നിഖിൽ
ഇരിങ്ങാലക്കുട : പുല്ലൂർ അമ്പലനട നാരാട്ടിൽ വീട്ടിൽ രാജപ്പൻ മകൻ നിഖിൽ (35) നിര്യാതനായി.
സംസ്കാരം സെപ്റ്റംബർ 7 (ഞായറാഴ്ച) രാവിലെ 10 മണിക്ക് മുക്തിസ്ഥാനിൽ.
അമ്മ : ഷൈല
ഭാര്യ : ഗായത്രി(നഴ്സ്, മെറീന ആശുപത്രി ഇരിങ്ങാലക്കുട)
മകൻ : അനിരുദ്
പ്രതിബദ്ധത ജനങ്ങളോട് മാത്രം….
IRINJALAKUDA TIMES
മതവിജ്ഞാന സദസ്സും നബിദിനാഘോഷവും നടത്തി
ഇരിങ്ങാലക്കുട : കടലായി മഹല്ല് നബിദിനാഘോഷ സ്വാഗത സംഘത്തിൻ്റെ ആഭിമുഖ്യത്തിൽ മതവിജ്ഞാന സദസ്സും നബിദിനാഘോഷവും നടത്തി.
ആഘോഷത്തോടനുബന്ധിച്ച് നടത്തിയ പൊതുസമ്മേളനം മഹല്ല് ലത്തീബ് എം.എ. ഫാജിഷ് അസ്ഹരി ഉദ്ഘാടനം ചെയ്തു.
സ്വാഗതസംഘം ചെയർമാൻ സി.യു. ഇസ്മായിൽ അധ്യക്ഷത വഹിച്ചു.
മാടായിക്കോണം ഗ്രാമീണ വായനശാലയ്ക്ക് പുസ്തകങ്ങൾ നൽകി മന്ത്രി ഡോ. ആർ. ബിന്ദു
ഇരിങ്ങാലക്കുട : മന്ത്രി ഡോ. ആർ. ബിന്ദുവിന്റെ 2024- 25 വർഷത്തെ പ്രത്യേക വികസന ഫണ്ടിൽ നിന്നും 50,000 രൂപ അനുവദിച്ച് വാങ്ങിയ 300 പുസ്തകങ്ങൾ മാടായിക്കോണം ഗ്രാമീണ വായനശാലയ്ക്ക് കൈമാറി.
വായനശാല പ്രസിഡൻ്റ് ആർ.എൽ. ജീവൻലാൽ അധ്യക്ഷത വഹിച്ചു.
ചടങ്ങിൽ പ്രശസ്ത
കായികാധ്യാപകനും ഇന്ത്യൻ ആർച്ചറി ടീമിന്റെ കായിക മനഃശ്ശാസ്ത്രജ്ഞനും എഴുത്തുകാരനുമായ ഡോ. സോണി ജോൺ, കവിയും നോവലിസ്റ്റുമായ കൃഷ്ണകുമാർ മാപ്രാണം, യുവ കവയിത്രി പി.വി. സിന്ധു എന്നിവരെ മന്ത്രി ആദരിച്ചു.
മുകുന്ദപുരം താലൂക്ക് ലൈബ്രറി കൗൺസിൽ സെക്രട്ടറി കെ.ജി. മോഹനൻ മാസ്റ്റർ, നഗരസഭ സ്റ്റാൻഡിങ് കമ്മിറ്റി ചെയർമാൻമാരായ
സി.സി. ഷിബിൻ, അംബിക പള്ളിപ്പുറത്ത് എന്നിവർ ആശംസകൾ നേർന്നു.
വായനശാലാ സെക്രട്ടറി എം.ബി. രാജു സ്വാഗതവും ലൈബ്രേറിയൻ അഖിൽ സി. ബാലൻ നന്ദിയും പറഞ്ഞു.
പട്ടേപ്പാടത്ത് നബിദിനാഘോഷം നടത്തി
ഇരിങ്ങാലക്കുട : പട്ടേപ്പാടം ടൗൺ മസ്ജിദിൻ്റെ നേതൃത്വത്തിൽ നബിദിനാഘോഷം നടത്തി.
മസ്ജിദ് പ്രസിഡൻ്റ് സലീം കാലടി പതാക ഉയർത്തി.
തുടർന്ന് മദ്രസ്സ വിദ്യാർഥികളുടെയും പൂർവ്വ വിദ്യാർഥികളുടെയും ദഫ്മുട്ട് അകമ്പടിയോടെ ഘോഷയാത്ര അരങ്ങേറി.
