ഇരിങ്ങാലക്കുട : മണപ്പുറം ഫൗണ്ടേഷന്റെ കീഴിൽ പ്രവർത്തിക്കുന്ന മുകുന്ദപുരം പബ്ലിക് സ്കൂളിൽ ഏപ്രിൽ 1 മുതൽ മെയ് 16 വരെ നീണ്ടുനിന്ന സമ്മർ ക്യാമ്പ് സമാപിച്ചു.
സമാപന സമ്മേളനം പ്രശസ്ത കലാകാരനും കലാമണ്ഡലം നൃത്ത അധ്യാപകനും മുകുന്ദപുരം പബ്ലിക് സ്കൂൾ അഡ്വൈസറി കമ്മിറ്റി അംഗവുമായ ഡോ. ആർ.എൽ.വി. രാമകൃഷ്ണൻ ഉദ്ഘാടനം ചെയ്തു.
പ്രിൻസിപ്പൽ ജിജി കൃഷ്ണ അധ്യക്ഷത വഹിച്ചു.
അധ്യാപിക പി.എസ്. ശ്രീകല സ്വാഗതം പറഞ്ഞു.
നൃത്തത്തിന്റെ വിവിധ തലങ്ങൾ, പ്രാധാന്യം, അനന്തസാധ്യതകൾ എന്നിവയെക്കുറിച്ച് ചരിത്രത്തെ മുൻനിർത്തി മുദ്രകളിലൂടെയും നൃത്തച്ചുവടുകളിലൂടെയും ഡോ. ആർ.എൽ.വി. രാമകൃഷ്ണൻ നയിച്ച നൃത്തശിൽപ്പശാല കുട്ടികൾക്ക് കൂടുതൽ ആസ്വാദ്യകരമായി.
തുടർന്ന് കുട്ടികൾ അവതരിപ്പിച്ച കലാപരിപാടികൾ അരങ്ങേറി.
സ്കൂൾ അഡ്മിനിസ്ട്രേറ്റർ വി. ലളിത, പി.ടി.എ. പ്രസിഡന്റ് വിനോദ് മേനോൻ, ക്യാമ്പ് കോർഡിനേറ്റർമാരായ രേഖ പ്രദീപ്, എ.എക്സ്. ഷീബ, കെ.ജി. സിനി, പി.ടി. ഭവ്യ എന്നിവർ പ്രസംഗിച്ചു.
തുടർന്ന് ക്യാമ്പിൽ പങ്കെടുത്ത മുഴുവൻ കുട്ടികൾക്കും ട്രോഫിയും സർട്ടിഫിക്കറ്റുകളും വിതരണം ചെയ്തു.
