IRINJALAKUDA TIMES
ജോണി
ഇരിങ്ങാലക്കുട : പുല്ലൂർ തെക്കിനിയേടത്ത് പൗലോസ് മകൻ ജോണി (86) നിര്യാതനായി.
സംസ്ക്കാരകർമ്മം ജനുവരി 14 (ചൊവ്വാഴ്ച) രാവിലെ 10 മണിക്ക് പുല്ലൂർ സെന്റ് സേവിയേഴ്സ് ദേവാലയ സെമിത്തേരിയിൽ.
ഭാര്യ : സെലീന
മക്കൾ : ബെറ്റിസൻ, ബീന, ബെന്നി, ബിജു, ബേബി
മരുമക്കൾ : സുബി, വർഗീസ്, മീറ്റി, ജെൻസി, അമ്പിളി
ഇരിങ്ങാലക്കുട : മകര മാസത്തിലെ ആദ്യ ചൊവ്വാഴ്ച്ചയായ നാളെ ദേവീക്ഷേത്രങ്ങളിൽ മകര ചൊവ്വ ആഘോഷിക്കും.
ആഘോഷങ്ങളുടെ ഭാഗമായി അന്നമനട പടിഞ്ഞാറില്ലത്ത് ദേവീ ക്ഷേത്രത്തിൽ രാവിലെ 5ന് വിശേഷാൽ പൂജകൾ, 6ന് ദേവീമാഹാത്മ്യം സമ്പൂർണ്ണ പാരായണം, 9.30ന് പ്രസാദ വിതരണം, വൈകീട്ട് 6ന് ദേവിക്ക് പുഷ്പാഭിഷേകവു० തുടർന്ന് പൂമൂടലും, 7ന് ദീപാരാധന, നിറമാല, ചുറ്റുവിളക്ക്, പഞ്ചവാദ്യം, പൂമൂടൽ ദർശനം, 7.30ന് രാഗസുധാരസം കലാപരിപാടികൾ, 8.30ന് പ്രസാദ ഊട്ട് എന്നിവ നടക്കും.
വെള്ളാങ്ങല്ലൂർ ചേലൂർ പനോക്കിൽ ശ്രീകുരുംബ ഭഗവതി ക്ഷേത്രത്തിൽ രാവിലെ 5ന് ഗണപതി ഹോമം, തുടർന്ന് വിശേഷാൽ പൂജകൾ, തോറ്റംപാട്ട്, വൈകീട്ട് 3.30ന് എഴുന്നള്ളിപ്പ്, 6.30ന് ദീപാരാധന, നിറമാല, ചുറ്റുവിളക്ക്, രാത്രി 7ന് തായമ്പക, 8ന് നൃത്തനൃത്ത്യങ്ങൾ, വെളുപ്പിന് 2ന് ഗുരുതി, തുടർന്ന് എഴുന്നള്ളിപ്പ് എന്നിവ നടക്കും.
കോണത്തുകുന്ന് മഞ്ഞുകുളങ്ങര ദേവീ ക്ഷേത്രം, മനയ്ക്കലപ്പടി പുതിയകാവ് ഭഗവതി ക്ഷേത്രം, കണ്ണികുളങ്ങര ദേവീ ക്ഷേത്രം എന്നീ ക്ഷേത്രങ്ങളിലും മകര ചൊവ്വ ആഘോഷം പ്രസിദ്ധമാണ്.
ഇരിങ്ങാലക്കുട : കഴിഞ്ഞ ഏഴ് ദിവസങ്ങളിലായി നടന്നു വന്നിരുന്ന ഐരാണിക്കുള० മഹാദേവ ക്ഷേത്രത്തിലെ ഉത്സവാഘോഷങ്ങൾക്ക് സമാപന० കുറിച്ച് കൊണ്ട് ആറാട്ട് നടന്നു.
രാവിലെ വിശേഷാൽ പൂജകൾക്ക് ശേഷം കൊടിയിറക്കി.
തുടർന്ന് തെക്കേടത്ത് – വടക്കേടത്ത് മഹാദേവ ക്ഷേത്രങ്ങളിലെ ദേവൻമാരെ ആറാട്ട് കടവായ ക്ഷേത്ര കുളത്തിലേക്ക് എഴുന്നള്ളിച്ചു.