ഘോഷയാത്രയ്ക്ക് പ്രസിഡൻ്റ് സലീം കാലടി, സെക്രട്ടറി മുജീബ് കൊടകരപറമ്പിൽ, കമ്മിറ്റി അംഗങ്ങളായ ബീരാസാ കൊടകരപറമ്പിൽ, മുസ്തഫ കൊടകരപറമ്പിൽ, സലീം വലിയകത്ത്, ഷജീർ കൊടകരപറമ്പിൽ, അലി കണ്ണാംകുളം, ഷാജു കായംകുളം, മുനീർ ചീനിക്കാപ്പുറത്ത്, ഷമീർ തരുപീടികയിൽ, സൈനുദ്ദീൻ എന്നിവർ നേതൃത്വം നൽകി.
ഇരിങ്ങാലക്കുടയിൽ നബിദിന റാലി നടത്തി
ഇരിങ്ങാലക്കുട : മുസ്ലിം ജമാഅത്ത് കമ്മിറ്റിയുടെ ആഭിമുഖ്യത്തിൽ ഇരിങ്ങാലക്കുടയിൽ നബിദിന റാലി നടത്തി.
ഇരിങ്ങാലക്കുട മഹല്ല് പ്രസിഡന്റ് പി.എ. ഷഹീർ റാലി ഉദ്ഘാടനം ചെയ്തു.
ടൗൺ ജുമാ മസ്ജിദ് സീനിയർ ചീഫ് ഇമാം പി.എൻ.എ. കബീർ മൗലവി, കാട്ടുങ്ങച്ചിറ ജുമാമസ്ജിദ് ചീഫ് ഇമാം അൻഷിദ് മൗലവി, ടൗൺ ജുമാമസ്ജിദ് ചീഫ് ഇമാം അൻവർ മൗലവി, കാട്ടുങ്ങച്ചിറ ജുമാമസ്ജിദ് ഇമാം അഷറഫ് ബാഖവി, മഹല്ല് സെക്രട്ടറി വി.കെ. റാഫി എന്നിവർ പ്രസംഗിച്ചു.
ഇരിങ്ങാലക്കുട ഠാണാ പള്ളിയിൽ നിന്നും ആരംഭിച്ച നബിദിന റാലി കാട്ടുങ്ങച്ചിറ ജുമാമസ്ജിദ് അങ്കണത്തിൽ അവസാനിച്ചു.
തുടർന്ന് മൗലീദ് പാരായണവും അന്നദാനവും നടന്നു.
യാത്രയയപ്പ് സമ്മേളനം നടത്തി
ഇരിങ്ങാലക്കുട : സർവ്വീസ് സഹകരണ ബാങ്കിൽ നിന്നും റിട്ടയർ ചെയ്യുന്ന സെക്രട്ടറി പി.ജെ. റൂബിക്ക് ഭരണസമിതിയും ബാങ്ക് ജീവനക്കാരും ചേർന്ന് യാത്രയയപ്പ് നൽകി.
സമ്മേളനം ബാങ്ക് പ്രസിഡൻ്റ് വിജയൻ ഇളയേടത്ത് ഉദ്ഘാടനം ചെയ്തു.
സെക്രട്ടറി ഇൻ ചാർജ്ജ് കെ.ജി. ജിഷ പ്രസംഗിച്ചു.
ഭരണസമിതി അംഗങ്ങളായ കെ.ജെ. അഗസ്റ്റിൻ, വി.പി. രാധാകൃഷ്ണൻ, സുനിത പരമേശ്വരൻ, വിവിധ ബ്രാഞ്ച് മാനേജർമാരായ എം.ബി. നൈജിൽ, സുധ ജയൻ, സീമ ഭരതൻ, ജാക്ലിൻ ബാബു, രശ്മി സജൻ, സൗമ്യ രാജേഷ്, ശരത് രാജൻ, ജെയിൻ ജോർജ്ജ്, കെ.എസ്. അസറുദ്ദീൻ എന്നിവർ ആശംസകൾ നേർന്നു.
ബാങ്ക് വൈസ് പ്രസിഡൻ്റ് കെ.എം. ധർമ്മരാജൻ സ്വാഗതവും, ഭരണസമിതി അംഗം എ. ഇന്ദിര നന്ദിയും പറഞ്ഞു.
