പ്രതിബദ്ധത ജനങ്ങളോട് മാത്രം….

IRINJALAKUDA TIMES

Advertisement
ഇരിങ്ങാലക്കുട ക്യാമ്പസ് തൃശൂർ ന്യൂസ്
തവനിഷിന്റെ തണൽ പദ്ധതിയിലൂടെ ഭിന്നശേഷി കുട്ടികൾക്കായ്‌ പഠനോപകരണങ്ങൾ കൈമാറി
irinjalakudatimes.com 0

ഇരിങ്ങാലക്കുട : ക്രൈസ്റ്റ് കോളെജിലെ സാമൂഹിക സേവന സംഘടനയായ തവനിഷ് ഭിന്നശേഷി കുട്ടികൾക്ക് വേണ്ടി ബി.ആർ.സി. ഇരിങ്ങാലക്കുടയ്ക്ക് പഠനോപകരണങ്ങൾ കൈമാറി.

ക്രൈസ്റ്റ് കോളെജ് വൈസ് പ്രിൻസിപ്പൽ ഡോ. സേവ്യർ ജോസഫിൽ നിന്ന് ബ്ലോക്ക്‌ പ്രൊജക്റ്റ്‌ കോർഡിനേറ്റർ സത്യപാലൻ പഠനോപകരണങ്ങൾ ഏറ്റുവാങ്ങി.

സിആർസിസി കോർഡിനേറ്റർമാരായ ജെന്നി ആന്റണി, സി.ഡി. ഡോളി, വിഷ്ണു നാരായൺ, സ്പെഷ്യൽ എഡ്യൂക്കേറ്റർമാരായ കീർത്തന കമലൻ, ലിൻ ജെയിംസ്, സുജാത എന്നിവർ ആശംസകൾ അർപ്പിച്ചു.

തവനിഷ് സ്റ്റാഫ്‌ കോർഡിനേറ്റർമാരായ ഡോ. മുവിഷ് മുരളി, അസി. പ്രൊഫ. പ്രിയ ബാലകൃഷ്ണൻ, അസി. പ്രൊഫ. കെ.എം. നസീറ, ഡോ. വിഷ്ണു മോഹൻ, അസി. പ്രൊഫ. നിമിത മാത്യു, അസി. പ്രൊഫ. അലീന, അസി. പ്രൊഫ. ആദർശ്, അസി. പ്രൊഫ. ഐശ്വര്യ പുരുഷോത്തമൻ, തവനിഷ് സ്റ്റുഡന്റ് പ്രസിഡന്റ്‌ നിമിഷ, സ്റ്റുഡന്റ് സെക്രട്ടറി അഭിഷേക്, മറ്റ് തവനിഷ് വൊളന്റിയർമാരും പങ്കെടുത്തു.

ഇരിങ്ങാലക്കുട കേരളം ക്യാമ്പസ് ടെക്നോളജി തൃശൂർ ദേശീയം ന്യൂസ്
മാള മെറ്റ്സ് എൻജിനീയറിങ് കോളേജിൽ അസി. പ്രൊഫസർമാരുടെ ഒഴിവ്
irinjalakudatimes.com 0

ഇരിങ്ങാലക്കുട : മാള മെറ്റ്സ് സ്കൂൾ ഓഫ് എൻജിനീയറിങ്ങിൽ അസിസ്റ്റൻറ് പ്രൊഫസർ തസ്തികയിൽ ഏതാനും ഒഴിവുണ്ട്.

ആർട്ടിഫിഷ്യൽ ഇൻറലിജൻസ് ആൻഡ് ഡാറ്റാ സയൻസ്, സിവിൽ എഞ്ചിനീയറിംഗ് എന്നീ ഡിപ്പാർട്ട്മെൻ്റുകളിലാണ് ഒഴിവുകൾ.

അതാത് വിഷയങ്ങളിൽ 60% മാർക്കോടെയുള്ള എംടെക് ബിരുദാനന്തര ബിരുദമാണ് അടിസ്ഥാന യോഗ്യത.

ഓരോ ഡിപ്പാർട്ട്മെൻ്റിലും രണ്ട് ഒഴിവുകളാണുള്ളത്.

