IRINJALAKUDA TIMES
അമ്മിണി
ഇരിങ്ങാലക്കുട : പുല്ലൂർ ചേർപ്പുംകുന്ന് കോക്കാട്ടിൽ വീട്ടിൽ പരേതനായ വലിയപേങ്ങൻ ഭാര്യ അമ്മിണി (85) നിര്യാതയായി.
കർഷക തൊഴിലാളി യൂണിയൻ അംഗമാണ്.
സംസ്കാരം നടത്തി.
മക്കൾ : രവീന്ദ്രൻ, രുഗ്മിണി, ശശിധരൻ, കൃഷ്ണൻ, സുഭാഷ്
മരുമക്കൾ : വനജ, അംബിക, അനിത, അംബിക, പരേതനായ ശശിധരൻ
ഇരിങ്ങാലക്കുട : കണ്ഠേശ്വരം കെ.എസ്.ആർ.ടി.സി. റോഡ് റസിഡൻ്റ്സ് അസോസിയേഷൻ വാർഷിക പൊതുയോഗം നടത്തി.
യോഗത്തിൽ ടി. ഉണ്ണികൃഷ്ണൻ (പ്രസിഡൻ്റ്), സുധാകരൻ നായർ (വൈസ് പ്രസിഡൻ്റ്), രഘു തെക്കൂട്ട് (സെക്രട്ടറി), ഗീത (ജോയിൻ്റ് സെക്രട്ടറി), ഉണ്ണികൃഷ്ണൻ ടി. മേനോൻ (ട്രഷറർ), സി. മോഹൻദാസ്, മുരളീധരൻ, ഗീത പുതുമന, ബിജിമോൾ ബിജു, സിന്ധു പ്രസന്നൻ, സൗമ്യ, സോമശേഖരൻ, ദീപ മനോജ് (എക്സിക്യൂട്ടീവ് മെമ്പർമാർ), അജിത്കുമാർ (ഓഡിറ്റർ) എന്നിവർ അടങ്ങിയ പുതിയ ഭരണസമിതിയെ തിരഞ്ഞെടുത്തു.
ഇരിങ്ങാലക്കുട : സെന്റ് ജോസഫ്സ് കോളെജിലെ പൂർവ്വ വിദ്യാർഥിനി സംഗമം പത്മഭൂഷൺ ഫാ. ഗബ്രിയേൽ സെമിനാർ ഹാളിൽ നടന്നു.
കോളെജ് പ്രിൻസിപ്പൽ ഡോ. സി. ബ്ലെസി ഉദ്ഘാടനം ചെയ്തു.
ചടങ്ങിൽ തൃശൂർ മേയറും പൂർവ്വ വിദ്യാർഥിനിയുമായ ഡോ. നിജി ജെസ്റ്റിൻ (1987), തദ്ദേശ സ്വയംഭരണ ഇലക്ഷനിൽ വിജയികളായ പൂർവ്വ വിദ്യാർഥികളായ ഡോ. സി.ബി. ഷക്കീല, രഹ്ന ഉണ്ണികൃഷ്ണൻ, അഞ്ജന ശ്രീധരൻ എന്നിവരെയും കലാലയത്തിൽ നിന്നും പഠനം പൂർത്തിയാക്കിയതിൻ്റെ സിൽവർ, സുവർണ്ണ നിറവിൽ ആയിരിക്കുന്നവരെയും മുൻ വർഷങ്ങളിൽ കലാലയത്തിന്റെ ചെയർപേഴ്സൺ ആയിരുന്നവരെയും ആദരിച്ചു.
1992- 1995 വർഷങ്ങളിൽ ഇംഗ്ലീഷ് ഡിപ്പാർട്മെന്റിലെ പൂർവ്വ വിദ്യാർഥിനിയും മികച്ച കലാകാരിയും കൂടിയായ ഡോ. കവിത ബാലകൃഷ്ണന് മികച്ച പൂർവ വിദ്യാർഥിനിക്കുള്ള അവാർഡ് നൽകി.
കലാലയത്തിലെ പഠനത്തിനുശേഷം സന്യസ്ത ജീവിതം ആശ്ലേഷിച്ച 26 സിസ്റ്റേഴ്സിനെയും മറ്റ് പ്രധാന നേട്ടങ്ങൾ കൈവരിച്ച അലുമിനെ അംഗങ്ങളെയും മീറ്റിംഗിൽ ആദരിച്ചു.
