കൃഷ്ണൻകുട്ടി
ഇരിങ്ങാലക്കുട : കല്പറമ്പ് കളത്തിൽ ദാനവൻ മകൻ കൃഷ്ണൻകുട്ടി (78) നിര്യാതനായി.
സംസ്കാരം തിങ്കളാഴ്ച (ഒക്ടോബർ 13) രാവിലെ 10 മണിക്ക് പൂമംഗലം ശാന്തിതീരം ക്രിമിറ്റോറിയത്തിൽ.
ഭാര്യ : സൗമിനി
മക്കൾ : ബൈജു, ബിനു, ബിജോയ്‌
മരുമക്കൾ : ധന്യ, നീതു
പ്രതിബദ്ധത ജനങ്ങളോട് മാത്രം….
IRINJALAKUDA TIMES
നിര്യാതനായി
ജോസ്
ഇരിങ്ങാലക്കുട : പൊറത്തിശ്ശേരി കെടങ്ങത്ത് ചക്കാലക്കൽ കൊച്ചാപ്പു (ജോസഫ്) മകൻ ജോസ് (78) നിര്യാതനായി.
സംസ്കാരം തിങ്കളാഴ്ച (ഒക്ടോബർ 13) രാവിലെ 10 മണിക്ക് പൊറത്തിശ്ശേരി സെൻ്റ് സെബാസ്റ്റ്യൻ ദേവാലയ സെമിത്തേരിയിൽ.
ഭാര്യ : അല്ലി ജോസ്
മക്കൾ : സ്വന്യ, സൗമ്യ
മരുമക്കൾ : ഫ്രാങ്ക് ആൻ്റണി, അജി ജോയ്
മുരിയാട് പഞ്ചായത്തിൽ മാലിന്യമുക്ത ഗ്രാമത്തിലേക്ക് ബൊക്കാഷിയുടെ ചുവടുവെയ്പ്പ്
ഇരിങ്ങാലക്കുട : ക്ലീൻ ഗ്രീൻ മുരിയാടിൻ്റെ ഭാഗമായി മാലിന്യമുക്ത ഗ്രാമത്തിലേക്ക് പുതിയ ചുവടുവെയ്പ്പുമായി മുരിയാട് പഞ്ചായത്തിന്റെ ബൊക്കാഷി ബക്കറ്റ് വിതരണം.
പരിസ്ഥിതി സൗഹൃദ ജീവിതം പ്രോത്സാഹിപ്പിക്കുക, മാലിന്യമുക്ത ഗ്രാമം സാക്ഷാത്കരിക്കുക എന്നീ ലക്ഷ്യങ്ങളോടെയുള്ള പദ്ധതിയുടെ ഉദ്ഘാടനം പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി നിർവഹിച്ചു.
ബൊക്കാഷി ബക്കറ്റ് എന്നത് ജൈവ മാലിന്യങ്ങൾ വീട്ടിൽ തന്നെ ശാസ്ത്രീയമായി സംസ്കരിക്കാൻ സഹായിക്കുന്ന പരിസ്ഥിതി സൗഹൃദ സംവിധാനമാണ്. ബക്കറ്റിൽ മാലിന്യങ്ങൾ ചേർക്കുന്നതിനൊപ്പം പ്രത്യേകമായ മൈക്രോ ഓർഗാനിസങ്ങൾ അടങ്ങിയ ബൊക്കാഷി പൗഡർ ചേർക്കുമ്പോൾ മാലിന്യം വേഗത്തിൽ വിഘടിച്ച് പോഷകസമൃദ്ധമായ കമ്പോസ്റ്റായി മാറും. ബൊക്കാഷി പ്രക്രിയയിലൂടെ ഉണ്ടാകുന്ന കമ്പോസ്റ്റ് കൃഷിയിടങ്ങളിലും വീട്ടുതോട്ടങ്ങളിലും ഉപയോഗിക്കുമ്പോൾ മണ്ണിന്റെ ഫലഭൂയിഷ്ഠത വർധിക്കുകയും രാസവളങ്ങളുടെ ആവശ്യം കുറയുകയും ചെയ്യുന്നു. കൂടാതെ മാലിന്യങ്ങൾ കത്തിക്കുകയോ തുറന്ന ഇടങ്ങളിലേക്ക് എറിയുകയോ ചെയ്യുന്ന രീതി ഒഴിവാക്കാനും സാധിക്കും.
