IRINJALAKUDA TIMES
ഇരിങ്ങാലക്കുട : എടതിരിഞ്ഞി എച്ച്.ഡി.പി. സമാജം ഹയർ സെക്കൻ്ററി സ്കൂളിൽ പൊളിറ്റിക്കൽ സയൻസിൽ (ഹയർ സെക്കൻ്ററി വിഭാഗം) ദിവസ വേതനാടിസ്ഥാനത്തിൽ ഗസ്റ്റ് അധ്യാപക (സീനിയർ) ഒഴിവുണ്ട്.
ഉദ്യോഗാർത്ഥികൾ അസ്സൽ സർട്ടിഫിക്കറ്റുകളുമായി ശനിയാഴ്ച (നവംബർ 01) ഉച്ചതിരിഞ്ഞ് 2 മണിക്ക് ഹാജരാകേണ്ടതാണ്.
കൂടുതൽ വിവരങ്ങൾക്ക് : 04802641075
ഇരിങ്ങാലക്കുട : മുകുന്ദപുരം താലൂക്ക് യൂണിയൻ്റെ ആഭിമുഖ്യത്തിൽ സംഘടിപ്പിക്കുന്ന സംയുക്ത മേഖലാ നേതൃയോഗങ്ങൾക്ക് ഇരിങ്ങാലക്കുടയിൽ തുടക്കമായി.
ശ്രീ സംഗമേശ്വര എൻ.എസ്.എസ്. ഹാളിൽ ചേർന്ന യോഗം കൊടുങ്ങല്ലൂർ താലൂക്ക് യൂണിയൻ പ്രസിഡൻ്റ് സി. രാജശേഖരൻ ഉദ്ഘാടനം ചെയ്തു.
കരയോഗ പ്രവർത്തനങ്ങളുടെ വ്യത്യസ്ഥ മേഖലകളെക്കുറിച്ചുള്ള ആദ്യ ക്ലാസ് അദ്ദേഹം നയിച്ചു.
മുകുന്ദപുരം താലൂക്ക് യൂണിയൻ ചെയർമാൻ അഡ്വ. ഡി. ശങ്കരൻകുട്ടി അധ്യക്ഷത വഹിച്ചു.
യൂണിയൻ ഭരണസമിതി അംഗങ്ങളായ സി. വിജയൻ, രവി കണ്ണൂർ, എ.ജി. മണികണ്ഠൻ, കെ. രാജഗോപാലൻ തുടങ്ങിയവർ വിവിധ വിഷയങ്ങൾ അവതരിപ്പിച്ചു.
താലൂക്ക് യൂണിയൻ സെക്രട്ടറി എസ്. കൃഷ്ണകുമാർ സ്വാഗതവും അഡീഷണൽ ഇൻസ്പെക്ടർ ബി. രതീഷ് നന്ദിയും പറഞ്ഞു.
ഇരിങ്ങാലക്കുട, കരുവന്നൂർ, വെള്ളാങ്ങല്ലൂർ, അഷ്ടമിച്ചിറ – പുത്തൻചിറ മേഖലകളിലെ കരയോഗം പ്രസിഡൻ്റുമാർ, വൈസ് പ്രസിഡൻ്റ്, സെക്രട്ടറി, ജോയിന്റ് സെക്രട്ടറി, ഖജാൻജി, യൂണിയൻ പ്രതിനിധികൾ, ഇലക്ട്രറൽ റോൾ മെമ്പർ, വനിതാ സമാജം പ്രസിഡൻ്റ്, സെക്രട്ടറി തുടങ്ങിയവർ യോഗത്തിൽ പങ്കെടുത്തു.
ഇരിങ്ങാലക്കുട : കോഴിക്കോട് പേരാമ്പ്രയിൽ ഷാഫി പറമ്പിൽ എംപിക്ക് നേരെ പൊലീസ് അതിക്രമം ഉണ്ടായ സംഭവത്തിൽ പ്രതിഷേധിച്ച് കാട്ടൂർ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ കിഴുത്താണിയിൽ പ്രതിഷേധ പ്രകടനം നടത്തി.
