IRINJALAKUDA TIMES
മേരി
ഇരിങ്ങാലക്കുട : ഗാന്ധിഗ്രാമിൽ പരേതനായ പുതുശ്ശേരി ജോസ് ഭാര്യ മേരി (84) നിര്യാതനായി.
സംസ്കാരം തിങ്കളാഴ്ച (ഒക്ടോബർ 13) രാവിലെ 9.30ന് ഇരിങ്ങാലക്കുട സെൻ്റ് തോമസ് കത്തീഡ്രൽ ദേവാലയ സെമിത്തേരിയിൽ.
മക്കൾ : ആൻ്റു, ബസിയൻ, ഷാജു, ലാലു, പരേതനായ ലിംസൺ, ബിജു
മരുമക്കൾ : എൽസി, ഡെയ്സി, ത്രസ്യാമ്മ, ജോഷ്മി, പരേതയായ ബിജി
ഇരിങ്ങാലക്കുട : സി പി ഐ ആളൂർ പഞ്ചായത്ത് വികസന സന്ദേശ കാൽനട ജാഥ സി പി ഐ ജില്ലാ എക്സിക്യൂട്ടീവ് അംഗം പി. മണി ഉദ്ഘാടനം ചെയ്തു.
പി കെ സദാനന്ദൻ അദ്ധ്യക്ഷത വഹിച്ചു.
ടി.സി അർജ്ജുനനാണ് ജാഥാ ക്യാപ്റ്റൻ. ജാഥയുടെ വൈസ് ക്യാപ്റ്റൻ ജിഷാ ബാബുവും, മാനേജർ കെ.സി. ഹരിദാസുമാണ്.
സി പി ഐ ജില്ലാ കൗൺസിൽ അംഗം ബിനോയ് ഷബീർ, മണ്ഡലം സെക്രട്ടറിയേറ്റ് അംഗം എം ബി ലത്തീഫ് എന്നിവർ പ്രസംഗിച്ചു.
സി. യു. ശശിധരൻ സ്വാഗതവും, ഇ കെ ജയൻ നന്ദിയും പറഞ്ഞു.
ഇരിങ്ങാലക്കുട : സി പി ഐ കാറളം പഞ്ചായത്ത് വികസന സന്ദേശ രാഷ്ട്രീയ പ്രചരണ കാൽനടജാഥ സമാപന സമ്മേളനം ജില്ലാ സെക്രട്ടറി കെ.ജി ശിവാനന്ദൻ ഉദ്ഘാടനം ചെയ്തു.
സിപിഐ ലോക്കൽ സെക്രട്ടറി എം.സുധീർദാസ് ക്യാപ്റ്റനും, പഞ്ചായത്ത് പ്രസിഡന്റ് ബിന്ദു പ്രദീപ് വൈസ് ക്യാപ്റ്റനും, ഇരിങ്ങാലക്കുട മണ്ഡലം സെക്രട്ടേറിയറ്റ് അംഗം കെ.എസ് ബൈജു മാനേജരുമായ കാൽനടജാഥ കഴിഞ്ഞ രണ്ട് ദിവസങ്ങളിലായി കാറളം പഞ്ചായത്തിന്റെ വിവിധ കേന്ദ്രങ്ങളിലൂടെ സഞ്ചരിച്ചാണ് കിഴുത്താണിയിൽ സമാപിച്ചത്.
ഇരിങ്ങാലക്കുട മണ്ഡലം സെക്രട്ടറി എൻ.കെ. ഉദയപ്രകാശ്, മുൻ സംസ്ഥാന കൗൺസിൽ അംഗവും കേരള ഫീഡ്സ് ചെയർമാനുമായ കെ.ശ്രീകുമാർ, എ.ഐ.ടി.യു.സി മണ്ഡലം പ്രസിഡന്റ് റഷീദ് കാറളം, ജില്ലാ പഞ്ചായത്ത് അംഗം ഷീല അജയഘോഷ് എന്നിവർ പ്രസംഗിച്ചു.
