പ്രതിബദ്ധത ജനങ്ങളോട് മാത്രം….

IRINJALAKUDA TIMES

Advertisement
ഇരിങ്ങാലക്കുട തൃശൂർ ന്യൂസ്
സി പി ഐ പാർട്ടി കോൺഗ്രസ്സ് : ആളൂരിൽ ബ്രാഞ്ച് സമ്മേളനങ്ങൾക്ക് തുടക്കമായി
irinjalakudatimes.com 0

ഇരിങ്ങാലക്കുട : സി പി ഐ 25-ാം പാർട്ടി കോൺഗ്രസിനോട് അനുബന്ധിച്ച് സി പി ഐ ആളൂർ ലോക്കൽ കമ്മിറ്റിയിലെ താഴെക്കാട് ബ്രാഞ്ച് സമ്മേളനം ജില്ലാ പഞ്ചായത്ത് പ്രസിഡന്റും സി പി ഐ സംസ്ഥാന കൺട്രോൾ കമ്മീഷൻ സെക്രട്ടറിയുമായ വി എസ് പ്രിൻസ് ഉദ്ഘാടനം ചെയ്തു.

മുതിർന്ന നേതാവ് എടത്താട്ടിൽ മാധവൻ മാസ്റ്റർ പതാക ഉയർത്തി.

ലോക്കൽ കമ്മിറ്റി അംഗം പി കെ സദാനന്ദൻ അധ്യക്ഷത വഹിച്ചു.

മണ്ഡലം അസിസ്റ്റന്റ് സെക്രട്ടറി എൻ കെ ഉദയപ്രകാശ്, ജില്ലാ കൗൺസിൽ അംഗം ബിനോയ് ഷബീർ, മണ്ഡലം സെക്രട്ടറിയേറ്റ് അംഗം എം ബി ലത്തീഫ്, ലോക്കൽ സെക്രട്ടറി ടി സി അർജുനൻ, ലോക്കൽ കമ്മിറ്റി അംഗങ്ങളായ ഡിപിൻ പാപ്പച്ചൻ, കെ സി സജയൻ എന്നിവർ പ്രസംഗിച്ചു.

ടി ഡി ഷാജി രക്തസാക്ഷി പ്രമേയവും സി എസ് സിറാജ് അനുശോചന പ്രമേയവും അവതരിപ്പിച്ചു.

ബ്രാഞ്ച് സെക്രട്ടറിയായി ടി ഡി ഷാജിയെയും അസിസ്റ്റന്റ് സെക്രട്ടറിയായി സി എസ് സിറാജിനെയും സമ്മേളനം തെരഞ്ഞെടുത്തു.

എം പി ഷാജി സ്വാഗതവും ടി ഡി ഷാജി നന്ദിയും പറഞ്ഞു.

ഇരിങ്ങാലക്കുട തൃശൂർ ന്യൂസ്
മൂർക്കനാട് ഇറിഗേഷൻ ബണ്ട് റോഡ് നിർമ്മാണം നടക്കാത്തതിൽ പ്രതിഷേധ സംഗമം നടത്തി കോൺഗ്രസ്സ്
irinjalakudatimes.com 0

ഇരിങ്ങാലക്കുട : 2024 ഡിസംബർ 16ന് മൂർക്കനാട് ഇറിഗേഷൻ ബണ്ട് റോഡിൻ്റെ നിർമ്മാണോദ്ഘാടനം കഴിഞ്ഞിട്ടിതുവരെയും നിർമ്മാണ പ്രവർത്തികൾ നടക്കാത്തതിൽ പ്രതിഷേധിച്ച് കരുവന്നൂർ വലിയപാലം സെൻ്ററിൽ പൊറത്തിശ്ശേരി മണ്ഡലം കോൺഗ്രസ്സ് കമ്മിറ്റി പ്രതിഷേധ സംഗമം നടത്തി.