1976 സുവോളജി വിഭാഗത്തിലെ ഗീത ഗോപാലകൃഷ്ണൻ്റെ ‘വെറും ഒരു നിമിത്തം മാത്രം’ എന്ന പുസ്തകം പ്രകാശനം ചെയ്യുകയും മുൻ അലുമിനെ പ്രസിഡൻ്റ് സുധ രാധാകൃഷ്ണന്റെ നേതൃത്വത്തിൽ ഗാനാലാപനം സംഘടിപ്പിച്ചു.
2025- 2026 അധ്യയന വർഷം കോളെജിൽ നിന്ന് വിരമിക്കുന്ന ഓഫീസ് സൂപ്പർ ഇൻ്റൻ്റെൻ്റ് ജ്യോതി, 2024- 2025 വർഷത്തിൽ യു.എ.ഇ.യിൽ നടന്ന ഇൻ്റർനാഷണൽ അലുമിനെ മീറ്റ് സംഘടിപ്പിക്കുവാൻ നേതൃത്വം ഏറ്റെടുത്തവരെയും കോർഡിനേറ്റർ സുജിത ദീപുവിനെയും ആദരിച്ചു.
സുവോളജി വിഭാഗം പ്രൊഫ. ജിജി പൗലോസ്, അലുമിനെ പ്രതിനിധി തുടങ്ങിയവർ പ്രസംഗിച്ചു.
അലുമിനെ പ്രസിഡൻ്റ് ടെസ്സി വർഗ്ഗീസ് സ്വാഗതവും സെക്രട്ടറി ഷാജിത ബഷീർ നന്ദിയും പറഞ്ഞു.
ഇരിങ്ങാലക്കുട : ഒളിമ്പ്യൻ ഒ. ചന്ദ്രശേഖരൻ സ്മാരക ഫുട്ബോൾ ടൂർണമെന്റ് ജേതാക്കളായി ഗോകുലം എഫ്സി.
തുടർച്ചയായ ആക്രമണവും പ്രത്യാക്രമണവും നിറഞ്ഞ ആവേശകരമായ പോരാട്ടമായിരുന്നു ഫൈനലിൽ നടന്നത്.
ഗോകുലം എഫ്സി വേഗതയും സാങ്കേതിക മികവും ആവേശവും പ്രകടിപ്പിച്ചപ്പോൾ അനുഭവസമ്പത്തും ശാരീരികശേഷിയും ഉള്ള കേരള പൊലീസ് ടീമും ശാസ്ത്രീയമായ കളിയും തന്ത്രപരമായ പക്വതയും പ്രകടിപ്പിച്ചു.
ഇരു ടീമുകളുടെയും വ്യത്യസ്തമായ കളിശൈലികൾ ഫുട്ബോൾ പ്രേമികൾക്ക് ഏറെ ആസ്വാദ്യകരമായി.
മത്സരത്തിന്റെ ആദ്യ മിനിറ്റിൽ തന്നെ ഗോകുലം എഫ്സി ആദ്യ ഗോൾ നേടി മുൻതൂക്കം സ്വന്തമാക്കി. തുടർന്ന് രണ്ടാം ഗോൾ കൂടി നേടി.
ആദ്യ പകുതിയുടെ അവസാന ഘട്ടത്തിൽ കേരള പൊലീസ് ഒരു ഗോൾ തിരിച്ചടിച്ച് സ്കോർ 2–1 ആയി കുറച്ചു.
രണ്ടാം പകുതിയിലും ശക്തമായ മത്സരമാണ് നടന്നത്.
ഇരുടീമുകളും നിരവധി ഗോൾ അവസരങ്ങൾ സൃഷ്ടിച്ചെങ്കിലും ഗോളാക്കി മാറ്റാൻ സാധിച്ചില്ല. കടുത്ത പോരാട്ടത്തിന് ശേഷം ഗോകുലം എഫ്സി വിജയിച്ച് ഒളിമ്പ്യൻ ഒ. ചന്ദ്രശേഖരൻ സ്മാരക ഫുട്ബോൾ ടൂർണമെന്റിന്റെ കിരീടം സ്വന്തമാക്കി.
മികച്ച ഗോൾകീപ്പറായി ജി. കെ. ബിഷോർജിത് (ഗോകുലം എഫ്സി), മികച്ച പ്രതിരോധ താരമായി അതുൽ കൃഷ്ണ (ഗോകുലം എഫ്സി), മികച്ച മിഡ്ഫീൽഡറായി ജംഷീദ് (കേരള പൊലീസ്), മികച്ച ഫോർവേഡറായി ബാബിൾ (കേരള പൊലീസ്), ടൂർണമെന്റിലെ മികച്ച താരമായി മോസസ് (ഗോകുലം എഫ്സി), ഫൈനലിലെ ആദ്യ ഗോൾ നേടിയ അക്ഷുമ്മ (ഗോകുലം എഫ്സി), മികച്ച ടീം ആയി പി.എഫ്.സി. കേരള
എന്നിവിരെയും തെരഞ്ഞെടുത്തു.