വീടുകളിലെ മാലിന്യസംസ്‌കരണത്തിന് ശാസ്ത്രീയവും ലളിതവുമായ മാർഗം ഒരുക്കുകയാണ് ബൊക്കാഷി പദ്ധതി.
ബൊക്കാഷി ബക്കറ്റിന്റെ ഉപയോഗത്തെക്കുറിച്ച് പ്രത്യേക ബോധവത്ക്കരണ ക്ലാസും ഉണ്ടായിരുന്നു.
പഞ്ചായത്ത് വൈസ് പ്രസിഡന്റ് രതി ഗോപി, ആരോഗ്യ സ്റ്റാന്റിംഗ് കമ്മിറ്റി ചെയർമാൻ കെ.യു. വിജയൻ, വാർഡ് മെമ്പർമാരായ തോമസ് തൊകലത്ത്, എ.എസ്. സുനിൽകുമാർ, വൃന്ദ കുമാരി, ശ്രീജിത്ത്‌ പട്ടത്ത്, നിഖിത അനൂപ്, മണി സജയൻ, വി.ഇ.ഒ. ഗീത എന്നിവർ പ്രസംഗിച്ചു.
210 വീടുകളിലേക്കാണ് 2850 രൂപ വിലവരുന്ന രണ്ട് ബൊക്കാഷി യൂണിറ്റ് പൗഡറുമടക്കം 285 രൂപയ്ക്ക്
പഞ്ചായത്തിന്റെ നേതൃത്വത്തിൽ വിതരണം ചെയ്തത്.
മത്സ്യത്തൊഴിലാളികൾക്ക് വഞ്ചിയും വലയും വിതരണം ചെയ്തു
ഇരിങ്ങാലക്കുട : കാറളം പഞ്ചായത്തിന്റെ 2025 – 26 വാർഷിക പദ്ധതിയിൽ ഉൾപ്പെടുത്തി മത്സ്യത്തൊഴിലാളികൾക്ക് വഞ്ചിയും വലയും വിതരണം ചെയ്തു.
ചടങ്ങിൽ കാറളം പഞ്ചായത്ത് പ്രസിഡന്റ് ബിന്ദു പ്രദീപ് അധ്യക്ഷത വഹിച്ചു.
ജില്ലാ പഞ്ചായത്ത് പ്രസിഡന്റ് വി.എസ്. പ്രിൻസ് ഉദ്ഘാടനം ചെയ്തു.
സ്റ്റാൻഡിങ് കമ്മിറ്റി ചെയർമാന്മാരായ അമ്പിളി റെനിൽ, ജഗജി കായംപുറത്ത്, ബീന സുബ്രഹ്മണ്യൻ, മെമ്പർമാരായ അജയൻ തറയിൽ, സീമ പ്രേംരാജ്, ലൈജു ആന്റണി എന്നിവർ ആശംസകൾ നേർന്നു.
പഞ്ചായത്ത് വൈസ് പ്രസിഡന്റ് സുനിൽ മാലാന്ത്ര സ്വാഗതവും പദ്ധതി നിർവഹണ ഉദ്യോഗസ്ഥൻ അനിൽ മംഗലത്ത് നന്ദിയും പറഞ്ഞു.
നിര്യാതയായി
മേരി
ഇരിങ്ങാലക്കുട : ഗാന്ധിഗ്രാമിൽ പരേതനായ പുതുശ്ശേരി ജോസ് ഭാര്യ മേരി (84) നിര്യാതനായി.