മുൻ എം എൽ എ അഡ്വ തോമാസ് ഉണ്ണിയാടൻ രണ്ട് കോടി ഏഴ് ലക്ഷം രൂപ ചിലവാക്കി നിർമ്മിച്ച റോഡാണിത്. ഈ റോഡിൻ്റെ റീ ടാറിംഗ് മാത്രമാണ് നടത്താനുള്ളത്. ഈ റോഡിൻ്റെ നിർമ്മാണോദ്ഘാടനമാണ് 2 മന്ത്രിമാരും മറ്റു നിരവധി ജനപ്രതിനിധികളും പങ്കെടുത്ത് നടത്തിയതെന്ന് കോൺഗ്രസ്സ് പ്രവർത്തകർ ചൂണ്ടിക്കാട്ടി.

ജനങ്ങളെ അവഹേളിച്ച മന്ത്രി ആർ ബിന്ദുവിൻ്റെയും കൗൺസിലറുടെയും നടപടിയിലും, നിർമ്മാണ പ്രവർത്തി നടക്കാത്തതിലും പ്രതിക്ഷേധിച്ചാണ് പൊറത്തിശ്ശേരി മണ്ഡലം കോൺഗ്രസ്സ് കമ്മിറ്റി പ്രതിഷേധ സംഗമം നടത്തിയത്.

പൊറത്തിശ്ശേരി മണ്ഡലം പ്രസിഡന്റ് പി കെ ഭാസി അധ്യക്ഷത വഹിച്ചു.

ഡി സി സി ജനറൽ സെക്രട്ടറി ആൻ്റോ പെരുമ്പിള്ളി യോഗം ഉദ്ഘാടനം ചെയ്തു.

മുൻ കൗൺസിലറും ബ്ലോക്ക് കോൺഗ്രസ്സ് ജനറൽ സെക്രട്ടറിയുമായ കെ കെ അബ്ദുള്ളക്കുട്ടി മുഖ്യപ്രഭാഷണം നടത്തി.

ബ്ലോക്ക് ഭാരവാഹികളായ ജോബി തെക്കുടൻ, അഡ്വ പി എൻ സുരേഷ്, യൂത്ത് കോൺഗ്രസ്സ് നിയോജക മണ്ഡലം സെക്രട്ടറി അഖിൽ കാഞ്ഞാണിക്കാരൻ, മഹിള കോൺഗ്രസ്സ് മണ്ഡലം പ്രസിഡന്റ് ലീല അശോകൻ, മണ്ഡലം ഭാരവാഹികളായ കെ എ അബൂബക്കർ മാസ്റ്റർ, കെ ശിവരാമൻനായർ, ടി എം ധർമ്മരാജൻ, വേലായുധൻ കളത്തുപറമ്പിൽ, പി ഒ റാഫി, കെ എം ജോർജ്, ടി പി ഫ്രാൻസീസ് എന്നിവർ പ്രസംഗിച്ചു.

ഇരിങ്ങാലക്കുട തൃശൂർ ന്യൂസ്
വ്യാപാരി വ്യവസായി ഏകോപന സമിതി അംഗങ്ങളുടെ മക്കൾക്ക് ഒരു ലക്ഷം രൂപ വിവാഹ സമ്മാനം
irinjalakudatimes.com 0

തൃശൂർ : കേരള വ്യാപാരി വ്യവസായി ഏകോപന സമിതി തൃശ്ശൂർ ജില്ലയിലെ വ്യാപാരികളുടെ മക്കൾക്ക് വിവാഹ ധനസഹായമായി പുതുവർഷം മുതൽ ഒരു ലക്ഷം രൂപ നൽകുമെന്ന് ജില്ലാ കമ്മിറ്റി പ്രഖ്യാപിച്ചു.

കൂനമൂച്ചി യൂണിറ്റിലെ വ്യാപാരിയും യൂണിറ്റ് വൈസ് പ്രസിഡന്റുമായ എ എൽ ജെയിംസിന്റെ മകൾക്ക് ഒരു ലക്ഷം രൂപയുടെ ചെക്ക് കൈമാറിക്കൊണ്ട് ജില്ലാ പ്രസിഡന്റ് കെ വി അബ്ദുൽ ഹമീദ് ഉദ്ഘാടനം നിർവഹിച്ചു.

ഭദ്രം പദ്ധതിയിൽ അംഗങ്ങളായ വ്യാപാരികളുടെ മക്കൾക്കാണ് ഈ ധനസഹായം ലഭ്യമാവുക.