അപേക്ഷിക്കുവാനുള്ള അവസാന തീയ്യതി ജൂലൈ 06.

യോഗ്യത, പരിചയ സമ്പന്നത എന്നിവയ്ക്ക് അനുയോജ്യമായ രീതിയിൽ ശമ്പളം ലഭിക്കുന്നതാണ്.

അപേക്ഷകൾ CV സഹിതം careers@metsengg.ac.in എന്ന ഈ-മെയിലിൽ അയക്കുക.

സംശയ നിവാരണത്തിന് 9188400951 എന്ന മൊബൈൽ നമ്പറിൽ ബന്ധപ്പെടുക.

ഡോ. ആറ്റൂർ സുരേന്ദ്രൻ
അക്കാദമിക് ഡയറക്ടർ
മെറ്റ്സ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ്,
കുരുവിലശ്ശേരി, മാള,
തൃശൂർ – 680732.
മൊബൈൽ : 9188400951, 9446278191.

ഇരിങ്ങാലക്കുട ക്യാമ്പസ് തൃശൂർ ന്യൂസ്
സെന്റ് ജോസഫ്സ് കോളെജിൽ “മാറ്റത്തിന്റെ കാറ്റ്” മയക്കുമരുന്ന് വിരുദ്ധ ബോധവത്കരണ ക്യാമ്പയിന് തുടക്കമായി
irinjalakudatimes.com 0

ഇരിങ്ങാലക്കുട : കേരള സർക്കാർ ആരംഭിച്ച “ഓപ്പറേഷൻ തൂഫാൻ– ദ നാർക്കോ ഹണ്ട്” മയക്കുമരുന്ന് വിരുദ്ധ ബോധവത്കരണ ക്യാമ്പയിന്റെ ഭാഗമായി സെന്റ് ജോസഫ്സ് കോളെജും തൃശൂർ റൂറൽ പൊലീസും ചേർന്ന് “മാറ്റത്തിന്റെ കാറ്റ്” എന്ന പേരിൽ ബോധവത്കരണ പരിപാടിക്ക് തുടക്കമായി.

രണ്ടായിരത്തോളം വിദ്യാർഥിനികൾ അണിനിരന്നു നടത്തിയ എയ്റോബിക്സ് പരിപാടിയുടെ മുഖ്യ ആകർഷണമായി.

കോളെജ് പ്രിൻസിപ്പൽ ഡോ. സിസ്റ്റർ ബ്ലെസി അധ്യക്ഷത വഹിച്ചു.

റൂറൽ ജില്ലാ പൊലീസ് മേധാവി മുഹമ്മദ് നദീം ഉദ്ഘാടനം ചെയ്തു.

മയക്കുമരുന്നിന്റെ ദൂഷ്യഫലങ്ങളും ലഹരിവിരുദ്ധ പ്രവർത്തനങ്ങളുടെ ആവശ്യകതയും അദ്ദേഹം വിശദീകരിച്ചു.

ക്യാപ്റ്റൻ ലിറ്റി ചാക്കോ, ഡോ. സ്റ്റാലിൻ റാഫേൽ, വീണ സാനി തുടങ്ങിയ അധ്യാപകരും കോളെജ് യൂണിയൻ, എൻ.സി.സി., എൻ.എസ്.എസ്., സ്പോർട്സ് ക്ലബ് അംഗങ്ങൾ, വിദ്യാർഥി വൊളൻ്റിയർമാർ എന്നിവരും ചേർന്നാണ് പരിപാടി ഏകോപിപ്പിച്ചത്.

എൻ.സി.സി. കേഡറ്റുകളും സ്പോർട്സ് ക്ലബ് വിദ്യാർഥികളും ചേർന്ന് ഫ്ലാഷ് മോബ് അവതരിപ്പിച്ചു.

സോഷ്യൽ വർക്ക് വിഭാഗം വിദ്യാർഥികളുടെ തെരുവുനാടകവും ശ്രദ്ധേയമായി.

ചടങ്ങിൻ്റെ സമാപനത്തിൽ ഡോ. സി. ബ്ലെസി ചൊല്ലിക്കൊടുത്ത ലഹരിവിരുദ്ധ പ്രതിജ്ഞ വിദ്യാർഥിനികൾ ഏറ്റുചൊല്ലി.