ആറാട്ട് കടവിലെ വിശേഷാൽ പൂജകൾക്ക് ശേഷ० ഇരു ക്ഷേത്രങ്ങളിലേയു० തന്ത്രിമാരും മേൽശാന്തി മാരും മഹാദേവന്റെ തിടമ്പ് മഞ്ഞളിൽ പൊതിഞ്ഞ് ഓട്ടരുളിയിൽ വച്ച് മുങ്ങി. കൂടെ ഭക്തരു० മുങ്ങി.
തുടർന്ന് പഞ്ചവാദ്യത്തിന്റെ അകമ്പടിയോടെ ക്ഷേത്രത്തിലേക്ക് തിരിച്ചെഴുന്നള്ളിച്ചു.
വെച്ചൂർ രമാദേവി അവതരിപ്പിച്ച ഓട്ടൻ തുള്ളലിനു ശേഷം ഉച്ചക്ക് നടന്ന തിരുവാതിര സദ്യക്ക് നൂറു കണക്കിന് ഭക്തർ പങ്കെടുത്തു.
സന്ധ്യക്ക് ദീപാരാധന, നിറമാല, ചുറ്റുവിളക്കും ഉണ്ടായിരുന്നു.
ഇരിങ്ങാലക്കുട : കഴിഞ്ഞ ഏഴ് ദിവസങ്ങളിലായി നടന്നു വന്നിരുന്ന ഐരാണിക്കുള० മഹാദേവ ക്ഷേത്രത്തിലെ ഉത്സവാഘോഷങ്ങൾക്ക് സമാപന० കുറിച്ച് കൊണ്ട് ആറാട്ട് നടന്നു.
രാവിലെ വിശേഷാൽ പൂജകൾക്ക് ശേഷം കൊടിയിറക്കി.
തുടർന്ന് തെക്കേടത്ത് – വടക്കേടത്ത് മഹാദേവ ക്ഷേത്രങ്ങളിലെ ദേവൻമാരെ ആറാട്ട് കടവായ ക്ഷേത്ര കുളത്തിലേക്ക് എഴുന്നള്ളിച്ചു.
ആറാട്ട് കടവിലെ വിശേഷാൽ പൂജകൾക്ക് ശേഷ० ഇരു ക്ഷേത്രങ്ങളിലേയു० തന്ത്രിമാരും മേൽശാന്തി മാരും മഹാദേവന്റെ തിടമ്പ് മഞ്ഞളിൽ പൊതിഞ്ഞ് ഓട്ടരുളിയിൽ വച്ച് മുങ്ങി. കൂടെ ഭക്തരു० മുങ്ങി.
തുടർന്ന് പഞ്ചവാദ്യത്തിന്റെ അകമ്പടിയോടെ ക്ഷേത്രത്തിലേക്ക് തിരിച്ചെഴുന്നള്ളിച്ചു.
വെച്ചൂർ രമാദേവി അവതരിപ്പിച്ച ഓട്ടൻ തുള്ളലിനു ശേഷം ഉച്ചക്ക് നടന്ന തിരുവാതിര സദ്യക്ക് നൂറു കണക്കിന് ഭക്തർ പങ്കെടുത്തു.
സന്ധ്യക്ക് ദീപാരാധന, നിറമാല, ചുറ്റുവിളക്കും ഉണ്ടായിരുന്നു.
ഇരിങ്ങാലക്കുട : സ്വച്ഛ് ഭാരത് മിഷന്റെ സ്വച്ഛ് സർവേക്ഷൻ ക്യാമ്പയിന്റെ ഭാഗമായി ഇരിങ്ങാലക്കുട നഗരസഭയിൽ നഗര സൗന്ദര്യ പ്രവർത്തനങ്ങൾ പുതിയ ഘട്ടത്തിലേക്ക് കടന്നു.
നഗരസഭയിലെ പൊതുമതിലുകൾ, ചുവരുകൾ എന്നിവ പോസ്റ്റർ മുക്തമാക്കി ശുചിത്വ സന്ദേശങ്ങൾ അടങ്ങിയ ചിത്രങ്ങൾ വരച്ച് മനോഹരമാക്കുന്ന പ്രവർത്തി പുരോഗമിക്കുന്നു.
സ്വച്ഛ് ഭാരത് മിഷൻ അർബൻ 2.0 ഐ ഇ സി ഫണ്ട് ഉപയോഗപ്പെടുത്തിയാണ് പ്രവർത്തനങ്ങൾ നടത്തുന്നത്.
19-ാം വാർഡ് മാർക്കറ്റിലെ എല്ലാ ചുമരുകളും മനോഹരമാക്കി.
