IRINJALAKUDA TIMES
ഫിലോമിന
ഇരിങ്ങാലക്കുട : വെളയനാട് കാനംകുടം പരേതനായ അന്തോണി ഭാര്യ ഫിലോമിന (89) നിര്യാതയായി.
സംസ്കാരം വെള്ളിയാഴ്ച (ഫെബ്രുവരി 28) വൈകീട്ട് 4 മണിക്ക് വെളയനാട് സെൻ്റ്. മേരീസ് ദേവാലയ സെമിത്തേരിയിൽ.
മക്കൾ : പരേതയായ എൽസി, മേരി, വർഗ്ഗീസ്, ലൂസി, ഫാ. ജോസഫ് (ജർമനി)
മരുമക്കൾ : പരേതനായ അന്തോണി, ജോർജ്ജ്, ജെഗ്ഗി, ആൻ്റണി
ഇരിങ്ങാലക്കുട : സമരം ചെയ്യുന്ന ആശാവർക്കർമാർക്ക് ഐക്യദാർഢ്യം പ്രഖ്യാപിച്ച് മുരിയാട് മണ്ഡലം കോൺഗ്രസ് കമ്മിറ്റിയുടെയും മഹിളാ കോൺഗ്രസ് മണ്ഡലം കമ്മിറ്റിയുടെയും സംയുക്താഭിമുഖ്യത്തിൽ ആശാവർക്കർമാർക്കെതിരെയുള്ള സർക്കാർ ഉത്തരവ് കത്തിച്ച് പ്രതിഷേധിച്ചു.
മുരിയാട് പഞ്ചായത്ത് ഓഫീസിന് മുൻപിൽ നടന്ന പ്രതിഷേധ സമരം മഹിളാ കോൺഗ്രസ് ഇരിങ്ങാലക്കുട ബ്ലോക്ക് പ്രസിഡന്റ് മോളി ജേക്കബ് ഉദ്ഘാടനം ചെയ്തു.
മണ്ഡലം പ്രസിഡന്റ് സാജു പാറേക്കാടൻ അധ്യക്ഷത വഹിച്ചു.
ബ്ലോക്ക് വൈസ് പ്രസിഡന്റ് ശ്രീജിത്ത് പട്ടത്ത്, സെക്രട്ടറി എം.എൻ. രമേശ്, മഹിളാ കോൺഗ്രസ് മണ്ഡലം പ്രസിഡന്റ് തുഷം സൈമൺ, പഞ്ചായത്തംഗങ്ങളായ സേവ്യർ ആളൂക്കാരൻ, നിത അർജുനൻ, യൂത്ത് കോൺഗ്രസ് മണ്ഡലം പ്രസിഡന്റ് ജസ്റ്റിൻ ജോർജ്, സി.പി. ലോറൻസ്, സി.വി. ജോസ്, അനീഷ് കൊളത്തപ്പള്ളി, ഗോപിനാഥ് കളത്തിൽ, എൻ.പി. പോൾ, മുരളി തറയിൽ, പി.സി. ആൻ്റണി, കെ.പി. സദാനന്ദൻ, ഷാരി വീനസ്, സതി പ്രസന്നൻ, അഞ്ജു സുധീർ, ഗ്രേസി പോൾ, ജിനിത പ്രശാന്ത്, സംഗീത, ബാലചന്ദ്രൻ വടക്കൂട്ട്, ആശാവർക്കർ റെജി ആൻ്റു എന്നിവർ നേതൃത്വം നൽകി.
ഇരിങ്ങാലക്കുട : കേരള വാട്ടർ അതോറിറ്റി ഇരിങ്ങാലക്കുട പി.എച്ച്. ഡിവിഷൻ ഓഫീസിന്റെ കീഴിലുള്ള ചാലക്കുടി, മാള, നാട്ടിക, ഇരിങ്ങാലക്കുട എന്നീ സബ് ഡിവിഷനുകളുടെ കീഴിൽ വരുന്ന വെള്ളക്കരം കുടിശ്ശിക വരുത്തിയിട്ടുള്ള ഉപഭോക്താക്കൾ/ മീറ്റർ പ്രവർത്തനരഹിതമായിട്ടുള്ള ഉപഭോക്താക്കൾ മാർച്ച് 31ന് മുൻപായി വെള്ളക്കരം കുടിശ്ശിക അടയ്ക്കേണ്ടതും മീറ്റർ മാറ്റി വെക്കേണ്ടതുമാണെന്ന് ബന്ധപ്പെട്ടവർ അറിയിച്ചു.
അല്ലാത്തവരുടെ വാട്ടർ കണക്ഷനുകൾ വിച്ഛേദിക്കുന്നതും ജപ്തി നടപടികൾ സ്വീകരിക്കുന്നതുമാണെന്ന് കേരള വാട്ടർ അതോറിറ്റി ഇരിങ്ങാലക്കുട പി.എച്ച്. ഡിവിഷൻ എക്സിക്യൂട്ടീവ് എഞ്ചിനീയർ അറിയിച്ചു.
