ഇരിങ്ങാലക്കുട : കമ്മ്യൂണിസ്റ്റ് പാർട്ടിയുടെ സ്ഥാപക നേതാവും സിപിഐ കേരള ഘടകത്തിന്റെ ആദ്യ സെക്രട്ടറിയുമായ പി. കൃഷ്ണപിള്ളയുടെ ചരമദിനവും സിപിഐ സംസ്ഥാന സമ്മേളന പതാക ദിനവും ആചരിച്ചു.
മണ്ഡലം കമ്മിറ്റി ഓഫീസിൽ സെക്രട്ടറി എൻ.കെ. ഉദയപ്രകാശ് പതാക ഉയർത്തി അനുസ്മരണ പ്രഭാഷണം നടത്തി.
ടൗൺ ലോക്കൽ അസിസ്റ്റൻ്റ് സെക്രട്ടറി രാജേഷ് തമ്പാൻ അധ്യക്ഷത വഹിച്ചു.
മണ്ഡലം സെക്രട്ടേറിയേറ്റ് അംഗം കെ.എസ്. പ്രസാദ്, മണ്ഡലം കമ്മിറ്റി അംഗം വി.ആർ. രമേഷ്, എഐഎസ്എഫ് ജില്ലാ സെക്രട്ടറി മിഥുൻ പോട്ടക്കാരൻ, ജിബിൻ ജോസ്, വർദ്ധനൻ പുളിക്കൽ എന്നിവർ സന്നിഹിതരായിരുന്നു.