സഹകരണ അസിസ്റ്റന്റ് രജിസ്ട്രാർ ഓഫീസിന് മുന്നിൽ കേരള എംപ്ലോയീസ് കോ- ഓപ്പറേറ്റീവ് ഫ്രണ്ട് യൂണിയൻ്റെ ധർണ്ണ
ഇരിങ്ങാലക്കുട : കേരളത്തിലെ സഹകരണ മേഖലയെ അനുദിനം തകർത്തുകൊണ്ടിരിക്കുന്ന സംസ്ഥാന സർക്കാർ നയങ്ങൾക്കെതിരെയും സഹകരണ ജീവനക്കാരുടെ ആനുകൂല്യങ്ങൾ നിഷേധിക്കുന്ന നിലപാടുകൾക്കെതിരെയും പ്രതിഷേധം അറിയിച്ചു കൊണ്ട് കേരള എംപ്ലോയീസ് കോ- ഓപ്പറേറ്റീവ് ഫ്രണ്ട് യൂണിയൻ മുകുന്ദപുരം താലൂക്ക് കമ്മിറ്റിയുടെ നേതൃത്വത്തിൽ അസിസ്റ്റന്റ് രജിസ്ട്രാർ ഓഫീസിന് മുന്നിൽ ധർണ്ണ സംഘടിപ്പിച്ചു.
ധർണ്ണ ഡിസിസി ജനറൽ സെക്രട്ടറി ആന്റോ പെരുമ്പിള്ളി ഉദ്ഘാടനം ചെയ്തു.
താലൂക്ക് പ്രസിഡന്റ് ഇ.എസ്. സജീഷ് അധ്യക്ഷത വഹിച്ചു.
സെക്രട്ടറി എം.ബി. നൈജിൽ സ്വാഗതവും ജില്ലാ കമ്മിറ്റി അംഗങ്ങളായ അസറുദ്ദീൻ കളക്കാട്ട്, സൗമ്യ, ഷാജി, രാജേഷ് കോമരത്ത് എന്നിവർ ആശംസകൾ അർപ്പിച്ചു.
സുജിത്, ലിനേഷ്, മനോജ്, രാജേന്ദ്രൻ, ശിവകുമാർ എന്നിവർ നേതൃത്വം നൽകി.
നിപ്മറിലെ ഭിന്നശേഷി വിദ്യാർഥികൾക്ക് ഓണക്കോടി സമ്മാനിച്ച് മന്ത്രി ഡോ. ആർ. ബിന്ദു
ഇരിങ്ങാലക്കുട : ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രിക്കായി ഓണാശംസാ കാർഡുകൾ ഒരുക്കി നൽകിയ നിപ്മറിലെ വിദ്യാർഥികൾക്ക് ഓണക്കോടിയും മധുരവും സമ്മാനിച്ച് മന്ത്രി ഡോ. ആർ. ബിന്ദു.
ചണം, വർണ്ണക്കടലാസുകൾ, മുത്തുമണികൾ എന്നിവ ഉപയോഗിച്ച് നിപ്മറിലെ എം-വൊക്ക് വിദ്യാർഥികൾ ആകർഷകമായ ആയിരം ആശംസാ കാർഡുകൾ നിർമ്മിച്ച് മന്ത്രിക്ക് സമ്മാനിച്ചിരുന്നു.
ഇത്തവണ മുഖ്യമന്ത്രി, മറ്റു മന്ത്രിമാർ, ജനപ്രതിനിധികൾ തുടങ്ങിയവർക്കെല്ലാം ഈ ആശംസാ കാർഡുകളാണ് മന്ത്രി ബിന്ദു അയച്ചത്. വിദ്യാർഥികളുടെ ഈ പ്രവൃത്തി പ്രത്യേകം പ്രശംസ നേടുകയും ചെയ്തിരുന്നു.
ഓണം മന്ത്രിയോടൊപ്പം ആഘോഷിക്കാൻ അവർ എത്തിയപ്പോൾ സ്നേഹ സമ്മാനമായി മന്ത്രി അവർക്ക് ഓണക്കോടിയും മധുരവും നൽകി.
ഭിന്നശേഷിക്കാരായ കുട്ടികളെ തൊഴിൽ പരിശീലനം നൽകി സ്വന്തം കാലിൽ നിൽക്കാൻ പ്രാപ്തരാക്കുന്ന പദ്ധതിയാണ് “എംപവർമെന്റ് ത്രൂ വൊക്കേഷണലൈസേഷൻ”. അതിലെ സർഗ്ഗാവിഷ്കാരമാണ് വിദ്യാർഥികളൊരുക്കിയ സുന്ദരങ്ങളായ കാർഡുകൾ.
വിദ്യാർഥികൾ മാവേലിയുടെയും വാമനന്റെയും വേഷത്തോടുകൂടിയാണ് മന്ത്രിയെ കാണാൻ എത്തിയത്. ഓണപ്പാട്ട് പാടിയും ഒത്തൊരുമയോടെ കളിച്ചും രസിച്ചും മന്ത്രി ആർ. ബിന്ദു അവരെ സ്വീകരിച്ചു.