ഈ മാസത്തിൽ തന്നെ ആറ് അംഗങ്ങളുടെ മക്കളുടെ വിവാഹത്തിന് കൂടി ഒരു ലക്ഷം രൂപ വീതം ധനസഹായം കൈമാറും.

ജനുവരി ഒന്നിന് തന്നെ പ്രഖ്യാപിച്ച പദ്ധതി നടപ്പാക്കാൻ കഴിഞ്ഞതിൽ അതിയായ സന്തോഷവും അഭിമാനവും ഉണ്ടെന്ന് ജില്ലാ പ്രസിഡന്റ് പറഞ്ഞു.

ചടങ്ങിൽ ജില്ലാ സെക്രട്ടറിമാരായ വി ടി ജോർജ്, സി എൽ റാഫേൽ, ജില്ലാ സെക്രട്ടറിയേറ്റ് മെമ്പർ ജോജി തോമസ്, നിയോജകമണ്ഡലം വൈസ് ചെയർമാൻ സജി ചിറമ്മൽ, നിയോജകമണ്ഡലം ജനറൽ കൺവീനർ വർഗീസ് പി ചാക്കോ തുടങ്ങിയവർ പങ്കെടുത്തു.

ഇരിങ്ങാലക്കുട കേരളം തൃശൂർ ന്യൂസ്
”സുവർണ്ണം” അഞ്ചാം ദിനത്തിൽ ”മധുകശാപം” നങ്ങ്യാർക്കൂത്ത് അരങ്ങേറി
irinjalakudatimes.com 0

ഇരിങ്ങാലക്കുട : ഡോ കെ എൻ പിഷാരടി സ്മാരക കഥകളി ക്ലബ്ബ് അമ്മന്നൂർ ഗുരുകുലത്തിൻ്റെ സഹകരണത്തോടെ സംഘടിപ്പിക്കുന്ന ‘സുവർണ്ണം’ സമാപന പരമ്പരയുടെ അഞ്ചാം ദിനത്തിൽ പ്രസിദ്ധ കൂടിയാട്ട കലാകാരൻ അമ്മന്നൂർ രജനീഷ് ചാക്യാർ നളചമ്പുക്കളെ അധികരിച്ച് ആദ്യമായി ചാക്യാർകൂത്തും തുടർന്ന് മാധവനാട്യഭൂമിയിൽ നടന്നുവരുന്ന കൂടിയാട്ടമഹോത്സവത്തിൻ്റെ ഭാഗമായി ഗുരുകുലം ശ്രുതി അവതരിപ്പിച്ച ‘മധൂകശാപം’ നങ്ങ്യാർക്കൂത്തും അരങ്ങേറി.

മിഴാവിൽ കലാമണ്ഡലം എ എൻ ഹരിഹരൻ, കലാമണ്ഡലം അഭിഷേക്, ഇടയ്ക്കയിൽ ദിനേശ് വാര്യർ, താളത്തിൽ സരിത കൃഷ്ണകുമാർ, ഗുരുകുലം വിഷ്ണുപ്രിയ, ഗുരുകുലം അതുല്യ എന്നിവർ പശ്ചാത്തലമേളമൊരുക്കി. ഡോ പി കെ എം ഭദ്ര ചാക്യാർക്കൂത്തിൻ്റെ വിഷയത്തെ കുറിച്ച് ആമുഖഭാഷണം നടത്തി.

വൈകീട്ട് ‘സംഗമ ഗ്രാമത്തിൻ്റെ സാംസ്കാരിക ഭൂമികയിലെ മേളം’ എന്ന വിഷയത്തിൽ ദിനേശ് വാര്യരും, ”കൂത്ത്, കൂടിയാട്ടം” വിഷയത്തിൽ ഇ കെ കേശവനും പ്രസംഗിച്ചു.