ഇരിങ്ങാലക്കുട : ആനന്ദപുരം ശ്രീകൃഷ്ണ ഹയർ സെക്കണ്ടറി സ്കൂളിൽ റിപ്പബ്ലിക്ക് ദിനാഘോഷത്തോടനുബന്ധിച്ച് ഹെഡ്മാസ്റ്റർ ടി. അനിൽകുമാർ പതാക ഉയർത്തി.
പ്രിൻസിപ്പൽ കെ.പി. ലിയോ റിപ്പബ്ലിക്ക് ദിന സന്ദേശം നൽകി.
പി.ടി.എ. പ്രസിഡൻ്റ് ശ്രീജിത്ത് പട്ടത്ത്, മാനേജ്മെൻ്റ് പ്രതിനിധി എ.എൻ. വാസുദേവൻ, എസ്.പി.സി. ട്രെയിനർ വി.വി. സതീഷ്, അധ്യാപകരായ ബി. ബിജു, സംഗീത ചന്ദ്രൻ എന്നിവർ ആശംസകൾ നേർന്നു.
തുടർന്ന് നടന്ന റിപ്പബ്ലിക്ക് ദിന റാലിയിൽ എസ്.പി.സി., എൻ.എസ്.എസ്. വൊളൻ്റിയർമാർ പങ്കെടുത്തു.
പരേഡിന് അധ്യാപകരായ ബിനു ജി. കുട്ടി, ആൻ സോണിയ സണ്ണി എന്നിവർ നേതൃത്വം നൽകി.
ഇരിങ്ങാലക്കുട : നഗരസഭയുടെ ആഭിമുഖ്യത്തിൽ നടന്ന റിപ്പബ്ലിക് ദിനാഘോഷത്തിൽ വൈസ് ചെയർപേഴ്സൺ ചിന്ത ധർമ്മരാജൻ ദേശീയ പതാക ഉയർത്തി റിപ്പബ്ലിക് ദിന സന്ദേശം നൽകി.
വികസനകാര്യ സ്റ്റാൻഡിങ് കമ്മിറ്റി ചെയർമാൻ വി.സി. വർഗ്ഗീസ് സ്വാഗതവും നഗരസഭ സെക്രട്ടറി എം.എച്ച്. ഷാജിക് നന്ദിയും പറഞ്ഞു.
ചടങ്ങിൽ കൗൺസിലർമാരും നഗരസഭ ജീവനക്കാരും എൻ.സി.സി. കേഡറ്റുകളും പങ്കെടുത്തു.
ഇരിങ്ങാലക്കുട : കൊമ്പൊടിഞ്ഞാമാക്കൽ ലയൺസ് ക്ലബ്ബ് ഇന്റർനാഷണൽ പി.എൽ. തോമസ് മെമ്മോറിയൽ ചാരിറ്റബിൾ ട്രസ്റ്റ്, ഐ ഫൗണ്ടേഷൻ ഹോസ്പിറ്റൽ എന്നിവർ സംയുക്തമായി പ്രമേഹ നിർണയ, നേത്ര പരിശോധന – തിമിര ശസ്ത്രക്രിയ ക്യാമ്പ് സംഘടിപ്പിച്ചു.
ക്യാമ്പ് ലയൺസ് ക്ലബ്ബ് ഡിസ്ട്രിക്ട് മെഡിക്കൽ ക്യാമ്പ് കോർഡിനേറ്റർ ജോൺസൺ കോലങ്കണ്ണി ഉദ്ഘാടനം ചെയ്തു.
ക്ലബ്ബ് പ്രസിഡൻ്റ് അഡ്വ. എം.എസ്. രാജേഷ് അധ്യക്ഷത വഹിച്ചു.
സെക്രട്ടറി എം.സി. പ്രദീപ്, ട്രഷറർ ജെയ്സൺ മൂഞ്ഞേലി, മോളി ജോൺസൺ, ഹോസ്പിറ്റൽ കോർഡിനേറ്റർ ശിവൻ നെന്മാറ എന്നിവർ പങ്കെടുത്തു.