ഇരിങ്ങാലക്കുട : പൂമംഗലം കോൺഗ്രസ് മണ്ഡലം കമ്മിറ്റിയും മഹിളാ കോൺഗ്രസ് മണ്ഡലം കമ്മറ്റിയും സംയുക്തമായി ആശാവർക്കർമാർക്ക് ഐക്യദാർഢ്യം പ്രഖ്യാപിച്ച് പഞ്ചായത്ത് ഓഫീസിനു മുന്നിൽ ആശാവർക്കർമാർക്കെതിരായുള്ള സർക്കുലർ കത്തിച്ച് പ്രതിഷേധിച്ചു.
ബ്ലോക്ക് പഞ്ചായത്ത് മെമ്പർ രഞ്ജിനി അധ്യക്ഷത വഹിച്ചു.
കാട്ടൂർ ബ്ലോക്ക് കോൺഗ്രസ് വൈസ് പ്രസിഡന്റ് കെ.പി. സെബാസ്റ്റ്യൻ ഉദ്ഘാടനം ചെയ്തു.
വി.ആർ. പ്രഭാകരൻ, ടി.എസ്. പവിത്രൻ എന്നിവർ ആശംസകൾ അർപ്പിച്ചു.
പഞ്ചായത്ത് മെമ്പർ കത്രീന ജോർജ് സ്വാഗതവും മണ്ഡലം വൈസ് പ്രസിഡന്റ് അജി നന്ദിയും പറഞ്ഞു.
മഹിളാ കോൺഗ്രസ് പ്രസിഡന്റ് നിഷ ലാലു, വാർഡ് മെമ്പർമാരായ ലാലി, ജൂലി, ബ്ലോക്ക് കോൺഗ്രസ് സെക്രട്ടറി
ടി.ആർ. ഷാജു, മണ്ഡലം ഭാരവാഹികളായ പി.പി. ജോയ്, ജെയ്സൺ തുടങ്ങിയവർ പങ്കെടുത്തു.
ഇരിങ്ങാലക്കുട : സംസ്ഥാന ന്യൂനപക്ഷ ക്ഷേമവകുപ്പിൻ്റെ ആഭിമുഖ്യത്തിൽ
തൃശൂര്‍ ജില്ലാഭരണകൂടവും കൊടുങ്ങല്ലൂർ ന്യൂനപക്ഷ യുവജന പരിശീലന കേന്ദ്രവും സംയുക്തമായി ”പാസ്‌വേഡ് 2024-25” എന്ന പേരിൽ പുല്ലൂറ്റ് ഗവ. കെ.കെ.ടി.എം. കോളെജിലെ ന്യൂനപക്ഷ വിദ്യാർഥികൾക്കായി ഏകദിന വ്യക്തിത്വ വികസന കരിയർ ഗൈഡൻസ് ക്യാമ്പ് സംഘടിപ്പിച്ചു.
മുസിരിസ് കൺവെൻഷൻ സെൻ്ററിൽ നടന്ന ക്യാമ്പ് കൊടുങ്ങല്ലൂർ നഗരസഭ ആരോഗ്യ-വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർപേർസൺ ഷീല പണിക്കശ്ശേരി ഉദ്ഘാടനം ചെയ്തു.
കൊടുങ്ങല്ലൂർ തഹസിൽദാർ എം.ജെ. ജോസഫ് അധ്യക്ഷത വഹിച്ചു.
മൈനോറിട്ടി യൂത്ത് കോച്ചിംഗ് സെൻ്റർ പ്രിൻസിപ്പൽ ഡോ. കെ.കെ. സുലേഖ പദ്ധതി വിശദീകരണം നടത്തി.
ഐ.ക്യു.എ.സി. പ്രതിനിധി ഡോ. കൃഷ്ണകുമാർ ആശംസകൾ നേർന്നു.
പി.എ. സുധീർ മോട്ടിവേഷൻ ആൻഡ് കരിയർ ഗൈഡൻസ് സെഷനും വി.എ. നിസാമുദ്ദീൻ പേർസണാലിറ്റി ഡിവലപ്പ്മെൻ്റ് സെഷനും നേതൃത്വം നൽകി.
കോളെജ് പ്രിൻസിപ്പൽ പ്രൊഫ. ഡോ. ടി.കെ. ബിന്ദു ശർമിള സ്വാഗതവും ഡോ. കെ.കെ. മുഹമ്മദ് ബഷീർ നന്ദിയും പറഞ്ഞു.
ഡെപ്യൂട്ടി തഹസിൽദാർ ശ്യാമള, മുൻ പ്രിൻസിപ്പൽ വി.കെ. സുബൈദ, ഒ.ബി.സി. സെൽ കോർഡിനേറ്റർ ഡോ. റെമീന കെ. ജമാൽ എന്നിവർ സംബന്ധിച്ചു.