അതിന്റെ തുടർച്ച എന്ന നിലയിൽ 20-ാം വാർഡിൽപ്പെടുന്ന ബസ് സ്റ്റാൻഡിൽ 250 കിലോ പേപ്പർ മാലിന്യം വിവിധ ചുമരുകളിൽ നിന്നായി നീക്കം ചെയ്ത് പെയിന്റിംഗ് നടത്തി സെൽഫി സ്പോട്ടുകൾ, അതിമനോഹരമായ ചിത്രങ്ങൾ എന്നിവ വരച്ചു ചേർത്തു.
ബസ് സ്റ്റാൻഡിൽ നടന്ന ചടങ്ങിൽ നഗരസഭ ചെയർപേഴ്സൺ മേരിക്കുട്ടി ജോയ് ഉദ്ഘാടനം നിർവഹിച്ചു.
വൈസ് ചെയർമാൻ ബൈജു കുറ്റിക്കാടൻ, പൊതുമരാമത്തു സ്റ്റാന്റിംഗ് കമ്മിറ്റി ചെയർമാൻ ജെയ്സൺ പാറേക്കാടൻ, ആരോഗ്യ സ്റ്റാന്റിംഗ് കമ്മിറ്റി ചെയർപേഴ്സൺ അംബിക പള്ളിപ്പുറത്ത്, കൗൺസിലർ മിനി ജോസ്, ക്ലീൻ സിറ്റി മാനേജർ എസ് ബേബി, ഹെൽത്ത് ഇൻസ്പെക്ടർമാരായ അനൂപ്, രാജേഷ്, ശുചിത്വമിഷൻ യുവ പ്രൊഫഷണൽ അജിത്ത് എന്നിവർ സന്നിഹിതരായിരുന്നു.
ഇരിങ്ങാലക്കുട : അവിട്ടത്തൂർ ലാൽ ബഹാദൂർ ശാസ്ത്രി മെമ്മോറിയൽ ഹയർ സെക്കന്ററി സ്കൂളിൽ ലാൽ ബഹാദൂർ ശാസ്ത്രിയുടെ ചരമ വാർഷികം പുഷ്പാർച്ചന, അനുസ്മരണം എന്നിവയോടെ നടത്തി.
സ്കൂൾ മാനേജർ എ അജിത്ത് കുമാർ ഉദ്ഘാടനം ചെയ്തു.
പ്രിൻസിപ്പൽ ഡോ എ വി രാജേഷ് അധ്യക്ഷത വഹിച്ചു.
മാനേജിംഗ് കമ്മറ്റി അംഗങ്ങളായ എ സി സുരേഷ്, കെ കെ കൃഷ്ണൻ നമ്പൂതിരി, ഹെഡ്മാസ്റ്റർ മെജോപോൾ, എസ് സുധീർ, പി എസ് അനുപമ, വിദ്യാർഥി പ്രതിനിധി അഞ്ജലി കൃഷ്ണ എന്നിവർ പ്രസംഗിച്ചു.
ഇരിങ്ങാലക്കുട : മസ്കറ്റിലെ വാദി കബീറിൽ ക്രിക്കറ്റ് കളിക്കുന്നതിനിടെ ഹൃദയാഘാതം വന്ന് കരുവന്നൂർ കുടറത്തി വീട്ടിൽ തങ്കപ്പൻ മകൻ പ്രദീപ് (39) മരിച്ചു.
കളിസ്ഥലത്ത് വെച്ച് ശാരീരിക അസ്വസ്ഥത അനുഭവപ്പെട്ട പ്രദീപിനെ റൂവിയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
ഖൗല ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം തുടർനടപടികൾ പൂർത്തിയാക്കി കൊച്ചിയിലേക്കുള്ള ഒമാൻ എയറിൽ കൊണ്ടുപോകുമെന്ന് ബന്ധപ്പെട്ടവർ അറിയിച്ചു.
മാതാവ് : തങ്ക
ഭാര്യ : നീതുമോൾ
ഇരിങ്ങാലക്കുട : അതിജീവിതയുടെ നഗ്നചിത്രങ്ങളും വീഡിയോകളും കാണിച്ച് ഭീഷണിപ്പെടുത്തി ലൈംഗീകമായി പീഡിപ്പിക്കുകയും പണം തട്ടിയെടുക്കുകയും ചെയ്ത സംഭവത്തിൽ കാട്ടൂർ സ്വദേശിയായ തൊപ്പിത്തറ പോക്കാക്കില്ലത്ത് വീട്ടിൽ സിദ്ദിഖ് മകൻ ആസിഖ് സുധീറി(39)നെ അറസ്റ്റ് ചെയ്തു.
