ഇരിങ്ങാലക്കുട : ‘നാട്യശാസ്ത്രം’ എന്ന ലോകത്തിലെ തന്നെ ഏറ്റവും ബൃഹത്തും ആധികാരികവുമായ അഭിനയകലാഗ്രന്ഥം യുനെസ്കോയുടെ ‘മെമ്മറി ഓഫ് വേൾഡ് രജിസ്റ്ററിൽ’ ചേർത്തതിന്റെ ആഘോഷം ഇരിങ്ങാലക്കുട നടനകൈരളിയിൽ സംഘടിപ്പിച്ചു വരുന്ന 124-ാമത് നവരസ സാധന ശില്പശാലയിൽ നവരസോത്സവമായി അവതരിപ്പിക്കും.
ഏപ്രിൽ 29ന് വൈകീട്ട് 4.30ന് ലോക നൃത്തരംഗത്തെ അപൂർവ വ്യക്തിത്വമായിരുന്ന ഇസഡോറ ഡങ്കനെക്കുറിച്ച് നൃത്ത ചരിത്രകാരൻ വിനോദ് ഗോപാലകൃഷ്ണൻ പ്രഭാഷണം നടത്തും.
തുടർന്ന് ഗുരു വേണുജി ”നാട്യശാസ്ത്രവും നവരസ സാധനയും” എന്ന വിഷയത്തെക്കുറിച്ച് ആമുഖ പ്രഭാഷണം നടത്തും.
ഇതോടനുബന്ധിച്ച് ഇന്ത്യയുടെ നാനാഭാഗത്തു നിന്നും ശില്പശാലയിൽ പങ്കെടുക്കുന്ന യുവപ്രതിഭകൾ അവതരിപ്പിക്കുന്ന കലകൾ അരങ്ങേറും.
