ഇരിങ്ങാലക്കുട : 12-ാം പെൻഷൻ പരിഷ്കരണ നടപടികൾ ഉടൻ ആരംഭിക്കുക, 11-ാം പെൻഷൻ പരിഷ്കരണ കുടിശ്ശികയും ഡിഎയും അനുവദിക്കുക, മെഡിസെപ്പ് അപാകതകൾ പരിഹരിച്ച് ക്യാഷ്ലെസ് ചികിത്സ ഉറപ്പാക്കുക തുടങ്ങിയ ആവശ്യങ്ങൾ കേരള സ്റ്റേറ്റ് സർവീസ് പെൻഷനേഴ്സ് യൂണിയൻ ഇരിങ്ങാലക്കുട ടൗൺ ബ്ലോക്ക് 33-ാം വാർഷിക സമ്മേളനം സർക്കാരിനോട് ആവശ്യപ്പെട്ടു.
ബ്ലോക്ക് പ്രസിഡന്റ് എം.ടി. വർഗ്ഗീസ് അധ്യക്ഷത വഹിച്ചു.
ഇരിങ്ങാലക്കുട നഗരസഭ ചെയർപേഴ്സൺ മേരിക്കുട്ടി ജോയ് സമ്മേളനം ഉദ്ഘാടനം ചെയ്തു.
ജില്ലാ വൈസ് പ്രസിഡന്റ് ജോയ് മണ്ഡലത്തിൽ സംഘടനാ റിപ്പോർട്ടും, ബ്ലോക്ക് സെക്രട്ടറി ഉത്തമൻ പാറയിൽ ബ്ലോക്ക് റിപ്പോർട്ടും അവതരിപ്പിച്ചു.
ബ്ലോക്ക് ഖജാൻജി കെ.ജി. സുബ്രഹ്മണ്യൻ വരവു ചെലവു കണക്കുകളും ബഡ്ജറ്റും അവതരിപ്പിച്ചു.
ജില്ലാ ജോയിന്റ് സെക്രട്ടറി എം.കെ. ഗോപിനാഥൻ, ജില്ലാ കമ്മിറ്റി അംഗം എം.കെ. കാളിക്കുട്ടി, ഇ.ജെ. ക്ലീറ്റസ്, പി.കെ. യശോധരൻ എന്നിവർ പ്രസംഗിച്ചു.
