ഇരിങ്ങാലക്കുട : മുരിയാട് പഞ്ചായത്തിൻ്റെ മൂന്നാം നൂറ് ദിന കർമ്മപദ്ധതിയുടെ ഭാഗമായി പഞ്ചായത്തിലെ മുഴുവൻ വിദ്യാലയങ്ങളും കേന്ദ്രീകരിച്ചുള്ള ഹരിതോദ്യാന പദ്ധതിക്ക് തുടക്കം കുറിച്ചു.
ആനന്ദപുരം ശ്രീകൃഷ്ണ ഹയർ സെക്കൻഡറി സ്കൂളിൽ നടന്ന ചടങ്ങിൽ പഞ്ചായത്ത്തല ഉദ്ഘാടനം പ്രസിഡന്റ് ജോസ് ജെ ചിറ്റിലപ്പിള്ളി നിർവഹിച്ചു.
വാർഡ് അംഗം കെ വൃന്ദകുമാരി അധ്യക്ഷത വഹിച്ചു.
പഞ്ചായത്ത് അംഗം നിജി വത്സൻ, സ്കൂൾ ഹെഡ്മാസ്റ്റർ അനിൽകുമാർ, കൃഷി അസിസ്റ്റൻ്റ് നിതിൻ രാജ് തുടങ്ങിയവർ പങ്കെടുത്തു.
ആനന്ദപുരം ഗവ യു പി സ്കൂളിൽ പഞ്ചായത്ത് വൈസ് പ്രസിഡന്റ് രതി ഗോപി ഉദ്ഘാടനം ചെയ്തു. പഞ്ചായത്ത് അംഗവും പി ടി എ പ്രസിഡൻ്റുമായ എ എസ് സുനിൽകുമാർ അധ്യക്ഷത വഹിച്ചു.
മുരിയാട് എ യു പി സ്കൂളിൽ ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ കെ യു വിജയൻ ഉദ്ഘാടനം ചെയ്തു. വാർഡ് അംഗം ശ്രീജിത്ത് പട്ടത്ത് അധ്യക്ഷത വഹിച്ചു.
തുറവൻകാട് ഊക്കൻ മെമ്മോറിയൽ യു പി സ്കൂളിൽ ക്ഷേമകാര്യ സമിതി ചെയർമാൻ സരിത സുരേഷ് ഉദ്ഘാടനം ചെയ്തു. വാർഡ് അംഗം റോസ്മി ജയേഷ് അധ്യക്ഷത വഹിച്ചു.
ആനന്ദപുരം സെൻ്റ് ജോസഫ് സ്കൂളിൽ പഞ്ചായത്ത് പ്രസിഡന്റ് ജോസ് ജെ ചിറ്റിലപ്പിള്ളി ഉദ്ഘാടനം ചെയ്തു. വാർഡ് അംഗം നിത അർജ്ജുനൻ അധ്യക്ഷത വഹിച്ചു.
പുല്ലൂർ സെൻ്റ് സേവ്യേഴ്സ് സ്കൂളിൽ ആരോഗ്യ വിദ്യഭ്യാസ സ്റ്റാൻ്റിംഗ് കമ്മിറ്റി ചെയർമാൻ കെ യു വിജയൻ ഉദ്ഘാടനം ചെയ്തു. വാർഡ് അംഗം സേവ്യർ ആളൂക്കാരൻ അധ്യക്ഷത വഹിച്ചു.
വിദ്യാർഥികളിൽ കാർഷിക ആഭിമുഖ്യം വളർത്തുക എന്നതാണ് പരിപാടിയിലൂടെ ലക്ഷ്യമിടുന്നത്.
