങല്ലൂര് പഞ്ചായത്ത് കമ്മ്യൂണിറ്റി ഹാളില് വെള്ളാങ്ങല്ലൂര് പഞ്ചായത്ത് തല പഠനോത്സവം സംഘടിപ്പിച്ചു.
പഠനോത്സവം പഞ്ചായത്ത് പ്രസിഡന്റ് നിഷ ഷാജി ഉദ്ഘാടനം ചെയ്തു.
ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ ഷീല സജീവന് അധ്യക്ഷത വഹിച്ചു.
വെള്ളാങ്ങല്ലൂര് ബിആര്സി ബിപിസി ഗോഡ് വിന് റോഡ്രിഗ്സ്, പഞ്ചായത്ത് അസി. സെക്രട്ടറി സുജന് പൂപ്പത്തി, പി.എസ്. ഷക്കീന, കെ.എ. സദക്കത്തുള്ള, എ.വി. പ്രകാശ്, പി.കെ. സൗമ്യ തുടങ്ങിയവര് പ്രസംഗിച്ചു.
തുടര്ന്ന് വിദ്യാര്ഥികള് വിവിധ പഠനപ്രവര്ത്തനങ്ങള് അവതരിപ്പിച്ചു.
ഇരിങ്ങാലക്കുട : ചാലക്കുടി പാലസ് റോഡിലുള്ള അതിഥി തൊഴിലാളികൾ വാടകയ്ക്ക് താമസിക്കുന്ന വീട്ടിൽ കയറി മൊബൈൽ ഫോൺ മോഷ്ടിച്ച കേസിൽ മൂർഷിദാബാദ് സ്വദേശിയായ ആഷിക്കി(26)നെ ചാലക്കുടി പൊലീസ് അറസ്റ്റ് ചെയ്തു.
ഇയാൾ കഴിഞ്ഞ 2 വർഷമായി ഷൊർണ്ണൂരിൽ ഹോട്ടൽ ജോലി ചെയ്തു വരികയായിരുന്നു. 2 ദിവസം മുമ്പാണ് ചാലക്കുടിയിൽ വന്നത്.
മോഷണത്തിനിടെ റൂമിലെ താമസക്കാർ ഇയാളെ പിടികൂടി തടഞ്ഞ് വച്ചു. തുടർന്ന് ചാലക്കുടി പൊലീസ് സ്ഥലത്തെത്തി ഇയാളെ അറസ്റ്റ് ചെയ്യുകയായിരുന്നു.
ചാലക്കുടി പൊലീസ് ഇൻസ്പെക്ടർ എം.കെ. സജീവ്, സബ് ഇൻസ്പെക്ടർമാരായ പ്രദീപ്, ഋഷിപ്രസാദ്, അനിൽകുമാർ, സിവിൽ പൊലീസ് ഓഫീസർമാരായ പ്രദീപ്, ബിനു എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
ഇരിങ്ങാലക്കുട : അഭിഭാഷകയും ആക്ടിവിസ്റ്റുമായ കുക്കു ദേവകിയുടെ ജീവിതത്തിലൂടെ കറുപ്പിൻ്റെ രാഷ്ട്രീയം പറഞ്ഞ “കറുപ്പഴകി” ആറാമത് ഇരിങ്ങാലക്കുട അന്താരാഷ്ട്ര ചലച്ചിത്രമേളയുടെ നാലാം ദിനത്തിൽ ശ്രദ്ധ നേടി.
പ്രദർശനത്തിനും സംവാദങ്ങൾക്കും ശേഷം സംവിധായിക ഐ.ജി. മിനിയെ മുകുന്ദപുരം തഹസിൽദാർ സിമീഷ് സാഹു ആദരിച്ചു.
പ്രൊഫ. ലിറ്റി ചാക്കോ, പി.കെ. ഭരതൻ മാസ്റ്റർ, രാധാകൃഷ്ണൻ വെട്ടത്ത് തുടങ്ങിയവർ പ്രസംഗിച്ചു.