ഇരിങ്ങാലക്കുട ക്യാമ്പസ് തൃശൂർ ന്യൂസ്
മാള മെറ്റ്‌സ് സിൽവർ ജൂബിലി സ്കോളർഷിപ്പ് പ്രഖ്യാപിച്ചു : 25 വിദ്യാർഥികൾക്ക് വിദ്യാഭ്യാസ സഹായം ലഭിക്കും
irinjalakudatimes.com 0

ഇരിങ്ങാലക്കുട : വിദ്യാഭ്യാസ രംഗത്ത് 25 വർഷത്തെ സേവന പാരമ്പര്യം ആഘോഷിക്കുന്ന മാള മെറ്റ്‌സ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസ്, സിൽവർ ജൂബിലി ആഘോഷങ്ങളുടെ ഭാഗമായി “മെറ്റ്‌സ് സിൽവർ ജൂബിലി സ്കോളർഷിപ്പ്” പ്രഖ്യാപിച്ചു.

സാമ്പത്തികമായി പിന്നാക്കം നിൽക്കുന്ന കുടുംബങ്ങളിലെ മികവുറ്റ വിദ്യാർഥികൾക്ക് ഉന്നത വിദ്യാഭ്യാസം നേടുന്നതിനുള്ള പിന്തുണ നൽകുക എന്ന ലക്ഷ്യത്തോടെയാണ് ഈ പ്രത്യേക സ്കോളർഷിപ്പ് പദ്ധതി ആരംഭിച്ചിരിക്കുന്നത്.

സ്കോളർഷിപ്പിന്റെ ഭാഗമായി ഓരോ മെറ്റ്സ് സ്ഥാപനങ്ങളിലും (മെറ്റ്സ് സ്കൂൾ ഓഫ് എൻജിനീയറിങ്, മെറ്റ്സ് കോളെജ് ഓഫ് ഫാർമസ്യൂട്ടിക്കൽ സയൻസസ് ആൻഡ് റിസർച്ച്, മെറ്റ്സ് കോളെജ് ഓഫ് അഡ്വാൻസ്ഡ് സ്റ്റഡീസ്) ഈ വർഷം അഡ്മിഷൻ എടുക്കുന്ന 25 വിദ്യാർഥികൾക്ക് വീതം സാമ്പത്തിക സഹായം നൽകും.

ബി.ഫാം (4 വർഷം) പഠനത്തിനായി 50,000 രൂപയും, എൻജിനീയറിംഗ് ബി.ടെക്. ബിരുദ പഠനത്തിനായി 25,000 രൂപയും സ്കോളർഷിപ്പായി അനുവദിക്കും.

കൂടാതെ ആർട്സ് ആൻഡ് സയൻസ് കോളെജ് വിദ്യാർഥികൾക്ക് തിരഞ്ഞെടുക്കപ്പെടുന്ന കോഴ്സിന് അനുയോജ്യമായ പ്രത്യേക സ്കോളർഷിപ്പും ലഭ്യമാക്കും.

മെറ്റ്‌സ് ഗ്രൂപ്പിന്റെ സാമൂഹിക പ്രതിബദ്ധതയുടെ ഭാഗമായ ഈ പദ്ധതി, സാമ്പത്തിക ബുദ്ധിമുട്ടുകൾ കാരണം പഠനം മുടങ്ങാൻ സാധ്യതയുള്ള വിദ്യാർഥികൾക്ക് വലിയ ആശ്വാസമാകുമെന്ന് മാനേജ്മെന്റ് അറിയിച്ചു.

വിദ്യാഭ്യാസ മേഖലയിലെ മികവും സാമൂഹിക ഉത്തരവാദിത്തവും ഒരുപോലെ ഉയർത്തിപ്പിടിക്കുന്ന പ്രവർത്തനങ്ങളുടെ തുടർച്ചയായാണ് ഈ സ്കോളർഷിപ്പ് പദ്ധതി നടപ്പാക്കുന്നതെന്നും അധികൃതർ വ്യക്തമാക്കി.