ഇരിങ്ങാലക്കുട : ഇരിങ്ങാലക്കുട നഗരസഭ കൃഷിഭവന്റെ ആഭിമുഖ്യത്തിൽ കൈപ്പള്ളിത്തറ- കക്കാട് പാടശേഖര സമിതിയുടെ സഹകരണത്തോടുകൂടി “പത്രപോഷണം” പദ്ധതി പ്രകാരം കൈപ്പള്ളിത്തറ – കക്കാട് പാടശേഖരത്തിലെ നെൽകൃഷിക്ക് ഡ്രോൺ ഉപയോഗിച്ച് ‘സമ്പൂർണ്ണ’ സൂക്ഷ്മമൂലക വളപ്രയോഗം നടത്തി.
24 സെവൻ സ്റ്റാർട്ടപ്പ് കമ്പനിയുടെ ഡ്രോൺ ഉപയോഗിച്ച് നടപ്പിലാക്കിയ സ്പ്രേയിങ് പദ്ധതിയുടെ ഉദ്ഘാടനം പാടശേഖര സമിതി പ്രസിഡന്റ് കെ.വി. ജോഷി നിർവഹിച്ചു.
സമിതി സെക്രട്ടറി വേണു തോട്ടുങ്ങൽ അധ്യക്ഷത വഹിച്ചു.
സമിതി അംഗങ്ങളായ പി.കെ. രാജൻ, കെ.എസ്. അപ്പു, കൃഷി അസിസ്റ്റന്റ് പി.എസ്. വിജയകുമാർ, കർഷകർ എന്നിവർ പങ്കെടുത്തു.
പദ്ധതി പ്രകാരം 30 ഏക്കർ നെൽകൃഷിയിലാണ് കൃഷിവകുപ്പ് ലഭ്യമാക്കിയ ഫണ്ട് ഉപയോഗപ്പെടുത്തി കേരള കാർഷിക സർവകലാശാല വികസിപ്പിച്ചെടുത്ത “സമ്പൂർണ്ണ” സൂക്ഷ്മ മൂലക മിശ്രിതം ഡ്രോൺ മുഖേന സ്പ്രേ ചെയ്തത്.
തൃശൂർ : വിളകളുടെ പ്രദേശിക വാദം തെറ്റാണെന്ന് തെളിയിക്കുന്ന കൃഷി കഥകളാണ് വിയ്യൂർ സെൻട്രൽ ജയിലിൽ നിന്നും കേൾക്കുന്നത്.
ജയിൽ കിച്ചണിലേക്ക് വാങ്ങിയ ഉള്ളിയിൽ നിന്നും മുള വന്നു തുടങ്ങിയ 8 കിലോ ഉള്ളി വിത്തായി ഉപയോഗിച്ചാണ് ഉള്ളി കൃഷി തുടങ്ങി. ഏകദേശം 90 ദിവസത്തെ പരിപാലനം. ചാണകപ്പൊടിയും ദിവസേനയുള്ള നനയും മാത്രം. ഇതിൽ നിന്നു ലഭിച്ച വിളവാണ് ഞെട്ടിച്ചത്; ഏകദേശം100 കിലോഗ്രാം.
വിളവെടുപ്പ് ജോ. സൂപ്രണ്ട് എ. നസീം നിർവഹിച്ചു.
അസിസ്റ്റൻ്റ് സൂപ്രണ്ടുമാരായ സുരേഷ്, ഷാജി, ഗംഗാധരൻ എന്നിവരും പങ്കെടുത്തു.
ഇതേ സമയത്ത് തന്നെ വിളവിറക്കിയ കടുക് കൃഷിയും മോശമായില്ല. 200 ഗ്രാം വിത്തെറിഞ്ഞ് ഒന്നര കിലോഗ്രാം വിളവ് കൊയ്തു.
ഇരിങ്ങാലക്കുട : പാറേക്കാട്ടുകര സെൻ്റ് മേരീസ് ദൈവാലയത്തിലെ പരിശുദ്ധ കന്യകാമറിയത്തിൻ്റെയും
വി. സെബസ്ത്യാനോസിൻ്റെയും സംയുക്ത തിരുനാളിനോടനുബന്ധിച്ചുള്ള പ്രസുദേന്തി വാഴ്ചയ്ക്കും, കൂടു തുറക്കൽ ശുശ്രൂഷയ്ക്കും ഫാ. സജി പൊൻമിനിശ്ശേരി മുഖ്യകാർമ്മികത്വം വഹിച്ചു.
ഫാ. ഡേവിസ് തോട്ടാപ്പിള്ളി, വികാരി ഫാ. ജെയ്സൻ പാറേക്കാട്ട് എന്നിവർ സഹകാർമ്മികത്വം വഹിച്ചു.