ഇരിങ്ങാലക്കുട തൃശൂർ ന്യൂസ്
ആനന്ദപുരംശ്രീകൃഷ്ണ ഹയർ സെക്കൻ്ററി സ്കൂളിൽ “വർണ്ണോത്സവം”
irinjalakudatimes.com 0

ഇരിങ്ങാലക്കുട : ആനന്ദപുരം ശ്രീകൃഷ്ണ ഹയർ സെക്കന്ററി സ്കൂളിൽ ”വർണ്ണോത്സവം” കിഡ്സ് ഫെസ്റ്റ് സംഘടിപ്പിച്ചു.

പി ടി എ പ്രസിഡന്റ് ടി എസ് മനോജ് കുമാർ അധ്യക്ഷത വഹിച്ചു.

മാനേജ്മെന്റ് പ്രതിനിധി എ എൻ വാസുദേവൻ വർണ്ണോത്സവം ഉദ്ഘാടനം ചെയ്തു.

മുരിയാട് പഞ്ചായത്ത് അംഗങ്ങളായ നിജി വത്സൻ, ശ്രീജിത്ത് പട്ടത്ത്, പി ടി എ വൈസ് പ്രസിഡന്റ് അമ്പിളി ലിജോ, ഹെഡ്മാസ്റ്റർ ടി അനിൽകുമാർ, കോർഡിനേറ്റർ ഡിജോ എസ് തറയിൽ എന്നിവർ പ്രസംഗിച്ചു.

ഇരിങ്ങാലക്കുട തൃശൂർ ന്യൂസ്
സ്‌നേഹക്കൂട് ഭവന പദ്ധതി : മന്ത്രി താക്കോല്‍ദാനം നിര്‍വഹിച്ചു
irinjalakudatimes.com 0

ഇരിങ്ങാലക്കുട : സ്‌നേഹക്കൂട് ഭവന പദ്ധതിയിലെ നാലാമത്തെ വീടിന്റെ താക്കോല്‍ദാനം മന്ത്രി ഡോ ആര്‍ ബിന്ദു നിര്‍വഹിച്ചു.

വീടിന്റെ താക്കോല്‍ മന്ത്രി ഡോ ആര്‍ ബിന്ദു പരേതനായ നാടന്‍ പാട്ട് കലാകാരന്‍ സുരേന്ദ്രന്റെ ഭാര്യ സജിനിയ്ക്ക് കൈമാറി.

ഇരിങ്ങാലക്കുട നടവരമ്പ് ഗവ മോഡല്‍ ഹയര്‍ സെക്കന്‍ഡറി സ്‌കൂള്‍ എന്‍ എസ് എസ് യൂണിറ്റിന്റെ നേതൃത്വത്തില്‍ നടവരമ്പ് അംബേദ്കര്‍ കോളനിയിലാണ് സ്‌നേഹക്കൂട് ഒരുക്കിയത്.

എന്‍ എസ് എസ് വിദ്യാര്‍ഥികള്‍ വിവിധ ചലഞ്ചുകളിലൂടെ സമാഹരിച്ചതും സുമനസുകളുടെ സഹായങ്ങളും ചേര്‍ത്താണ് സ്‌നേഹക്കൂട് നിര്‍മ്മിച്ചത്.

സ്റ്റേറ്റ് എന്‍ എസ് എസ് ഓഫീസര്‍ ഡോ ആര്‍ എന്‍ അന്‍സര്‍, എൻ എസ് എസ് ജില്ലാ കണ്‍വീനര്‍ എം വി പ്രതീഷ്, ജില്ലാ പഞ്ചായത്ത് പ്രസിഡന്റ് വി എസ് പ്രിന്‍സ്, ജില്ലാ പഞ്ചായത്ത് വൈസ് പ്രസിഡന്റ് ലത ചന്ദ്രന്‍, സ്‌കൂള്‍ പ്രിന്‍സിപ്പല്‍ പ്രീതി, ക്ലസ്റ്റര്‍ കണ്‍വീനര്‍മാര്‍, വാര്‍ഡ് മെമ്പര്‍ വിജയലക്ഷ്മി വിനയചന്ദ്രന്‍ തുടങ്ങിയവര്‍ പങ്കെടുത്തു.