ഇരിങ്ങാലക്കുട കേരളം ക്യാമ്പസ് തൃശൂർ ന്യൂസ്
ചാലക്കുടി ഗവ. ഐ.ടി.ഐ.ലേക്ക് അഡ്മിഷനുള്ള അപേക്ഷ ക്ഷണിച്ചു
irinjalakudatimes.com 0

ഇരിങ്ങാലക്കുട : ചാലക്കുടി ഗവ. ഐ.ടി.ഐ.ലെ 20 ട്രേഡുകളിലെ 832 സീറ്റുകളിലേക്ക് അഡ്മിഷനുള്ള അപേക്ഷ ക്ഷണിച്ചു.

ജൂൺ 30ന് വൈകീട്ട് 5 മണി വരെ ഓൺലൈനായി https://www.itiadmissions.kerala.gov.in/എന്ന പോർട്ടൽ മുഖേനയും https://det.kerala.gov.in എന്ന വെബ്സൈറ്റിൽ ഉള്ള ലിങ്ക് മുഖേനയും അപേക്ഷകൾ ഓൺലൈനായി സമർപ്പിക്കാവുന്നതാണ്.

അപേക്ഷ സമർപ്പിച്ചതിനു ശേഷം അടുത്തുള്ള ഐ.ടി.ഐ.കളിൽ നിന്ന് വെരിഫിക്കേഷൻ നടപടികൾ പൂർത്തിയാക്കണം.

അപേക്ഷ സമർപ്പിക്കുന്നതിനുള്ള പ്രോസ്പെക്റ്റ്സും മാർഗ്ഗനിർദ്ദേശങ്ങളും വെബ്സൈറ്റിൽ ലഭ്യമാണ്.

കൂടുതൽ വിവരങ്ങൾക്ക് ബന്ധപ്പെടേണ്ട ഫോൺ നമ്പർ : 04802701491

ഇരിങ്ങാലക്കുട ക്യാമ്പസ് തൃശൂർ ന്യൂസ്
വിദ്യാർഥികൾ തന്നെ പരിശീലകർ; ക്രൈസ്റ്റ് കോളെജിൽ ‘ഏൺ വൈൽ ലേൺ’ പദ്ധതിക്ക് തിളക്കം
irinjalakudatimes.com 0

ഇരിങ്ങാലക്കുട : ക്രൈസ്റ്റ് കോളെജിൽ ഐക്യുഎസിയുടെ ‘ഏൺ വൈൽ ലേൺ’ സംരംഭത്തിന്റെ ഭാഗമായി നടപ്പാക്കിയ ആശയവിനിമയ, സോഫ്റ്റ് സ്കിൽ പരിശീലന പദ്ധതിയിൽ പങ്കെടുത്ത വിദ്യാർഥി പരിശീലകരെ പ്രശംസാപത്രങ്ങൾ നൽകി ആദരിച്ചു.

കാമ്പസിൽ നടന്ന പ്രത്യേക ചടങ്ങിൽ പരിശീലകർക്കുള്ള സർട്ടിഫിക്കറ്റുകൾ വിതരണം ചെയ്തു.

കാമ്പസിലെ മൊത്തം വിദ്യാർഥികളിൽ നിന്നും തിരഞ്ഞെടുക്കപ്പെട്ട 36 പരിശീലകരാണ് ഈ പദ്ധതിക്കായി പ്രവർത്തിച്ചത്.

ഒന്നാം വർഷ വിദ്യാർഥികൾ ഉൾപ്പെടെയുള്ള പരിശീലകർ രണ്ടാം വർഷ വിദ്യാർഥികൾക്ക് ക്ലാസുകൾ നയിച്ചു.

സമഗ്രമായ തിരഞ്ഞെടുപ്പ് പ്രക്രിയയ്ക്കും പരിശീലനത്തിനും ശേഷം 352 മണിക്കൂർ നീണ്ട സെഷനുകളാണ് ഇവർ വിജയകരമായി പൂർത്തിയാക്കിയത്.

പരിശീലകരെ പ്രിൻസിപ്പൽ റവ. ഫാ. ഡോ. ജോളി ആൻഡ്രൂസ് ആദരിച്ചു.

