ഇരിങ്ങാലക്കുട : എൽഡിഎഫ് സ്ഥാനാർഥി ഡോ. ആർ. ബിന്ദു ഇരിങ്ങാലക്കുട നഗരത്തിലും പടിയൂർ, പൂമംഗലം പഞ്ചായത്തുകളിലും നടത്തിയ പര്യടനത്തിന് ആവേശപൂർവ്വമായ സ്വീകരണമാണ് ലഭിച്ചത്.
36 കേന്ദ്രങ്ങളിൽ സ്വീകരണം ഏറ്റുവാങ്ങിയ പര്യടനം ഇരിങ്ങാലക്കുട എകെപി ജങ്ഷനിൽ നിന്ന് ആരംഭിച്ച് എടക്കുളം മരപ്പാലത്തിന് സമീപം സമാപിച്ചു.
മുന്നണി നേതാക്കളായ പി. മണി, എൻ.കെ. ഉദയപ്രകാശ്, ഉല്ലാസ് കളക്കാട്ട്, അഡ്വ. കെ.ആർ. വിജയ, ബിജു ആൻ്റണി, ടി.കെ. വർഗ്ഗീസ്, വി.എ. മനോജ് കുമാർ, ആർ.എൽ. ശ്രീലാൽ എന്നിവർ ഒപ്പമുണ്ടായി.
സ്വീകരണ കേന്ദ്രങ്ങളിൽ ടി.ജി. ശങ്കരനാരായണൻ, എ.വി. അജയൻ, മിഥുൻ പോട്ടക്കാരൻ, കെ.കെ. ശിവൻ, നവ്യ കൃഷ്ണ, വത്സല ബാബു, റഷീദ് കാറളം എന്നിവർ പ്രസംഗിച്ചു.