പ്രകടനത്തിനു ശേഷം നടന്ന സമാപന സമ്മേളനം ഡിസിസി ജനറൽ സെക്രട്ടറി ആൻ്റോ പെരുമ്പിള്ളി ഉദ്ഘാടനം ചെയ്തു.
ബ്ലോക്ക് പ്രസിഡൻ്റ് ഷാറ്റോ കുര്യൻ അധ്യക്ഷത വഹിച്ചു.
മണ്ഡലം പ്രസിഡൻ്റുമാരായ ബാസ്റ്റിൻ ഫ്രാൻസിസ്, അഡ്വ. ശശികുമാർ എടപ്പുഴ, എ.ഐ. സിദ്ധാർത്ഥൻ, നേതാക്കളായ തങ്കപ്പൻ പാറയിൽ, തിലകൻ പൊയ്യാറ, ജോമോൻ വലിയവീട്ടിൽ, വി.ഡി. സൈമൺ തുടങ്ങിയവർ പ്രസംഗിച്ചു.
ഇരിങ്ങാലക്കുട : നവീകരിച്ച ഇരിങ്ങാലക്കുട പ്രസ് ക്ലബ്ബിൻ്റെ ഉദ്ഘാടനം ഐസിഎൽ ഫിൻകോർപ്പ് ചെയർമാനും മാനേജിംഗ് ഡയറക്ടറുമായ അഡ്വ. കെ.ജി. അനിൽകുമാർ നിർവ്വഹിച്ചു.
ചടങ്ങിൽ പ്രസ് ക്ലബ്ബ് പ്രസിഡൻ്റ് ഷോബി കെ. പോൾ അധ്യക്ഷത വഹിച്ചു.
പ്രസ് ക്ലബ്ബിൻ്റെ പുതിയ വെബ്സൈറ്റ് നഗരസഭ ചെയർപേഴ്സൺ മേരിക്കുട്ടി ജോയ് ഉൽഘാടനം ചെയ്തു. നാട്ടുകാർക്ക് പത്രസമ്മേളനം അടക്കം ബുക്ക് ചെയ്യാവുന്ന രീതിയിലാണ് വെബ് സൈറ്റ് ഡിസൈൻ ചെയ്തിട്ടുള്ളത്.
ഐഡി കാർഡിൻ്റെയും, മീഡിയ ലിസ്റ്റിൻ്റെയും പ്രകാശനം നഗരസഭ വൈസ് ചെയർമാൻ ബൈജു കുറ്റിക്കാടൻ നിർവഹിച്ചു. പ്രസ് ക്ലബ്ബ് എക്സിക്യൂട്ടീവ് അംഗം വിജയകുമാർ മൂലയിലും, ട്രഷറർ ടി സി രാകേഷും അവ ഏറ്റു വാങ്ങി.
അഡ്വ. കെ.ജി. അനിൽ കുമാറിനെയും ഇൻ്റീരിയർ ഡിസൈനർ സേവ്യർ തോമസിനെയും പ്രസ് ക്ലബ്ബ് വൈസ് പ്രസിഡൻ്റ് ടി.ജി. സിബിൻ ആദരിച്ചു.
ജനറൽ കൺവീനർ ഷാജൻ ചക്കാലക്കൽ സ്വാഗതവും, എക്സിക്യൂട്ടീവ് കമ്മിറ്റി അംഗം വി.ആർ. സുകുമാരൻ നന്ദിയും പറഞ്ഞു.
ഇരിങ്ങാലക്കുട : സീറോ മലബാർ സഭ സമുദായ വർഷത്തിന്റെ ഭാഗമായും കത്തോലിക്ക കോൺഗ്രസ് സംഘടിപ്പിക്കുന്ന അവകാശ സംരക്ഷണ യാത്രയ്ക്ക് മുന്നോടിയായും നടത്തിയ അവകാശ സംരക്ഷണ ദിനം കത്തിഡ്രൽ വികാരി റവ. ഡോ. ലാസർ കുറ്റിക്കാടൻ ഉദ്ഘാടനം ചെയ്തു.