വൈസ് പ്രിൻസിപ്പൽമാരായ ഡോ. അനിൽകുമാർ, ഡോ. സേവ്യർ ജോസഫ്, എച്ച്ആർ കോർഡിനേറ്റർ പ്രൊഫ. ഷീബ വർഗ്ഗീസ്, ഐക്യുഎസി കോർഡിനേറ്റർ ഡോ. കെ.ജി. ഷിന്റോ, സ്റ്റാഫ് കോർഡിനേറ്റർ പ്രൊഫ. ലിസ് മെറിൻ പീറ്റർ എന്നിവർ ചടങ്ങിൽ സംബന്ധിച്ചു.

ഇരിങ്ങാലക്കുട ക്യാമ്പസ് തൃശൂർ ദേശീയം ന്യൂസ്
ജനറൽബോഡി യോഗവും പുതിയ എക്സിക്യൂട്ടീവ് കമ്മിറ്റി തിരഞ്ഞെടുപ്പും നടത്തി
irinjalakudatimes.com 0

ദുബായ് : ഇരിങ്ങാലക്കുട ക്രൈസ്റ്റ് കോളെജ് അലുമിനി യുഎഇ ചാപ്റ്റർ ജനറൽബോഡി യോഗവും പുതിയ എക്സിക്യൂട്ടീവ് കമ്മിറ്റി തിരഞ്ഞെടുപ്പും ദുബായ് ഖുസൈസ് അക്കാഫ് ഓഫീസിൽ വെച്ച് നടത്തി.

എഡ്വിൻ ജോഷി (പ്രസിഡൻ്റ്), ജിഷ്ണു കൃഷ്ണന്‍ (സെക്രട്ടറി), നോയൽ ജോൺസൻ (ട്രഷറർ), നാദിയ സുബിനൻ (വൈസ് പ്രസിഡന്റ്), മുഫ്‌സീന (ജോയിന്റ് സെക്രട്ടറി), വിഷ്ണു (ജോയിന്റ് ട്രഷറർ), ജിജേഷ് (അക്കാഫ് റപ്പ്), വിദ്യ (ആർട്സ് സെക്രട്ടറി), അക്ഷയ് (സ്പോർട്സ് ക്യാപ്റ്റൻ), സുഭദ്ര (മീഡിയ കോർഡിനേറ്റർ), എം.എസ്. അനസ് (മെമ്പർഷിപ്പ് കോർഡിനേറ്റർ) ഉൾപ്പടെ 30 അംഗ കമ്മിറ്റിയാണ് തിരഞ്ഞെടുക്കപ്പെട്ടത്.

മുൻ പ്രസിഡൻ്റ് പ്രിൻസ്, സെക്രട്ടറി ഷറഫുദ്ദീൻ, ട്രഷറർ ടീജോ, സീനിയർ അംഗങ്ങളായ വിവേക്, ജമാല്‍, ശന്തനു തുടങ്ങിയവര്‍ തിരഞ്ഞെടുപ്പിന് നേതൃത്വം നല്‍കി.

ഇരിങ്ങാലക്കുട കേരളം ക്യാമ്പസ് തൃശൂർ ദേശീയം ന്യൂസ്
സിവിൽ സർവീസ് പരീക്ഷയിൽ റാങ്ക് നേടിയ പൂർവ്വ വിദ്യാർഥിനി വിഷ്ണുപ്രിയയ്ക്ക് ഭാരതീയ വിദ്യാഭവനിൽ സ്വീകരണം നൽകി
irinjalakudatimes.com 0

ഇരിങ്ങാലക്കുട : സിവിൽ സർവീസ് പരീക്ഷയിൽ 149-ാം റാങ്ക് നേടിയ പൂർവ്വ വിദ്യാർഥിനി വിഷ്ണുപ്രിയക്ക് ഇരിങ്ങാലക്കുട ഭാരതീയ വിദ്യാഭവനിൽ സ്വീകരണം നൽകി.

സ്കൂൾ ഓപ്പൺ ഓഡിറ്റോറിയത്തിൽ നടന്ന ചടങ്ങിൽ ചെയർമാൻ ടി.എ. നായർ വിഷ്ണുപ്രിയക്ക് ഉപഹാരം നൽകി അനുമോദിച്ചു.

പ്രിൻസിപ്പൽ ബിജു ഗീവർഗ്ഗീസ് പൊന്നാടയണിയിച്ചു.