ഇരിങ്ങാലക്കുട തൃശൂർ ന്യൂസ്
മുരിയാട് എ യു പി സ്കൂളിൽ പുതിയ കെട്ടിടത്തിൻ്റെയും പാചകപ്പുരയുടെയും ഉദ്ഘാടനം 3ന്
irinjalakudatimes.com 0

ഇരിങ്ങാലക്കുട : മുരിയാട് എ യു പി സ്കൂളിലെ നിർമ്മാണം പൂർത്തീകരിച്ച പുതിയ കെട്ടിടത്തിൻ്റെയും പാചകപ്പുരയുടെയും സ്റ്റോറിൻ്റെയും ഉദ്ഘാടനം ജനുവരി 3ന് വൈകീട്ട് 4 മണിക്ക് മന്ത്രി ഡോ ആർ ബിന്ദു നിർവഹിക്കും.

60 ലക്ഷം രൂപ ചിലവിൽ 3650 ചതുരശ്ര അടിയിലാണ് പുതിയ കെട്ടിടം നിർമ്മിച്ചിരിക്കുന്നത്.

വിദ്യാഭ്യാസ വകുപ്പിൽ നിന്നുള്ള എഴേമുക്കാൽ ലക്ഷം ഉപയോഗിച്ചാണ് പാചകപ്പുരയും സ്റ്റോറും നിർമ്മിച്ചിട്ടുള്ളത്.

വിരമിക്കുന്ന ഹിന്ദി അധ്യാപിക കെ കെ മഞ്ജുകുമാരിക്ക് ചടങ്ങിൽ യാത്രയയപ്പ് നൽകും.

സംഘാടക സമിതി ചെയർമാനും പഞ്ചായത്ത് പ്രസിഡൻ്റുമായ ജോസ് ജെ ചിറ്റിലപ്പിള്ളി, പ്രധാന അധ്യാപിക എം പി സുബി, വാർഡ് മെമ്പർ ശ്രീജിത്ത് പട്ടത്ത്, പി ടി എ പ്രസിഡന്റ് രജനി ഷിബു, പൂർവ വിദ്യാർഥി പ്രതിനിധി ജോബി പുല്ലോക്കാരൻ, സീനിയർ അസിസ്റ്റന്റ് എം എൻ ജയന്തി, സ്റ്റാഫ് പ്രതിനിധി കെ ആർ രാമചന്ദ്രൻ, കെ ജി മോഹൻദാസ് എന്നിവർ പത്രസമ്മേളനത്തിൽ പങ്കെടുത്തു.

ഇരിങ്ങാലക്കുട തൃശൂർ ന്യൂസ്
അശാസ്ത്രീയമായ താൽക്കാലിക ബണ്ട് നിര്‍മ്മാണം : ഓലപ്പാടം റോഡിൽ ഉപ്പുവെള്ളം കയറുന്നു
irinjalakudatimes.com 0

ഇരിങ്ങാലക്കുട : വെള്ളാങ്ങല്ലൂര്‍ പഞ്ചായത്തിലെ 16-ാം വാർഡിൽ കോഴിക്കാട് ഓലപ്പാടത്ത് അശാസ്ത്രീയമായ ബണ്ട് നിര്‍മ്മാണം മൂലം റോഡിലേക്ക് ഉപ്പുവെള്ളം കയറി ഗതാഗതം മുടങ്ങുന്ന സ്ഥിതിയാണ്.

കോഴിക്കാട് പ്രദേശത്തെ 300ലധികം വരുന്ന കുടുംബങ്ങളെ തൃശൂര്‍ – കൊടുങ്ങല്ലൂര്‍ സംസ്ഥാന പാതയുമായി ബന്ധിപ്പിക്കുന്ന പ്രധാന റോഡാണ് വെള്ളത്തില്‍ മുങ്ങി കിടക്കുന്നത്.

പാടത്തിലൂടെ റോഡ് കടന്നു പോകുന്ന ഭാഗത്ത് റോഡ് ഉയര്‍ത്തി കള്‍വര്‍ട്ട് സ്ഥാപിച്ച് നവീകരിക്കുന്നതിനായി 40 ലക്ഷം രൂപയുടെ ഭരണാനുമതി ലഭിച്ചിട്ടുണ്ടെങ്കിലും നിര്‍മ്മാണം ഇതുവരെ ആരംഭിച്ചിട്ടില്ല.