കിഴുത്താണി ബ്രാഞ്ച് സെക്രട്ടറി ജിബിൻ ബാലകൃഷ്ണൻ സ്വാഗതവും, ജാഥാ ക്യാപ്റ്റൻ എം. സുധീർദാസ് നന്ദിയും പറഞ്ഞു.
ഇരിങ്ങാലക്കുട : സി പി ഐ പടിയൂർ പഞ്ചായത്ത് വികസന സന്ദേശ കാൽനട ജാഥ ഇരിങ്ങാലക്കുട മണ്ഡലം സെക്രട്ടറി എൻ.കെ ഉദയപ്രകാശ് ഉദ്ഘാടനം ചെയ്തു.
എം എൻ സുഭാഷ് അദ്ധ്യക്ഷത വഹിച്ചു.
വി.ആർ രമേഷ് ജാഥ ക്യാപ്റ്റനായും സുധാ ദീലിപ് വൈസ് ക്യാപ്റ്റനായും ടി.വി വിബിൻ മാനേജരുമായ ജാഥ പഞ്ചായത്തിലുടനീളം പര്യടനം നടത്തും.
പി.മണി,അനിതാ രാധാകൃഷ്ണൻ, ബാബു ചിങ്ങാരത്ത്, കെ.വി രാമകൃഷ്ണൻ, കെ. പി കണ്ണൻ എന്നിവർ പ്രസംഗിച്ചു.
മിഥുൻ പോട്ടക്കാരൻ സ്വാഗതവും, കെ.എ ഗ്രീനോൾ നന്ദിയും പറഞ്ഞു.
ഇരിങ്ങാലക്കുട : ലോക പാലിയേറ്റീവ് ദിനാചരണത്തോടനുബന്ധിച്ച് ഇരിങ്ങാലക്കുട സേവാഭാരതിയുടെ നേതൃത്വത്തിൽ സൗജന്യ കാൻസർ നിർണയ ക്യാമ്പ് സംഘടിപ്പിച്ചു.
ഇരിങ്ങാലക്കുട സേവാഭാരതിയും കൊമ്പൊടിഞ്ഞാമാക്കൽ ലയൺസ് ക്ലബും ട്രിനിറ്റി ട്രാവൽസും തിരുവനന്തപുരം റീജിയണൽ കാൻസർ സെൻ്ററും സംയുക്തമായി സംഘടിപ്പിച്ച ക്യാമ്പ് ലയൺസ് ക്ലബ് ഡിസ്ട്രിക്ട് ക്യാമ്പ് കോർഡിനേറ്റർ ജോൺസൻ കോലങ്കണ്ണി ഉദ്ഘാടനം ചെയ്തു.
ഇരിങ്ങാലക്കുട സേവാഭാരതി വൈസ് പ്രസിഡൻ്റ് സുധാകരൻ സമീര അധ്യക്ഷത വഹിച്ചു.
സേവാഭാരതി മെഡിക്കൽ കോർഡിനേറ്റർ രാജിലക്ഷ്മി സുരേഷ്ബാബു സ്വാഗതവും എക്സിക്യൂട്ടീവ് സമിതി അംഗമായ ജഗദീശ് പണിക്കവീട്ടിൽ നന്ദിയും പറഞ്ഞു.
വാനപ്രസ്ഥാശ്രമം സെക്രട്ടറി ഹരികുമാർ തളിയക്കാട്ടിൽ, പ്രസിഡൻ്റ് ഗോപിനാഥൻ പീടികപ്പറമ്പിൽ, ഒ.എൻ. സുരേഷ്, ട്രഷറർ രവീന്ദ്രൻ, മെഡിസെൽ പ്രസിഡൻ്റ് മിനി സുരേഷ്, ഷീന ബാബു, ഗീത മേനോൻ, സൗമ്യ സംഗീത്, സംഗീത ബാബുരാജ് എന്നിവർ ക്യാമ്പിന് നേതൃത്വം നൽകി.