വൈസ് ചെയർമാൻ സി. നന്ദകുമാർ, സെക്രട്ടറി വി. രാജൻ, വൈസ് പ്രിൻസിപ്പൽ ഗിരിജ മേനോൻ, പി.ടി.എ. പ്രസിഡൻ്റ് റാണി പ്രദീപ്കുമാർ എന്നിവർ ആശംസകൾ നേർന്നു.

വൈസ് പ്രിൻസിപ്പൽ സുജാത രാമനാഥൻ സ്വാഗതവും ഗണിതശാസ്ത്രവിഭാഗം അധ്യാപിക ജോസി ജോർജ്ജ് നന്ദിയും പറഞ്ഞു.

തോൽവികളിൽ തളരാതെ, അവയിൽ നിന്ന് പാഠങ്ങളുൾക്കൊണ്ട് നിശ്ചയദാർഢ്യത്തോടെ മുന്നേറേണ്ടതിന്‍റെ ആവശ്യകതയെക്കുറിച്ച് വിഷ്ണുപ്രിയ തന്റെ മറുപടി പ്രസംഗത്തിൽ പറഞ്ഞു.

സാമൂഹികബോധവും ദേശസ്നേഹവുമുള്ള, ചിന്തിക്കുന്ന യുവത്വമാണ് വളർന്നു വരേണ്ടതെന്നും വിഷ്ണുപ്രിയ കൂട്ടിച്ചേർത്തു.

ഇരിങ്ങാലക്കുട ക്യാമ്പസ് തൃശൂർ ന്യൂസ്
കല്ലേറ്റുംകര മോഡൽ പോളിടെക്നിക് കോളെജിൽ ഒരു പകൽ മുഴുവൻ സിനിമാപൂരം
irinjalakudatimes.com 0

ഇരിങ്ങാലക്കുട: കല്ലേറ്റുംകര ഐഎച്ച്ആർഡി മോഡൽ പോളിടെക്‌നിക്ക് കോളെജ് മൾട്ടിപ്ലക്സ് ആയി നാല് സ്ക്രീനുകളിൽ ഒറ്റദിവസം പ്രദർശിപ്പിച്ചത് എട്ട് സിനിമകൾ.

കോളെജിലെ ഇലക്ട്രിക്കൽ ആൻഡ് ഇലക്ട്രോണിക്സ് എൻജിനീയറിങ് വകുപ്പാണ് ഒരൊറ്റ ദിവസത്തേക്ക് കോളെജ് ക്യാമ്പസിൽ മൾട്ടിപ്ലക്സ് വൈബ് കൊണ്ടുവന്ന് ഫിലിം ഫെസ്റ്റിവൽ നടത്തിയത്.

മലയാളത്തിലും തമിഴിലും ഉള്ള ജനപ്രിയ സിനിമകളാണ് ഫിലിം ഫെസ്റ്റിവലിൽ പ്രദർശിപ്പിച്ചത്.

കോഴ്സിന്റെ ഭാഗമായി വിദ്യാർഥികൾ രൂപകൽപ്പന ചെയ്ത പ്രൊജക്ടറിലാണ് സിനിമകളുടെ പ്രദർശനം ഒരുക്കിയത്.

പ്രിൻസിപ്പൽ എസ്. ദീപ്തി ചലച്ചിത്രോത്സവം ഉദ്ഘാടനം ചെയ്തു.

വകുപ്പ് മേധാവി പി.ബി. ദ്വിതീഷ് കുമാർ ആമുഖപ്രസംഗം നടത്തി.

ആർട്സ് ക്ലബ്ബ് സെക്രട്ടറി പി.എ. സാബു, കമ്പ്യൂട്ടർ വകുപ്പ് മേധാവി ആർ. രാജി, സി.എസ്. രന്തീദേവ്, സി.എസ്. സുബീഷ് എന്നിവർ പ്രസംഗിച്ചു.