കാട്ടൂർ പൊലീസ് സ്റ്റേഷൻ ഇൻസ്പെക്ടർ ഇ ആർ ബൈജുവാണ് കേസ്സ് രജിസ്റ്റർ ചെയ്ത് പ്രതിയെ തൃശ്ശൂർ മുടിക്കോട് നിന്നും അറസ്റ്റ് ചെയ്തത്.
പ്രതി അതിജീവിതയുടെ ജീവിത സാഹചര്യം മുതലെടുത്ത് സഹായിക്കാനെന്ന വ്യാജേന അതിജീവിതയും വീട്ടുകാരുമായി സൗഹൃദം സ്ഥാപിക്കുകയും അതിജീവിതയുടെ വീട്ടിൽ പോയി അവരുടെ വീഡിയോകളും ഫോട്ടോകളും എടുക്കുകയും പിന്നീട് അതു കാണിച്ച് ഭീഷണിപ്പെടുത്തി പല തവണകളായി ഒരു ലക്ഷം രൂപയോളം കൈക്കലാക്കുകയും ലൈംഗികമായി പല തവണ പീഡിപ്പിക്കുകയും ചെയ്തതായാണ് പരാതി.
ഇത് തുടർന്നപ്പോൾ അവസാനം അതിജീവിതയ്ക്ക് മാനസിക സമ്മർദ്ദം സഹിക്കാനാകാതെ ആയപ്പോഴാണ് കാട്ടൂർ പൊലീസ് സ്റ്റേഷനിൽ പരാതി നൽകിയത്.
തുടർന്ന് നാട്ടിൽ നിന്നും മാറി താമസിച്ചിരുന്ന പ്രതിയെ കാട്ടൂർ പൊലീസ് മണ്ണുത്തി മുടിക്കോട് വാടക വീട്ടിൽ നിന്നും ഇന്നലെ രാത്രിയിൽ കസ്റ്റഡിയിൽ എടുക്കുകയായിരുന്നു.
കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
അന്വേഷണ സംഘത്തിൽ സബ് ഇൻസ്പെക്ടർ രമേഷ്, അസിസ്റ്റന്റ് സബ് ഇൻസ്പെക്ടർ മിനി, സീനിയർ സിവിൽ പൊലീസ് ഓഫീസർമാരായ സി ജി ധനേഷ്, ഷൗക്കർ എന്നിവരും ഉണ്ടായിരുന്നു.
ഇരിങ്ങാലക്കുട : മുരിയാട് പഞ്ചായത്തിന്റെ മൂന്നാം നൂറു ദിന കർമ്മ പരിപാടിയുടെ ഭാഗമായി ചേർപ്പുംകുന്ന് സാംസ്കാരിക നിലയം കുടിവെള്ള പദ്ധതി നാടിന് സമർപ്പിച്ചു.
അയ്യങ്കാളി സാംസ്കാരിക നിലയത്തിൽ നടന്ന ചടങ്ങിൽ പഞ്ചായത്ത് പ്രസിഡന്റ് ജോസ് ജെ ചിറ്റിലപ്പിള്ളി കുടിവെള്ള പദ്ധതി നാടിന് സമർപ്പിച്ചു.
ചടങ്ങിൽ ക്ഷേമകാര്യ സമിതി ചെയർപേഴ്സൺ സരിത സുരേഷ് അധ്യക്ഷത വഹിച്ചു.
വാർഡംഗം നിഖിത അനൂപ്, പഞ്ചായത്തംഗം സേവ്യർ ആളൂക്കാരൻ, ക്ഷീരസംഘം പ്രസിഡന്റ് കെ എം ദിവാകരൻ, പുല്ലൂർ സർവീസ് സഹകരണ ബാങ്ക് ഡയറക്ട് ബോർഡ് അംഗം പി പി പരമു, കോർഡിനേറ്റർ ബിനി തുടങ്ങിയവർ ചടങ്ങിൽ പങ്കെടുത്തു.
