ഇരിങ്ങാലക്കുട : ആയുർവേദത്തിന്റെ അനന്ത സാധ്യതകൾ സാധാരണക്കാർക്ക് പ്രാപ്തമാക്കുന്നതിനുവേണ്ടിയുള്ള ജീവനിയുടെ ഉദ്യമത്തിൻ്റെ ഭാഗമായി തൃശൂർ തൈക്കാട്ട് മൂസ് വക എസ്.എൻ.എ. ഔഷധശാലയുടെയും ജീവനിയുടെയും സംയുക്താഭിമുഖ്യത്തിൽ കർക്കടക ഔഷധ കഞ്ഞിക്കൂട്ട് വിതരണം ചെയ്തു.
വല്ലച്ചിറ, ചേർപ്പ്, പറപ്പൂക്കര എന്നീ പഞ്ചായത്തുകളിലെ തെരഞ്ഞെടുക്കപ്പെട്ട 9 വാർഡുകളിലെ അർഹതയുള്ള 1000 കുടുംബങ്ങൾക്കാണ് കഞ്ഞിക്കൂട്ട് സൗജന്യമായി വിതരണം ചെയ്തത്.
ജീവനിയുടെ ഓഫീസ് അങ്കണത്തിൽ വെച്ച് നടന്ന യോഗം കെ.കെ. രാമചന്ദ്രൻ എംഎൽഎ ഭദ്രദീപം കൊളുത്തി ഉദ്ഘാടനം ചെയ്തു.
വല്ലച്ചിറ പഞ്ചായത്ത് പ്രസിഡന്റ് രമ പ്രകാശൻ മുഖ്യപ്രഭാഷണം നടത്തി.
ഔഷധ കഞ്ഞിക്കൂട്ടിന്റെ വിതരണോദ്ഘാടനവും എംഎൽഎ നിർവ്വഹിച്ചു.
ജീവനിയുടെ വൈസ് പ്രസിഡന്റ് എം. ചന്ദ്രശേഖരൻ അധ്യക്ഷത വഹിച്ചു.
ജീവനിയുടെ മാനേജിംഗ് ട്രസ്റ്റി എം. രാജേന്ദ്രൻ സ്വാഗതവും ജോയിൻ്റ് സെക്രട്ടറി സുനിൽ പി. മേനോൻ നന്ദിയും പറഞ്ഞു.
നിരഞ്ജന എസ്. മേനോൻ്റെയും വാണിലക്ഷ്മിയുടെയും പ്രാർത്ഥനയോടെയാണ് യോഗ നടപടികൾ ആരംഭിച്ചത്.
ജീവനിയുടെ സെക്രട്ടറി എ. പത്മനാഭൻ, ട്രഷറർ എം. സോമസുന്ദരൻ, ഭരണസമിതി അംഗം അഡ്വ. കെ. സുജേഷ്, വല്ലച്ചിറ പഞ്ചായത്ത് 6, 7, 8, 9, 10, വാർഡുകളിലെ മെമ്പർമാർ കെ.എസ്. സുജിത, സജിത ജിജേഷ്, വിശ്വൻ ചക്കോത്ത്, രശ്മി സുരേന്ദ്രൻ, സരോജിനി സുധാകരൻ, ചേർപ്പ് പഞ്ചായത്ത് 12-ാം വാർഡ് മെമ്പർ കെ.ആർ. സിദ്ധാർത്ഥൻ, പറപ്പൂക്കര പഞ്ചായത്ത് 1, 19 വാർഡുകളിലെ മെമ്പർമാർ ജീന സലീഷ്, ഫ്രാൻസീസ് പടിഞ്ഞാറെത്തല എന്നിവർ ആശംസകളർപ്പിച്ചു.
നവരയരി, ചെറുപുന്നയരി, കൊത്തമ്പാലയരി, കുടകപ്പാലരി, വിഴാലരി, കാർകോകിലരി, ഏലത്തരി, ജീരകം, മല്ലി, പെരുംജീരകം, ഉലുവ, ആശാളി, തിപ്പലി, കാട്ടുതിപ്പലിവേര്, കാട്ടുമുളകിൻ വേര്, ചുക്ക്, കൊടുവേലി, അയമോദകം, ഇന്തുപ്പ്, ചെറൂള, ദേവദാരം എന്നിവയുടെ കൂട്ടാണ് കർക്കടക ഔഷധക്കഞ്ഞി.
കെ.വി. അഷ്ടമൂർത്തി പ്രസിഡന്റും എ. പത്മനാഭൻ സെക്രട്ടറിയും എം. സോമസുന്ദരൻ ട്രഷററും എം. ചന്ദ്രശേഖരൻ വൈസ് പ്രസിഡന്റും സുനിൽ പി. മേനോൻ ജോ. സെക്രട്ടറിയും എം. രാജേന്ദ്രൻ മാനേജിംഗ് ട്രസ്റ്റിയുമായ ജീവനിയുടെ ഭരണസമിതിയാണ് കഞ്ഞിക്കൂട്ട് വിതരണം ചെയ്യുന്നതിന് നേതൃത്വം കൊടുത്തത്.