ഇരിങ്ങാലക്കുട : ക്രിസ്‌തുവിൻ്റെ സ്നേഹവും കരുണയും ചുറ്റിലുമുള്ള സഹോദരങ്ങളിലേക്ക് പകരുമ്പോഴാണ് ക്രൈസ്തവ ജീവിതം പൂർണമാകുന്നതെന്ന് മാർ പോളി കണ്ണൂക്കാടൻ.
ഇരിങ്ങാലക്കുട രൂപത 17-ാം പാസ്റ്ററൽ കൗൺസിലിൻ്റെ പ്രഥമ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പട്ടിണിയും ദാരിദ്ര്യവും മൂലം പതിനായിരങ്ങൾ നരകയാതന അനുഭവിക്കുന്നുണ്ട്. എങ്കിലും പൊതുസമൂഹവും ഭരണകൂടങ്ങളും അവരോട് വേണ്ടത്ര പരിഗണന കാണിക്കുനില്ല. ഈ സാഹചര്യത്തിൽ പങ്കുവയ്‌പ്പിന്റെയും നീതിയുടെയും പാതയിൽ പ്രവർത്തിക്കാൻ ക്രൈസ്തവ വിശ്വാസികൾ കൂടുതൽ ജാഗ്രത പുലർത്തണം. ക്രൈസ്തവ മൂല്യങ്ങളും വിശ്വാസവും നമ്മുടെ പ്രവൃത്തികളാൽ നീതികരിക്കപ്പെടണം. ഇതാണ് യഥാർത്ഥത്തിൽ ഓരോ ക്രൈസ്ത‌വനും നിർവഹിക്കേണ്ട വിശ്വാസസാക്ഷ്യമെന്നും അദ്ദേഹം കൂട്ടിച്ചേർത്തു.
റവ. ഡോ. ജോർജ്ജ് തെക്കേക്കര മുഖ്യപ്രഭാഷണം നടത്തി.
വികാരി ജനറൽ ജോളി വടക്കൻ, റവ. ഡോ. ലാസർ കുറ്റിക്കാടൻ എന്നിവർ പ്രസംഗിച്ചു.
പാസ്റ്ററൽ കൗൺസിൽ ജനറൽ സെക്രട്ടറിയായി റവ. ഡോ. റിജോയ് പഴയാറ്റിൽ, സെക്രട്ടറിമാരായി ജിയോ ജോസ്, ആൻലിൻ ഫ്രാൻസിസ് എന്നിവരെ തിരഞ്ഞെടുത്തു.
അജണ്ട കമ്മിറ്റിയിലേക്ക് റവ. സിസ്റ്റർ ട്രീസ ജോസഫ്, ലിംസൺ ഊക്കൻ, ഷൈനി ജോജോ എന്നിവരെയും ജീസസ് ട്രെയിനിങ് കോളെജ്, ബിഎൽഎം, എജ്യുക്കേഷണൽ ഏജൻസി എന്നിവയിലേക്കുള്ള പ്രതിനിധികളായി യഥാക്രമം ഷാജൻ കൊടിയൻ, വർഗ്ഗീസ് ചുള്ളിപ്പറമ്പിൽ, ഡോ. ജോർജ്ജ് കോലഞ്ചേരി എന്നിവരെയും തിരഞ്ഞെടുത്തു.
ജനറൽ സെക്രട്ടറി റവ. ഡോ. റിജോയ് പഴയാറ്റിൽ നന്ദി പറഞ്ഞു.
ഇരിങ്ങാലക്കുട : സംസ്ഥാന സർക്കാരിന്റെ തദ്ദേശ റോഡ് പുനരുദ്ധാരണ പദ്ധതി പ്രകാരം ഇരിങ്ങാലക്കുട മണ്ഡലത്തിൽ 30 റോഡുകളുടെ നവീകരണത്തിനായി 8 കോടി 39 ലക്ഷം രൂപ അനുവദിച്ചെന്ന് മന്ത്രി ഡോ. ആർ. ബിന്ദു പറഞ്ഞു.