കത്തോലിക്കാ കോൺഗ്രസ് കത്തീഡ്രൽ പ്രസിഡന്റ് സാബു കൂനൻ അധ്യക്ഷത വഹിച്ചു.
ജനറൽ കൺവീനർ ടെൽസൺ കോട്ടോളി, ട്രഷറർ ഡേവിസ് ചക്കാലക്കൽ, വൈസ് പ്രസിഡന്റ് ഷാജു കണ്ടംകുളത്തി, ജോയിൻ്റ് കൺവീനർ വർഗ്ഗീസ് ജോൺ, ട്രസ്റ്റി പി.ടി. ജോർജ്ജ് എന്നിവർ പ്രസംഗിച്ചു.
തുടർന്ന് അവകാശ സംരക്ഷണ ദിന പ്രതിജ്ഞയും എടുത്തു.
തൃശൂർ : നാഷണൽ ഹ്യൂമൻ റൈറ്റ്സ് ആൻഡ് എൻവയോൻമെന്റ് പ്രൊട്ടക്ഷൻ എന്ന മനുഷ്യാവകാശ സംഘടനയുടെ തൃശൂർ ജില്ലാ കമ്മിറ്റി രൂപീകരിച്ചു.
തൃശൂർ ശക്തൻ ആർകേഡ് റോട്ടറി ഹാളിൽ നടന്ന ചടങ്ങിൽ സംഘടനയുടെ ദേശീയ- സംസ്ഥാന പ്രതിനിധികൾ പങ്കെടുത്തു സംസാരിച്ചു.
ജില്ലയിലെ ഭാരവാഹികളായി ഹരീഷ് ഭായ് (പ്രസിഡൻ്റ്), ഉഷ പോൾസൺ (സെക്രട്ടറി), നീത ജോൺ (ട്രഷറർ), സന്ധ്യ അനിൽ, ലോനപ്പൻ അനീഷ് (വൈസ് പ്രസിഡൻ്റുമാർ), അംബിക, കരോളിൻ ജോഷ (ജോയിൻ്റ് സെക്രട്ടറിമാർ) എന്നിവരെ തെരഞ്ഞെടുത്തു.
ഇരിങ്ങാലക്കുട : മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയുടെ ഭാഗമായി ആളൂർ പഞ്ചായത്തിൽ നിർമ്മാണം പൂർത്തിയായ അഞ്ച് റോഡുകൾ മന്ത്രി ഡോ. ആർ. ബിന്ദു നാടിന് സമർപ്പിച്ചു.
മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയുടെ ഭാഗമായി ആളൂർ പഞ്ചായത്തിൽ 1കോടി 16 ലക്ഷം രൂപ ചെലവഴിച്ചാണ് 5 റോഡുകൾ നവീകരിച്ചതെന്നും,
സംസ്ഥാന സർക്കാരിന്റെ തദ്ദേശ റോഡ് പുനരുദ്ധാരണ പദ്ധതി പ്രകാരം ഇരിങ്ങാലക്കുട മണ്ഡലത്തിൽ 30 റോഡുകളുടെ നവീകരണത്തിനായി മാത്രം 8 കോടി 39 ലക്ഷം രൂപ അനുവദിച്ചിട്ടുള്ളതായും മന്ത്രി പറഞ്ഞു.