ഇരിങ്ങാലക്കുട ക്യാമ്പസ് തൃശൂർ ന്യൂസ്
ബഡ്സ് 2026 : ക്രൈസ്റ്റ് കോളെജിൽ ത്രിദിന അന്താരാഷ്ട്ര ബോട്ടണി സെമിനാർ സംഘടിപ്പിച്ചു
irinjalakudatimes.com 0

ഇരിങ്ങാലക്കുട : ക്രൈസ്റ്റ് കോളെജിലെ ബോട്ടണി വിഭാഗത്തിന്റെ ആഭിമുഖ്യത്തിൽ ബൊട്ടാണിക്കൽ അപ്ഡേറ്റ്സ് ആൻഡ് ഡിസ്കവറീസ് (ബഡ്സ് 2026) എന്ന പേരിൽ മൂന്നു ദിവസം നീണ്ടുനിന്ന അന്താരാഷ്ട്ര സെമിനാർ സംഘടിപ്പിച്ചു.

ഇന്ത്യയിലും വിദേശത്തുനിന്നുമുള്ള പ്രമുഖ സസ്യശാസ്ത്രജ്ഞരും ഗവേഷണ വിദ്യാർഥികളും സെമിനാറിൽ പങ്കെടുത്തു.

കാലിക്കറ്റ് സർവകലാശാല ബോട്ടണി വിഭാഗം സീനിയർ പ്രൊഫ. ഡോ. സന്തോഷ് നമ്പി സെമിനാർ ഉദ്ഘാടനം ചെയ്തു.

കോളെജ് മാനേജർ ഫാ. ജോയ് പീണിക്കപ്പറമ്പിൽ, പ്രിൻസിപ്പൽ ഫാ. ജോളി ആൻഡ്രൂസ്, പ്രൊഫ. ഇ.ജെ. വിൻസെൻ്റ്, പ്രൊഫ. ജേക്കബ് എബ്രഹാം പുളിക്കൽ, ഡോ. ആർ. സൗമ്യ, എം.എസ്. സ്വീറ്റി, സംഘാടക സമിതി സെക്രട്ടറി ഡോ. വിഷ്ണു മോഹൻ എന്നിവർ പ്രസംഗിച്ചു.

ഡോ. എൻ.എസ്. പ്രദീപ് (കോഴിക്കോട്), ഡോ. ശിവകുമാർ പട്ടത്തിൽ (യു.എസ്.എ.), ഡോ. അജിത് അശോകൻ (ഇറ്റലി), ഡോ. ടോം ജോർജ്ജ് (ബെംഗളൂരു), ഡോ. മാത്യു ഡാൻ (തിരുവനന്തപുരം), ഡോ. ഡെന്നിസ് തോമസ് (കാസർഗോഡ്), ഡോ. രമേഷ് കുമാർ (തിരുവനന്തപുരം), ഡോ. ജനീഷ (കോഴിക്കോട്) എന്നിവർ പ്രബന്ധ അവതരണങ്ങൾക്ക് നേതൃത്വം നൽകി.

സെമിനാറിൽ അവതരിപ്പിച്ച പ്രബന്ധങ്ങളുടെ സംഗ്രഹങ്ങൾ ഉൾക്കൊള്ളുന്ന പുസ്തകം പ്രകാശനം ചെയ്തു.

അധ്യാപകർ, ഗവേഷകർ, വിദ്യാർഥികൾ എന്നീ വിഭാഗങ്ങളിലായി ആകെ 37 പ്രബന്ധാവതരണങ്ങൾ നടന്നു.

അധ്യാപന ജീവിതത്തിൽ നിന്ന് ഈ വർഷം വിരമിക്കുന്ന ഡോ. സന്തോഷ് നമ്പിയെ, സസ്യശാസ്ത്ര മേഖലയിലേക്ക് നൽകിയ വിലമതിക്കാനാവാത്ത സംഭാവനകൾക്കായി പൊന്നാട അണിയിച്ച് ആദരിച്ചു.

വിവിധ തീമുകളിലായി നടന്ന പ്രബന്ധാവതരണങ്ങളിൽ ഡോ. സ്‌മൃതി വിജയൻ, എം.എസ്. അനീഷ്, സന ബാബുരാജ്, കീർത്തി രാജഗോപാൽ, സി. അമൃത, സി.എം. ജിഷ്ണു എന്നിവർ മികച്ച പ്രബന്ധാവതരണത്തിനുള്ള അവാർഡിന് അർഹരായി.