മുരിയാട് ആരംഭ നഗർ പരിസരത്ത് നടന്ന മുരിയാട് പഞ്ചായത്തിലെ രണ്ട് റോഡുകളുടെ നവീകരണ നിർമ്മാണോദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി.
മുരിയാട് മഠം കപ്പേള ആരംഭ നഗർ റോഡ്, കറളിപ്പാടം താര മഹിളാ സമാജം റോഡ് എന്നീ റോഡുകളുടെ നവീകരണ നിർമ്മാണോദ്ഘാടനമാണ് മന്ത്രി നിർവഹിച്ചത്.
മുരിയാട് മഠം കപ്പേള ആരംഭ നഗർ റോഡിന് 20 ലക്ഷം രൂപയും കറളിപ്പാടം താര മഹിളാ സമാജം റോഡിന് 22 ലക്ഷം രൂപയുമാണ് അനുവദിച്ചിട്ടുള്ളത്.
ചടങ്ങിൽ മുരിയാട് പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി അധ്യക്ഷത വഹിച്ചു.
ജില്ലാ പഞ്ചായത്ത് വൈസ് പ്രസിഡന്റ് ലത ചന്ദ്രൻ മുഖ്യാതിഥിയായി.
മുരിയാട് പഞ്ചായത്ത് വൈസ് പ്രസിഡന്റ് രതി ഗോപി, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ സരിത സുരേഷ്, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ കെ.യു. വിജയൻ, പഞ്ചായത്ത് അംഗങ്ങളായ എ.എസ്. സുനിൽകുമാർ, മണി സജയൻ, മുരിയാട് കോ- ഓപ്പറേറ്റീവ് ബാങ്ക് പ്രസിഡൻ്റ് അഡ്വ. കെ.എ. മനോഹരൻ എന്നിവർ പങ്കെടുത്തു.
ഇരിങ്ങാലക്കുട : കല്ലേറ്റുംകരയിലെ ഇരിങ്ങാലക്കുട റെയിൽവേ സ്റ്റേഷൻ വികസന സമിതിയുടെയും കല്ലേറ്റുംകര വികസന സമിതിയുടെയും സംയുക്താഭിമുഖ്യത്തിൽ ഇരിങ്ങാലക്കുട റെയിൽവേ സ്റ്റേഷനു മുന്നിൽ ജനകീയ പ്രതിഷേധ സമര സദസ്സ് സംഘടിപ്പിച്ചു.
വ്യാപാരി വ്യവസായി ഏകോപന സമിതി പ്രസിഡന്റ് കെ.കെ. പോളി സമര സദസ്സ് ഉദ്ഘാടനം ചെയ്തു.
വർഗ്ഗീസ് പന്തല്ലൂക്കാരൻ അധ്യക്ഷത വഹിച്ചു.
മുഖ്യ സംഘാടകൻ വർഗ്ഗീസ് തൊടുപറമ്പിൽ സമര പ്രമേയം അവതരിപ്പിച്ചു.
യോഗം അംഗീകരിച്ച പ്രമേയം നിയമസഭാംഗമായ മന്ത്രി ഡോ. ആർ. ബിന്ദു, ലോക്സഭാംഗമായ കേന്ദ്രസഹമന്ത്രി സുരേഷ് ഗോപി, തിരുവനന്തപുരം ഡിവിഷണൽ റെയിൽവേ മാനേജർ, ആളൂർ പഞ്ചായത്ത് അധ്യക്ഷൻ എന്നിവർക്ക് അയച്ചു നൽകി.
കെ.എഫ്. ജോസ് സ്വാഗതവും ഉണ്ണികൃഷ്ണൻ പുതുവീട്ടിൽ നന്ദിയും പറഞ്ഞു.