സംസ്കാരം തിങ്കളാഴ്ച (ഒക്ടോബർ 13) രാവിലെ 9.30ന് ഇരിങ്ങാലക്കുട സെൻ്റ് തോമസ് കത്തീഡ്രൽ ദേവാലയ സെമിത്തേരിയിൽ.
മക്കൾ : ആൻ്റു, ബസിയൻ, ഷാജു, ലാലു, പരേതനായ ലിംസൺ, ബിജു
മരുമക്കൾ : എൽസി, ഡെയ്സി, ത്രസ്യാമ്മ, ജോഷ്മി, പരേതയായ ബിജി
ആളൂരിൽ സി പി ഐ വികസന സന്ദേശകാൽനട ജാഥ പി മണി ഉൽഘാടനം ചെയ്തു
ഇരിങ്ങാലക്കുട : സി പി ഐ ആളൂർ പഞ്ചായത്ത് വികസന സന്ദേശ കാൽനട ജാഥ സി പി ഐ ജില്ലാ എക്സിക്യൂട്ടീവ് അംഗം പി. മണി ഉദ്ഘാടനം ചെയ്തു.
പി കെ സദാനന്ദൻ അദ്ധ്യക്ഷത വഹിച്ചു.
ടി.സി അർജ്ജുനനാണ് ജാഥാ ക്യാപ്റ്റൻ. ജാഥയുടെ വൈസ് ക്യാപ്റ്റൻ ജിഷാ ബാബുവും, മാനേജർ കെ.സി. ഹരിദാസുമാണ്.
സി പി ഐ ജില്ലാ കൗൺസിൽ അംഗം ബിനോയ് ഷബീർ, മണ്ഡലം സെക്രട്ടറിയേറ്റ് അംഗം എം ബി ലത്തീഫ് എന്നിവർ പ്രസംഗിച്ചു.
സി. യു. ശശിധരൻ സ്വാഗതവും, ഇ കെ ജയൻ നന്ദിയും പറഞ്ഞു.
കാറളം പഞ്ചായത്ത് വികസന സന്ദേശരാഷ്ട്രീയ പ്രചരണ കാൽനട ജാഥ സമാപിച്ചു
ഇരിങ്ങാലക്കുട : സി പി ഐ കാറളം പഞ്ചായത്ത് വികസന സന്ദേശ രാഷ്ട്രീയ പ്രചരണ കാൽനടജാഥ സമാപന സമ്മേളനം ജില്ലാ സെക്രട്ടറി കെ.ജി ശിവാനന്ദൻ ഉദ്ഘാടനം ചെയ്തു.
സിപിഐ ലോക്കൽ സെക്രട്ടറി എം.സുധീർദാസ് ക്യാപ്റ്റനും, പഞ്ചായത്ത് പ്രസിഡന്റ് ബിന്ദു പ്രദീപ് വൈസ് ക്യാപ്റ്റനും, ഇരിങ്ങാലക്കുട മണ്ഡലം സെക്രട്ടേറിയറ്റ് അംഗം കെ.എസ് ബൈജു മാനേജരുമായ കാൽനടജാഥ കഴിഞ്ഞ രണ്ട് ദിവസങ്ങളിലായി കാറളം പഞ്ചായത്തിന്റെ വിവിധ കേന്ദ്രങ്ങളിലൂടെ സഞ്ചരിച്ചാണ് കിഴുത്താണിയിൽ സമാപിച്ചത്.
ഇരിങ്ങാലക്കുട മണ്ഡലം സെക്രട്ടറി എൻ.കെ. ഉദയപ്രകാശ്, മുൻ സംസ്ഥാന കൗൺസിൽ അംഗവും കേരള ഫീഡ്സ് ചെയർമാനുമായ കെ.ശ്രീകുമാർ, എ.ഐ.ടി.യു.സി മണ്ഡലം പ്രസിഡന്റ് റഷീദ് കാറളം, ജില്ലാ പഞ്ചായത്ത് അംഗം ഷീല അജയഘോഷ് എന്നിവർ പ്രസംഗിച്ചു.