തുടർന്ന് ആദിത്യ ബേബി സംവിധാനം ചെയ്ത ”കാമദേവൻ നക്ഷത്രം കണ്ടു” എന്ന ചിത്രം പ്രദർശിപ്പിച്ചു. ചിത്രത്തിന്റെ തിരക്കഥാകൃത്ത് ശരത്കുമാർ, നടൻമാരായ അതുൾസിംഗ്, മജീദ് ഹനീഫ, ക്യാമറാമാൻ ന്യൂട്ടൺ എന്നിവരെ നഗരസഭ വൈസ് ചെയർമാൻ ബൈജു കുറ്റിക്കാടൻ ആദരിച്ചു.
ചലച്ചിത്രമേളയുടെ അഞ്ചാം ദിനമായ മാർച്ച് 12ന് രാവിലെ 10 മണിക്ക് കേരളത്തിലെ ജലപാതകളുടെ കഥ പറയുന്ന “ജലമുദ്ര”, 12 മണിക്ക് അന്തർദേശീയ അംഗീകാരങ്ങൾ നേടിയ “ഓൾ വി ഇമാജിൻ ആസ് ലൈറ്റ്”, വൈകീട്ട് 6ന് ഗാസയിൽ നിന്നുള്ള നേരനുഭവങ്ങൾ ചിത്രീകരിച്ച “അൺടോൾഡ് സ്റ്റോറീസ് ഫ്രം ഗാസ – ഫ്രം ഗ്രൗണ്ട് സീറോ” എന്നിവ പ്രദർശിപ്പിക്കും.
പി. രാമു മേനോൻ
ഇരിങ്ങാലക്കുട : വെള്ളാനി പാറയിൽ ലക്ഷ്മിക്കുട്ടി അമ്മ മകൻ പി. രാമു മേനോൻ (85) നിര്യാതനായി.
സംസ്കാരം ബുധനാഴ്ച (മാർച്ച് 12) രാവിലെ 9.30ന് വീട്ടുവളപ്പിൽ.
ഭാര്യ : പരേതയായ പുള്ളത്ത് ശാന്ത
മകൻ : ജയറാം (ഇരിങ്ങാലക്കുട സർവ്വീസ് സഹകരണ ബാങ്ക്)
മരുമകൾ : പ്രിയ ജയറാം
ഇരിങ്ങാലക്കുട : സ്ത്രീകള് തങ്ങളുടെ ആരോഗ്യത്തെക്കുറിച്ച് ബോധവതികളായിരിക്കണമെന്ന് ചാലക്കുടി സെന്റ് ജെയിംസ് ഹോസ്പിറ്റല് ഗൈനക്കോളജിസ്റ്റ് ഡോ. പി. താര തോമസ് അഭിപ്രായപ്പെട്ടു.
കല്ലംകുന്ന് സെന്റ് സെബാസ്റ്റ്യന് ഇടവക മാതൃസംഘം സംഘടിപ്പിച്ച ”അവള്ക്കൊപ്പം” എന്ന പരിപാടിയില് സംസാരിക്കുകയായിരുന്നു അവര്.
കല്ലംകുന്ന് ഇടവക വികാരി ഫാ. അനൂപ് കോലങ്കണ്ണി അധ്യക്ഷത വഹിച്ചു.
ചാലക്കുടി സെന്റ് ജെയിംസ് ഹോസ്പിറ്റല് അസോസിയേറ്റ് ഡയറക്ടര് ഫാ. നവീന് ഊക്കന് ഉദ്ഘാടനം നിര്വഹിച്ചു.
നൂറിലധികം പേര് പങ്കെടുത്ത സെമിനാറില് ഡോ. പി. താര തോമസ് ”ആരോഗ്യപരിപാലനത്തിന് സ്ത്രീകള് അറിഞ്ഞിരിക്കേണ്ട കാര്യങ്ങള്”, ”സ്ത്രീകളില് കണ്ടുവരുന്ന വ്യത്യസ്ത തരം ക്യാന്സറുകള്, അവയുടെ ലക്ഷണങ്ങള്” എന്നീ വിഷയങ്ങളെക്കുറിച്ച് വിശദമാക്കുകയും സംശയനിവാരണം നടത്തുകയും ചെയ്തു.