അഡ്വ. പാപ്പച്ചൻ വാഴപ്പിള്ളി, ഡേവിസ് തുളുവത്ത്, പി.എൽ. ജോസ്, കെ.കെ. ബാബു, കെ.വി. സുരേഷ് കൈതയിൽ, കെ.കെ. റോബി, ജോസ് കുഴിവേലി, കുമാരൻ കൊട്ടാരത്തിൽ, ഡേവിസ് കണ്ണംകുന്നി തുടങ്ങിയവർ പ്രസംഗിച്ചു.
ഇരിങ്ങാലക്കുട : ഷാഫി പറമ്പിൽ എംപിയെ പൊലീസ് മൃഗീയമായി മർദ്ദിച്ചതിൽ പ്രതിഷേധിച്ച് ഇരിങ്ങാലക്കുട ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ പ്രതിഷേധ മാർച്ച് നടത്തി.
ബ്ലോക്ക് കോൺഗ്രസ് പ്രസിഡൻ്റ് സോമൻ ചിറ്റേത്തിന്റെ നേതൃത്വത്തിൽ നടന്ന പ്രതിഷേധ മാർച്ച് ഡിസിസി ജനറൽ സെക്രട്ടറി സോണിയ ഗിരി ഉദ്ഘാടനം ചെയ്തു.
മുൻ ബ്ലോക്ക് പ്രസിഡന്റ് ടി.വി. ചാർളി, നഗരസഭ ചെയർപേഴ്സൺ മേരിക്കുട്ടി ജോയ്, വൈസ് ചെയർമാൻ ബൈജു കുറ്റിക്കാടൻ, മണ്ഡലം പ്രസിഡൻ്റുമാരായ അബ്ദുൽ ഹഖ്, സാജു പാറേക്കാടൻ, പി.കെ. ഭാസി, യൂത്ത് കോൺഗ്രസ് നിയോജകമണ്ഡലം പ്രസിഡൻ്റ് സനൽ കല്ലൂക്കാരൻ, ബ്ലോക്ക് സെക്രട്ടറി വി.സി. വർഗ്ഗീസ് തുടങ്ങിയവർ പ്രസംഗിച്ചു.
ഇരിങ്ങാലക്കുട : നാദോപാസന സംഗീതസഭയുടെ 34-ാമത് വാർഷിക സമ്മേളനത്തോടനുബന്ധിച്ച് മൂന്ന് ദിവസം നീണ്ടുനിൽക്കുന്ന നവരാത്രി സംഗീതോത്സവത്തിന് തുടക്കമായി.
അമ്മന്നൂർ ഗുരുകുലത്തിൽ പ്രശസ്ത സംഗീതജ്ഞരായ പാലക്കാട്‌ കെ.എൽ. ശ്രീറാമും ഡോ. ജി. ബേബി ശ്രീറാമും ചേർന്ന് ഉദ്ഘാടനം നിർവഹിച്ചു.
നാദോപാസന പേട്രൺ ഡോ. സി.കെ. രവി അധ്യക്ഷനായി.
കഥകളി ആചാര്യൻ ഡോ. സദനം കൃഷ്ണൻകുട്ടി മുഖ്യാഥിതിയായി.
നാദോപാസന പ്രസിഡന്റ് സോണിയ ഗിരി ആമുഖ പ്രഭാഷണം നടത്തി.
നാദോപാസന സെക്രട്ടറി നന്ദകുമാർ, വാർഡ് കൗൺസിലർ സ്മിത കൃഷ്ണകുമാർ, വരവീണ ഡയറക്ടർ ശ്രീവിദ്യ വർമ്മ, തുടങ്ങിയവർ പങ്കെടുത്തു.
ഗിരീഷ്കുമാർ സ്വാഗതവും ഹരികൃഷ്ണൻ നന്ദിയും പറഞ്ഞു.
തുടർന്ന് ചെന്നൈ ഭരത് നാരായണന്റെ കർണാട്ടിക് സംഗീത കച്ചേരി അരങ്ങേറി.
