ഇരിങ്ങാലക്കുട : സെന്റ് തോമസ് കത്തീഡ്രൽ കത്തോലിക്ക കോൺഗ്രസിന്റെ നേതൃത്വത്തിൽ ഛത്തീസ്ഗഡിൽ കന്യാസ്ത്രീകൾക്ക് നേരേയുണ്ടായ അതിക്രമത്തിൽ പ്രതിഷേധിച്ച് റാലിയും പൊതുസമ്മേളനവും നടത്തി.
കിഴക്കേ പള്ളിയിൽ നിന്നാരംഭിച്ച പ്രതിഷേധ റാലി കത്തിഡ്രൽ പള്ളിയിൽ സമാപിച്ചു.
തുടർന്നു നടന്ന പ്രതിഷേധ സമ്മേളനം കത്തീഡ്രൽ വികാരി റവ. ഡോ.ഫാ. ലാസർ കുറ്റിക്കാടൻ ഉദ്ഘാടനം ചെയ്തു.
കത്തോലിക്കാ കോൺഗ്രസ് പ്രസിഡന്റ് സാബു കൂനൻ അധ്യക്ഷത വഹിച്ചു.
അസി. വികാരി ഫാ. ഓസ്റ്റിൻ പാറക്കൽ, മദർ സിസ്റ്റർ റോസിലി,ട്രസ്റ്റി തോമസ് തൊകലത്ത്, സെക്രട്ടറി റോബി കാളിയങ്കര, ട്രഷറർ ഡേവിസ് ചക്കാലക്കൽ, വൈസ് പ്രസിഡന്റ് ഷാജു കണ്ടംകുളത്തി, രൂപത കൗൺസിലർ ടെൽസൺ കോട്ടോളി, ജോ.സെക്രട്ടറി വർഗ്ഗീസ് ജോൺ എന്നിവർ പ്രസംഗിച്ചു.
ഇന്ത്യൻ ഭരണഘടന ഉറപ്പു നൽകുന്ന മത സ്വാതന്ത്യത്തിന് നേരേയുളള അതിക്രമമാണ് സിസ്റ്റർമാരെ ജയിലിൽ അടച്ചതിലൂടെ വെളിവാക്കിയതെന്ന് ഫാ ലാസർ കുറ്റിക്കാടൻ വ്യക്തമാക്കി. ക്രൈസ്ത മിഷിനറിമാർ മനോരോഗികളേയും കുഷ്ഠരോഗികളേയും തെരുവിൽ അലയുന്നവരേയും ആരോരുമില്ലാത്തവരേയും പരിപാലിക്കുന്ന അതിവിശിഷ്ടമായ പ്രവർത്തനങ്ങളാണ് കാഴ്ചവെക്കുന്നത്. അവരെ ഭീഷണിപ്പെടുത്തി മത സ്വാതന്ത്യം ഇല്ലാതാക്കാനുള്ള വർഗ്ഗീയ സംഘടനകളുടെ ഏതൊരു പ്രവർത്തിയേയും ചെറുത്തു തോൽപ്പിക്കുമെന്നും ഫാ. ലാസർ കുറ്റിക്കാടൻ മുന്നറിയിപ്പു നൽകി.