കിഴുത്താണി ബ്രാഞ്ച് സെക്രട്ടറി ജിബിൻ ബാലകൃഷ്ണൻ സ്വാഗതവും, ജാഥാ ക്യാപ്റ്റൻ എം. സുധീർദാസ് നന്ദിയും പറഞ്ഞു.
പടിയൂരിൽ സിപിഐ വികസന സന്ദേശ ജാഥ
ഇരിങ്ങാലക്കുട : സി പി ഐ പടിയൂർ പഞ്ചായത്ത് വികസന സന്ദേശ കാൽനട ജാഥ ഇരിങ്ങാലക്കുട മണ്ഡലം സെക്രട്ടറി എൻ.കെ ഉദയപ്രകാശ് ഉദ്ഘാടനം ചെയ്തു.
എം എൻ സുഭാഷ് അദ്ധ്യക്ഷത വഹിച്ചു.
വി.ആർ രമേഷ് ജാഥ ക്യാപ്റ്റനായും സുധാ ദീലിപ് വൈസ് ക്യാപ്റ്റനായും ടി.വി വിബിൻ മാനേജരുമായ ജാഥ പഞ്ചായത്തിലുടനീളം പര്യടനം നടത്തും.
പി.മണി,അനിതാ രാധാകൃഷ്ണൻ, ബാബു ചിങ്ങാരത്ത്, കെ.വി രാമകൃഷ്ണൻ, കെ. പി കണ്ണൻ എന്നിവർ പ്രസംഗിച്ചു.
മിഥുൻ പോട്ടക്കാരൻ സ്വാഗതവും, കെ.എ ഗ്രീനോൾ നന്ദിയും പറഞ്ഞു.
സൗജന്യ കാൻസർ നിർണയ ക്യാമ്പ് സംഘടിപ്പിച്ചു
ഇരിങ്ങാലക്കുട : ലോക പാലിയേറ്റീവ് ദിനാചരണത്തോടനുബന്ധിച്ച് ഇരിങ്ങാലക്കുട സേവാഭാരതിയുടെ നേതൃത്വത്തിൽ സൗജന്യ കാൻസർ നിർണയ ക്യാമ്പ് സംഘടിപ്പിച്ചു.
ഇരിങ്ങാലക്കുട സേവാഭാരതിയും കൊമ്പൊടിഞ്ഞാമാക്കൽ ലയൺസ് ക്ലബും ട്രിനിറ്റി ട്രാവൽസും തിരുവനന്തപുരം റീജിയണൽ കാൻസർ സെൻ്ററും സംയുക്തമായി സംഘടിപ്പിച്ച ക്യാമ്പ് ലയൺസ് ക്ലബ് ഡിസ്ട്രിക്ട് ക്യാമ്പ് കോർഡിനേറ്റർ ജോൺസൻ കോലങ്കണ്ണി ഉദ്ഘാടനം ചെയ്തു.
ഇരിങ്ങാലക്കുട സേവാഭാരതി വൈസ് പ്രസിഡൻ്റ് സുധാകരൻ സമീര അധ്യക്ഷത വഹിച്ചു.
സേവാഭാരതി മെഡിക്കൽ കോർഡിനേറ്റർ രാജിലക്ഷ്മി സുരേഷ്ബാബു സ്വാഗതവും എക്സിക്യൂട്ടീവ് സമിതി അംഗമായ ജഗദീശ് പണിക്കവീട്ടിൽ നന്ദിയും പറഞ്ഞു.
വാനപ്രസ്ഥാശ്രമം സെക്രട്ടറി ഹരികുമാർ തളിയക്കാട്ടിൽ, പ്രസിഡൻ്റ് ഗോപിനാഥൻ പീടികപ്പറമ്പിൽ, ഒ.എൻ. സുരേഷ്, ട്രഷറർ രവീന്ദ്രൻ, മെഡിസെൽ പ്രസിഡൻ്റ് മിനി സുരേഷ്, ഷീന ബാബു, ഗീത മേനോൻ, സൗമ്യ സംഗീത്, സംഗീത ബാബുരാജ് എന്നിവർ ക്യാമ്പിന് നേതൃത്വം നൽകി.