മാതൃസംഘം ആനിമേറ്റര് സിസ്റ്റര് ബെനഡിക്റ്റ, ഇടവക കൈക്കാരന് ആന്ഡ്രൂസ്, മാതൃസംഘം പ്രസിഡന്റ് സ്വാതി സിന്റോ, ട്രഷറര് ലിന്സി ഷിജോ എന്നിവര് പ്രസംഗിച്ചു.
ഇരിങ്ങാലക്കുട : മുരിയാട് പഞ്ചായത്ത് മുൻ പ്രസിഡന്റും കോൺഗ്രസ് നേതാവുമായിരുന്ന ടി.കെ. അന്തോണിക്കുട്ടിയുടെ ഏഴാം ചരമദിനത്തോടനുബന്ധിച്ച് കോൺഗ്രസ് ഊരകം മേഖല കമ്മിറ്റി സംഘടിപ്പിച്ച സ്മൃതിദിനാചരണം മണ്ഡലം പ്രസിഡന്റ് സാജു പാറേക്കാടൻ ഉദ്ഘാടനം ചെയ്തു.
ബൂത്ത് പ്രസിഡന്റ് എം.കെ. കലേഷ് അധ്യക്ഷത വഹിച്ചു.
ബ്ലോക്ക് വൈസ് പ്രസിഡന്റ് തോമസ് തത്തംപിള്ളി, ജനറൽ സെക്രട്ടറി വിപിൻ വെള്ളയത്ത്, യൂത്ത് കോൺഗ്രസ് നിയോജകമണ്ഡലം വൈസ് പ്രസിഡന്റ് അശ്വതി സുബിൻ, ജനറൽ സെക്രട്ടറി എബിൻ ജോൺ, കോൺഗ്രസ് ഭാരവാഹികളായ കെ.എൽ. ബേബി, ജോസ് ആലപ്പാടൻ, കെ.എൽ. ലോറൻസ്, ടി.കെ. വേലായുധൻ, വിൻസെന്റ് പോൾ ചിറ്റിലപ്പിള്ളി, ലിജോ ഷാജി, സണ്ണി കൂള എന്നിവർ പ്രസംഗിച്ചു.
ഇരിങ്ങാലക്കുട : ഐ.എൻ.ടി.യു.സി. ഇരിങ്ങാലക്കുട നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ ആശാവർക്കർമാർക്ക് സ്ഥിരനിയമനം നൽകുക, ജോലിഭാരം കുറയ്ക്കുക, പെൻഷനും വിരമിക്കൽ അനുകൂല്യങ്ങളും അനുവദിക്കുക തുടങ്ങിയ ആവശ്യങ്ങൾ ഉന്നയിച്ച് മുരിയാട് പഞ്ചായത്ത് ഓഫീസിന് മുന്നിൽ പ്രതിഷേധ ധർണ്ണ നടത്തി.
ഐ.എൻ.ടി.യു.സി. മുരിയാട് മണ്ഡലം പ്രസിഡന്റ് ഗംഗാദേവി അധ്യക്ഷത വഹിച്ചു.
ജില്ലാ സെക്രട്ടറി പി.എൻ. സതീശൻ ധർണ്ണ ഉദ്ഘാടനം ചെയ്തു.
ഐ.എൻ.ടി.യു.സി. ഇരിങ്ങാലക്കുട നിയോജക മണ്ഡലം ജനറൽ സെക്രട്ടറി പ്രവീൺ ഞാറ്റുവെട്ടി സ്വാഗതം പറഞ്ഞു.
കാട്ടൂർ മണ്ഡലം പ്രസിഡന്റ് അഷ്റഫ് കാട്ടൂർ മുഖ്യപ്രഭാഷണം നടത്തി.
മെമ്പർ ശ്രീജിത്ത് പട്ടത്ത്, ജോമി ജോൺ, രാമചന്ദ്രൻ, മുരളി തറയിൽ, ആശാവർക്കർമാരായ നിത അർജുൻ, മിനിമോൾ, റിച്ചി, മഹിളാ കോൺഗ്രസ് മുരിയാട് മണ്ഡലം പ്രസിഡന്റ് തുഷം, കമ്മറ്റി ആംഗം ഷിജു എന്നിവർ പ്രസംഗിച്ചു.