നിപ്മർ ഡയറക്ടർ ചന്ദ്രബാബുവും അധ്യാപകരും കൂടെയുണ്ടായിരുന്നു.
കർഷകമിത്ര പുരസ്കാര ജേതാവിനെ ആദരിച്ച് സംസ്കാരസാഹിതി
ഇരിങ്ങാലക്കുട : ജില്ലാ കൃഷിവകുപ്പിന്റെ കർഷകമിത്ര പുരസ്കാരം നേടിയ അംബുജാക്ഷൻ മുത്തിരിത്തിപ്പറമ്പിലിനെ സംസ്കാരസാഹിതി വേളൂക്കര മണ്ഡലം കമ്മിറ്റി ആദരിച്ചു.
ഡിസിസി ജനറൽ സെക്രട്ടറിയും സംസ്കാരസാഹിതി ജില്ലാ കമ്മിറ്റി അംഗവുമായ സോണിയ ഗിരി മൊമെന്റോ നൽകി.
വേളൂക്കര മണ്ഡലം പ്രസിഡൻ്റ് ശ്രീകുമാർ ചക്കമ്പത്ത് അധ്യക്ഷനായിരുന്നു.
നിയോജകമണ്ഡലം ചെയർമാൻ അരുൺ ഗാന്ധിഗ്രാം “എൻ്റെ സത്യാന്വേഷണ പരീക്ഷണങ്ങൾ”, “ആദൂർ കവിതകൾ” എന്നീ പുസ്തകങ്ങൾ പുരസ്കാര ജേതാവിന് സമ്മാനിച്ചു.
നിയോജക മണ്ഡലം സെക്രട്ടറി സദറു പട്ടേപ്പാടം, മണ്ഡലം കൺവീനർ ഷംല ഷാനവാസ്, സെക്രട്ടറി സുനിലത്ത് ഫിറോസ്, ഫെഡറിക്ക്, ഹഫ്സ ജലാൽ, റാഫി മൂശ്ശേരിപ്പറമ്പിൽ, കിക്കിലി ഫ്രെഡറിക് എന്നിവർ പ്രസംഗിച്ചു.
കാട്ടൂരിൽ ഓണസന്ദേശ കുടുംബ സംഗമവും വീട്ടമ്മമാർക്ക് ഓണപ്പുടവ വിതരണവും നടത്തി കോൺഗ്രസ്
ഇരിങ്ങാലക്കുട : കോൺഗ്രസ് കാട്ടൂർ മണ്ഡലം 8-ാം വാർഡ് കമ്മിറ്റിയുടെ ആഭിമുഖ്യത്തിൽ ഓണസന്ദേശ കുടുംബ സംഗമവും വാർഡിലെ വീട്ടമ്മമാർക്ക് ഓണപ്പുടവ വിതരണവും നടത്തി.
വാർഡ് പ്രസിഡന്റ് സലിം എടക്കാട്ടുപറമ്പിൽ അധ്യക്ഷത വഹിച്ചു.
കുടുംബസംഗമം ഡിസിസി സെക്രട്ടറി ശോഭ സുബിൻ ഉദ്ഘാടനം ചെയ്തു.
മണ്ഡലം പ്രസിഡന്റ് എ.പി. വിൽസൻ, മഹിള കോൺഗ്രസ് സംസ്ഥാന സെക്രട്ടറി രാജലക്ഷ്മി കുറുമാത്ത്, യൂത്ത് കോൺഗ്രസ് ജില്ലാ സെക്രട്ടറി ഷെറിൻ തേർമഠം, കാട്ടൂർ സഹകരണ ബാങ്ക് പ്രസിഡന്റ് ജോമോൻ വലിയവീട്ടിൽ, മുൻ മണ്ഡലം പ്രസിഡന്റ് ഹൈദ്രോസ് തുടങ്ങിയവർ ആശംസകൾ നേർന്നു.
മണ്ഡലം വൈസ് പ്രസിഡന്റ് ജയ്ഹിന്ദ് രാജൻ സ്വാഗതവും മണ്ഡലം സെക്രട്ടറി ദേവദാസ് തളിയപ്പറമ്പിൽ നന്ദിയും പറഞ്ഞു.
കുടുംബസംഗമത്തിൽ പങ്കെടുത്ത നൂറ്റിഅമ്പതോളം വീട്ടമ്മമാർക്ക് ഓണപ്പുടവ സമ്മാനിച്ചു.