ക്രൈസ്തവ ജീവിതം പൂർണമാകുന്നത് സ്നേഹം പങ്ക് വെയ്ക്കുന്നതിലൂടെ : ബിഷപ്പ് മാർ പോളി കണ്ണൂക്കാടൻ
ഇരിങ്ങാലക്കുട : ക്രിസ്‌തുവിൻ്റെ സ്നേഹവും കരുണയും ചുറ്റിലുമുള്ള സഹോദരങ്ങളിലേക്ക് പകരുമ്പോഴാണ് ക്രൈസ്തവ ജീവിതം പൂർണമാകുന്നതെന്ന് മാർ പോളി കണ്ണൂക്കാടൻ.
ഇരിങ്ങാലക്കുട രൂപത 17-ാം പാസ്റ്ററൽ കൗൺസിലിൻ്റെ പ്രഥമ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പട്ടിണിയും ദാരിദ്ര്യവും മൂലം പതിനായിരങ്ങൾ നരകയാതന അനുഭവിക്കുന്നുണ്ട്. എങ്കിലും പൊതുസമൂഹവും ഭരണകൂടങ്ങളും അവരോട് വേണ്ടത്ര പരിഗണന കാണിക്കുനില്ല. ഈ സാഹചര്യത്തിൽ പങ്കുവയ്‌പ്പിന്റെയും നീതിയുടെയും പാതയിൽ പ്രവർത്തിക്കാൻ ക്രൈസ്തവ വിശ്വാസികൾ കൂടുതൽ ജാഗ്രത പുലർത്തണം. ക്രൈസ്തവ മൂല്യങ്ങളും വിശ്വാസവും നമ്മുടെ പ്രവൃത്തികളാൽ നീതികരിക്കപ്പെടണം. ഇതാണ് യഥാർത്ഥത്തിൽ ഓരോ ക്രൈസ്ത‌വനും നിർവഹിക്കേണ്ട വിശ്വാസസാക്ഷ്യമെന്നും അദ്ദേഹം കൂട്ടിച്ചേർത്തു.
റവ. ഡോ. ജോർജ്ജ് തെക്കേക്കര മുഖ്യപ്രഭാഷണം നടത്തി.
വികാരി ജനറൽ ജോളി വടക്കൻ, റവ. ഡോ. ലാസർ കുറ്റിക്കാടൻ എന്നിവർ പ്രസംഗിച്ചു.
പാസ്റ്ററൽ കൗൺസിൽ ജനറൽ സെക്രട്ടറിയായി റവ. ഡോ. റിജോയ് പഴയാറ്റിൽ, സെക്രട്ടറിമാരായി ജിയോ ജോസ്, ആൻലിൻ ഫ്രാൻസിസ് എന്നിവരെ തിരഞ്ഞെടുത്തു.
അജണ്ട കമ്മിറ്റിയിലേക്ക് റവ. സിസ്റ്റർ ട്രീസ ജോസഫ്, ലിംസൺ ഊക്കൻ, ഷൈനി ജോജോ എന്നിവരെയും ജീസസ് ട്രെയിനിങ് കോളെജ്, ബിഎൽഎം, എജ്യുക്കേഷണൽ ഏജൻസി എന്നിവയിലേക്കുള്ള പ്രതിനിധികളായി യഥാക്രമം ഷാജൻ കൊടിയൻ, വർഗ്ഗീസ് ചുള്ളിപ്പറമ്പിൽ, ഡോ. ജോർജ്ജ് കോലഞ്ചേരി എന്നിവരെയും തിരഞ്ഞെടുത്തു.
ജനറൽ സെക്രട്ടറി റവ. ഡോ. റിജോയ് പഴയാറ്റിൽ നന്ദി പറഞ്ഞു.