പാടത്തെ വെള്ളം പൂര്‍ണ്ണമായി വറ്റാതെ നിര്‍മ്മാണം തുടങ്ങാന്‍ കഴിയില്ല എന്നാണ് കരാറുകാരൻ പറയുന്നത്.

ഇത്തരത്തില്‍ വെള്ളം കയറിയാല്‍ സ്വാഭാവിക രീതിയില്‍ വെള്ളം പൂര്‍ണ്ണമായി വറ്റില്ലെന്നും ഈ റോഡിലൂടെ കടന്ന് പോകുന്ന വാഹനങ്ങളില്‍ ഉപ്പുവെള്ളം കയറി തുരുമ്പ് എടുക്കാനുള്ള സാധ്യത വളരെ കൂടുതലാണെന്നും നാട്ടുകാർ പറയുന്നു.

നാടിന്റെ വികസനവുമായി ബന്ധപ്പെട്ട് നില്‍ക്കുന്ന ഈ അനിശ്ചിതാവസ്ഥയ്ക്കെതിരെ അധികൃതര്‍ ഉടൻ നടപടി സ്വീകരിക്കണമെന്നും, അവസ്ഥ തുടര്‍ന്നാല്‍ ശക്തമായ പ്രതിഷേധ സമരവുമായി മുന്നോട്ട് വരുമെന്നും കോണ്‍ഗ്രസ് കൊടുങ്ങല്ലൂര്‍ ബ്ലോക്ക് ജനറല്‍ സെക്രട്ടറി പ്രശോഭ് അശോകന്‍, യൂത്ത് കോണ്‍ഗ്രസ് വെള്ളാങ്ങല്ലൂര്‍ മണ്ഡലം പ്രസിഡന്റ് മഹേഷ് ആലിങ്ങല്‍ എന്നിവര്‍ പറഞ്ഞു.

ഇരിങ്ങാലക്കുട ക്യാമ്പസ് തൃശൂർ ന്യൂസ്
വർണ്ണാഭമായി ക്രൈസ്റ്റ് കോളെജിൻ്റെ ”ചിലമ്പ്” വിളംബര ജാഥ
irinjalakudatimes.com 0

ഇരിങ്ങാലക്കുട : ക്രൈസ്റ്റ് കോളെജിലെ കലോത്സവം ”ചിലമ്പി”ൻ്റെ വരവറിയിച്ചു കൊണ്ട് വിദ്യാർഥികൾ നടത്തിയ വിളംബരജാഥ വർണാഭമായി.

വിവിധ കലാരൂപങ്ങളുടെ സാന്നിധ്യം ഘോഷയാത്രയ്ക്ക് നിറച്ചാർത്തേകി.

കടും നിറങ്ങളിൽ ആറാടിയ തെയ്യം രൂപങ്ങളും താളത്തിൽ ചുവടുവെച്ച് നീങ്ങിയ നൃത്തരൂപങ്ങളും, കഥകളി,
കൂത്ത്, കളരിപ്പയറ്റ് തുടങ്ങിയ നാടൻ കലാരൂപങ്ങളുടെ സാന്നിദ്ധ്യവും, ചെണ്ടമേളത്തിൻ്റെയും വാദ്യഘോഷങ്ങളുടെയും അകമ്പടിയും, തിടമ്പേറ്റിയ യന്ത്രവൽകൃത ഗജവീരനും ഘോഷയാത്രയുടെ മാറ്റ് കൂട്ടി.

ജനുവരി 3, 4, 6 തിയ്യതികളിലായാണ് കലാമേള അരങ്ങേറുന്നത്.

സർവ്വകലാശാല ഇൻ്റർസോൺ മത്സരങ്ങൾക്ക് മുന്നോടിയായി വിവിധ പഠന വകുപ്പുകൾ മാറ്റുരയ്ക്കുന്ന ”ചിലമ്പ്” കലാമേള കോളെജ് യൂണിയൻ്റെ നേതൃത്വത്തിലാണ് സംഘടിപ്പിക്കുന്നത്.