ഇരിങ്ങാലക്കുട : സംസ്ഥാന സർക്കാർ ആർദ്രം മിഷനിലൂടെ ആരോഗ്യ കേന്ദ്രങ്ങളുടെ ഭൗതിക സാഹചര്യങ്ങൾ മെച്ചപ്പെടുത്തുന്നതിന്റെ ഭാഗമായി മികച്ച സൗകര്യങ്ങളോടെ പണി പൂർത്തീകരിച്ച ഇരിങ്ങാലക്കുട ബ്ലോക്ക് പഞ്ചായത്തിന്റെ കീഴിലുള്ള ആനന്ദപുരം സാമൂഹ്യ ആരോഗ്യ കേന്ദ്രത്തിലെ ഒ പി ബ്ലോക്ക് കെട്ടിടത്തിൻ്റെ ഉദ്ഘാടനം മന്ത്രി ഡോ ആർ ബിന്ദു നിർവഹിച്ചു.
ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്റ് ലളിത ബാലൻ അധ്യക്ഷത വഹിച്ചു.
ജില്ലാ പഞ്ചായത്ത് വൈസ് പ്രസിഡന്റ് ലത ചന്ദ്രൻ, മുരിയാട് പഞ്ചായത്ത് പ്രസിഡന്റ് ജോസ് ജെ ചിറ്റിലപ്പിള്ളി, തൃശ്ശൂർ ഡിഎംഒ ടി എസ് ശ്രീദേവി എന്നിവർ വിശിഷ്ടാതിഥികളായി.
പൊതുമരാമത്ത് വകുപ്പ് കെട്ടിട വിഭാഗം എക്സിക്യൂട്ടീവ് എഞ്ചിനീയർ ടി കെ സന്തോഷ് കുമാർ സാങ്കേതിക റിപ്പോർട്ട് അവതരിപ്പിച്ചു.
ഇരിങ്ങാലക്കുട ബ്ലോക്ക് പഞ്ചായത്ത് വൈസ് പ്രസിഡന്റ് കെ എസ് രമേഷ്, ഇരിങ്ങാലക്കുട ബ്ലോക്ക് പഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്സൺമാരായ സുനിത മനോജ്, കാർത്തിക ജയൻ, മുരിയാട് പഞ്ചായത്ത് വൈസ് പ്രസിഡന്റ് രതി ഗോപി, മുരിയാട് പഞ്ചായത്ത് സ്റ്റാൻഡിങ് കമ്മിറ്റി ചെയർമാൻമാരായ കെ യു വിജയൻ, കെ പി പ്രശാന്ത്, സരിത സുരേഷ്, ഇരിങ്ങാലക്കുട ബ്ലോക്ക് പഞ്ചായത്ത് ഡിവിഷൻ മെമ്പർ ഷീന രാജൻ, ബ്ലോക്ക് പഞ്ചായത്ത് മെമ്പർമാരായ മോഹനൻ വലിയാട്ടിൽ, റീന ഫ്രാൻസിസ്, കവിത സുനിൽ, മിനി വരിക്കശ്ശേരി, വി എ ബഷീർ, വിപിൻ വിനോദൻ, അമിത മനോജ്, മുരിയാട് പഞ്ചായത്ത് മെമ്പർമാരായ തോമസ് തൊകലത്ത്, നിജി വത്സൻ, പറപ്പൂക്കര പഞ്ചായത്ത് പ്രസിഡൻ്റുമാരായ ടി കെ സതീശൻ, എ രാജീവ്, മുരിയാട് പഞ്ചായത്ത് സിഡിഎസ് ചെയർപേഴ്സൺ സുനിത രവി, സിപിഎം മുരിയാട് ലോക്കൽ സെക്രട്ടറി പി ആര് ബാലന്, മുരിയാട് മണ്ഡലം കോൺഗ്രസ് പ്രസിഡന്റ് സാജു പാറേക്കാടൻ, സിപിഐ മുരിയാട് ലോക്കൽ സെക്രട്ടറി പി ആര് സുന്ദരൻ, കേരള കോൺഗ്രസ് എം നിയോജകമണ്ഡലം പ്രസിഡന്റ് ടി കെ വർഗീസ് മാസ്റ്റർ, ബിജെപി മുരിയാട് മണ്ഡലം ജനറൽ സെക്രട്ടറി സി എൻ സന്തോഷ് എന്നിവർ ആശംസകൾ നേർന്നു.
ഇരിങ്ങാലക്കുട ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ പി ടി കിഷോർ സ്വാഗതവും ആനന്ദപുരം സാമൂഹ്യ ആരോഗ്യ കേന്ദ്രം സൂപ്രണ്ട് ഡോ ശ്രീവത്സൻ നന്ദിയും പറഞ്ഞു.