പദ്ധതിയുടെ ഭാഗമായി ആളൂർ പഞ്ചായത്തിലെ 15-ാം വാർഡിൽ 793.6 മീറ്റർ നീളത്തിൽ 22 ലക്ഷം രൂപ ചെലവിൽ കണ്ണിക്കര കപ്പേള എരണാപ്പാടം റോഡ് നിർമ്മിച്ചു. കണ്ണിക്കര അത്ഭുതകുളങ്ങര അമ്പലം റോഡ് 1345.3 മീറ്റർ നീളത്തിൽ 31 ലക്ഷം രൂപ ചെലവിലും, 20-ാം വാർഡിൽ വടക്കേകുന്ന് റോഡ് 835 മീറ്റർ നീളത്തിൽ 20 ലക്ഷം രൂപ ചെലവിലും, വാർഡ് ഒന്നിലെ റെയിൽവേ ഗേറ്റ് പരടിപ്പാടം റോഡ് 15 ലക്ഷം രൂപ ചെലവിലും, വാർഡ് രണ്ടിലെ സെന്റ് ആൻ്റണീസ് റോഡ് 810 മീറ്റർ നീളത്തിൽ 28 ലക്ഷം രൂപ ചെലവിലുമാണ് നിർമ്മാണം പൂർത്തിയാക്കി ഗതാഗത യോഗ്യമാക്കിയത്.
ചടങ്ങിൽ പഞ്ചായത്ത് പ്രസിഡന്റ് കെ.ആർ. ജോജോ അധ്യക്ഷത വഹിച്ചു.
വൈസ് പ്രസിഡന്റ് രതി സുരേഷ്, പഞ്ചായത്ത് അംഗങ്ങളായ ഷൈനി വർഗ്ഗീസ്, ഓമന ജോർജ്ജ്, സവിത ബിജു, ടി.വി. ഷാജു, മിനി സുധീഷ്, മേരി ഐസക് എന്നിവർ പങ്കെടുത്തു.
ഇരിങ്ങാലക്കുട : കേരള വ്യാപാരി വ്യവസായി സമിതി വേളൂക്കര യൂണിറ്റ് കൺവെൻഷൻ പഞ്ചായത്ത് പ്രസിഡൻ്റ് കെ.എസ്. ധനീഷ് ഉദ്ഘാടനം ചെയ്തു.
യൂണിറ്റ് പ്രസിഡൻ്റ് ലിയോ തോമസ് അധ്യക്ഷത വഹിച്ചു.
സമിതി ഏരിയാ പ്രസിഡൻ്റ് എൻ.കെ. നകുലൻ, ഏരിയ രക്ഷാധികാരി എം.ബി. രാജു, ജില്ലാ എക്സിക്യൂട്ടീവ് അംഗം
കെ.എം. സജീവൻ എന്നിവർ പ്രസംഗിച്ചു.
പുതിയ ഭാരവാഹികളായി ലിയോ തോമസ് (പ്രസിഡൻ്റ്), ജാക്സൺ ജേക്കബ് (സെക്രട്ടറി), ചാർളി തേറാട്ടിൽ (ട്രഷറർ) എന്നിവരെ തെരഞ്ഞെടുത്തു.
കൃഷ്ണൻകുട്ടി
ഇരിങ്ങാലക്കുട : കല്പറമ്പ് കളത്തിൽ ദാനവൻ മകൻ കൃഷ്ണൻകുട്ടി (78) നിര്യാതനായി.
സംസ്കാരം തിങ്കളാഴ്ച (ഒക്ടോബർ 13) രാവിലെ 10 മണിക്ക് പൂമംഗലം ശാന്തിതീരം ക്രിമിറ്റോറിയത്തിൽ.
ഭാര്യ : സൗമിനി
മക്കൾ : ബൈജു, ബിനു, ബിജോയ്‌
മരുമക്കൾ : ധന്യ, നീതു
ജോസ്
ഇരിങ്ങാലക്കുട : പൊറത്തിശ്ശേരി കെടങ്ങത്ത് ചക്കാലക്കൽ കൊച്ചാപ്പു (ജോസഫ്) മകൻ ജോസ് (78) നിര്യാതനായി.
സംസ്കാരം തിങ്കളാഴ്ച (ഒക്ടോബർ 13) രാവിലെ 10 മണിക്ക് പൊറത്തിശ്ശേരി സെൻ്റ് സെബാസ്റ്റ്യൻ ദേവാലയ സെമിത്തേരിയിൽ.
ഭാര്യ : അല്ലി ജോസ്
മക്കൾ : സ്വന്യ, സൗമ്യ
മരുമക്കൾ : ഫ്രാങ്ക് ആൻ്റണി, അജി ജോയ്