കലാരൂപങ്ങളിലെ വൈവിധ്യം കൊണ്ടും അവതരണ മികവുകൊണ്ടും ശ്രദ്ധേയമാകുന്ന ഈ കലാമേള വിദ്യാർഥികളിലെ കലാവാസനകളെ പ്രോത്സാഹിപ്പിക്കുന്നതിൽ വലിയ പങ്ക് വഹിക്കുമെന്ന് വിളംബരജാഥ ഉദ്ഘാടനം ചെയ്തുകൊണ്ട് പ്രിൻസിപ്പൽ ഡോ ഫാ ജോളി ആൻഡ്രൂസ് പറഞ്ഞു.

ആഴ്ചകളായുള്ള
പരിശീലനത്തിന് ശേഷമാണ് ഓരോ കലാരൂപവും സ്റ്റേജിൽ അവതരിപ്പിക്കപ്പെടുന്നത്.

കോളെജ് വൈസ് പ്രിൻസിപ്പൽമരായ ഡോ സേവ്യർ ജോസഫ്, പ്രൊഫ മേരി പത്രോസ്, അധ്യാപകർ, യൂണിയൻ ഭാരവാഹികൾ എന്നിവർ സന്നിഹിതരായിരുന്നു.

ഇരിങ്ങാലക്കുട കേരളം തൃശൂർ ന്യൂസ്
മൻമോഹൻ സിംഗിൻ്റെ വിയോഗം : ഇരിങ്ങാലക്കുടയിൽ സർവകക്ഷി അനുശോചനയോഗം നടത്തി
irinjalakudatimes.com 0

ഇരിങ്ങാലക്കുട : കോൺഗ്രസ്സ് ഇരിങ്ങാലക്കുട ബ്ലോക്ക് കമ്മിറ്റിയുടെ നേതൃത്വത്തിൽ മുൻ പ്രധാനമന്ത്രിയായിരുന്ന ഡോ മൻമോഹൻ സിംഗിന്റെ നിര്യാണത്തിൽ സർവകക്ഷി അനുശോചനയോഗം നടത്തി.

ബ്ലോക്ക് പ്രസിഡന്റ് സോമൻ ചിറ്റേത്ത് അധ്യക്ഷത വഹിച്ചു.

മണ്ഡലം പ്രസിഡന്റ് സി എസ് അബ്ദുൽ ഹഖ് അനുശോചന പ്രമേയം അവതരിപ്പിച്ചു.

നഗരസഭ ചെയർപേഴ്സൺ മേരിക്കുട്ടി ജോയ്, മുൻ എം പി പ്രൊഫ സാവിത്രി ലക്ഷ്മണൻ, മുൻ ഗവ ചീഫ് വിപ്പ് അഡ്വ തോമസ് ഉണ്ണിയാടൻ, കെപിസിസി മുൻ ജനറൽ സെക്രട്ടറി എം പി ജാക്സൺ, ആർ ശ്രീലാൽ (സി പി എം), സുധീഷ് (സി പി ഐ), കൃപേഷ് ചെമ്മണ്ട (ബി ജെ പി), സാം തോമസ് (കേരള കോൺഗ്രസ് ജേക്കബ് വിഭാഗം), മനോജ് (സി എം പി), മുൻ ബ്ലോക്ക് പ്രസിഡന്റ് ടി വി ചാർലി, വിബിൻ വെള്ളയത്ത്, ശ്രീജിത്ത് പട്ടത്ത്, അഡ്വ ഷിജു പാറേക്കാടൻ, എം ആർ ഷാജു, അയ്യപ്പൻ ആങ്കാരത്ത്, സുജ സഞ്ജീവ്കുമാർ, ബീവി അബ്ദുൾകരീം, സതീഷ് പുളിയത്ത്, സനൽ കല്ലൂക്കാരൻ, മോളി ജേക്കബ്, വിജയൻ ഇളയേടത്ത്, ഗംഗാദേവി സുനിൽ എന്നിവർ പ്രസംഗിച്ചു.

ബ്ലോക്ക് വൈസ് പ്രസിഡന്റ് അസറുദ്ദീൻ കളക്കാട്ട് സ്വാഗതവും ജോസഫ് ചാക്കോ നന്ദിയും പറഞ്ഞു.