ഇരിങ്ങാലക്കുട : കാറളം പഞ്ചായത്തിലെ ഹെൽത്ത് ഇൻസ്പെക്ടറുടെ തസ്തികയിലേക്ക് താൽക്കാലികമായി ദിവസവേതനാടിസ്ഥാനത്തിൽ നിയമിക്കുന്നതിനുള്ള വാക്ക് -ഇൻ- ഇൻ്റർവ്യൂ ഫെബ്രുവരി 28ന് ഉച്ചയ്ക്ക് 2 മണിക്ക് കാറളം പഞ്ചായത്ത് കോൺഫറൻസ് ഹാളിൽ നടക്കും.
ഉദ്യോഗാർഥികൾ യോഗ്യത തെളിയിക്കുന്ന സർട്ടിഫിക്കറ്റുകളുടെ അസ്സൽ രേഖകൾ സഹിതം ഇൻ്റർവ്യൂവിന് ഹാജരാക്കേണ്ടതാണ്.
വിശദ വിവരങ്ങൾക്കായി ഓഫീസുമായി ബന്ധപ്പെടണമെന്ന് പഞ്ചായത്ത് സെക്രട്ടറി അറിയിച്ചു.
ഇരിങ്ങാലക്കുട : കണ്‌ഠേശ്വരം ശിവക്ഷേത്രത്തിലെ ശിവരാത്രി മഹോത്സവത്തോടനുബന്ധിച്ച് ഏർപ്പെടുത്തിയ പ്രഥമ ശിവരാത്രി പുരസ്കാരം പ്രശസ്ത കഥകളി ആചാര്യനായ ഡോ. സദനം കൃഷ്ണൻകുട്ടി ആശാന് ക്ഷേത്രം തന്ത്രി നകരമണ്ണ് നാരായണൻ നമ്പൂതിരിപ്പാട് സമർപ്പിച്ചു.
മഹാശിവരാത്രി ദിനത്തിൽ സംഘടിപ്പിച്ച സാംസ്കാരിക സമ്മേളനത്തിലാണ് പുരസ്കാര സമർപ്പണം നടത്തിയത്.
ക്ഷേത്ര ഭരണ സമിതി പ്രസിഡന്റ് എൻ. വിശ്വനാഥമേനോൻ അധ്യക്ഷത വഹിച്ചു.
ഹരിതം ഗ്രൂപ്പ് ഹരിദാസ് മുഖ്യാതിഥിയായി.
ചടങ്ങിൽ ഇരിങ്ങാലക്കുടയിലെ കലാരംഗത്ത് വ്യക്തിമുദ്ര പതിപ്പിച്ച കഥകളി ആചാര്യൻ കലാനിലയം രാഘവനാശാൻ, കഥകളി സംഗീതജ്ഞൻ കലാനിലയം ഉണ്ണികൃഷ്ണൻ, നാടൻപാട്ട് കലാകാരൻ മുരളി ആശാൻ, തിരുവാതിരക്കളി കലാകാരി അണിമംഗലം സാവിത്രി അന്തർജ്ജനം എന്നിവരെ ആദരിച്ചു.
കൗൺസിലർമാരായ അമ്പിളി ജയൻ, സന്തോഷ് കാട്ടുപറമ്പിൽ എന്നിവർ ആശംസകൾ അർപ്പിച്ചു.
ക്ഷേത്രം ഭരണസമിതി സെക്രട്ടറി ഷിജു എസ്. നായർ സ്വാഗതവും ട്രഷറർ പി. സുനിൽകുമാർ നന്ദിയും പറഞ്ഞു.
ഇരിങ്ങാലക്കുട : ഇന്ത്യൻ വൈജ്ഞാനിക പാരമ്പര്യത്തിൻ്റെ വീണ്ടെടുക്കലും ഗവേഷണ പദ്ധതികളും ലക്ഷ്യമിട്ട് ഇരിങ്ങാലക്കുട സെന്റ് ജോസഫ്സ് കോളെജിൽ ഇന്ത്യൻ നോളജ് സിസ്റ്റത്തിൻ്റെ കേന്ദ്രമായ ”വൃദ്ധി” ആരംഭിച്ചു.
റിസർച്ച് ഹാളിൽ നടന്ന ചടങ്ങിൽ കേന്ദ്രമന്ത്രിയും, തൃശൂർ എംപിയും ആയ സുരേഷ് ഗോപി വൃദ്ധിയുടെ ഉദ്ഘാടനം നിർവഹിച്ചു.
നമ്മുടെ വൈജ്ഞാനിക പാരമ്പര്യത്തെ യുവതലമുറയ്ക്ക് പകർന്നുകൊടുക്കേണ്ടത് ഒരു മഹത്തായ ഉത്തരവാദിത്തമാണെന്നും സെൻ്റ്. ജോസഫ്സ് കോളെജ് തുടക്കം കുറിച്ച സംരംഭം അതിനു വലിയ സംഭാവനയാകട്ടെയെന്നും അദ്ദേഹം പറഞ്ഞു.
കോളെജ് പ്രിൻസിപ്പൽ ഡോ. സിസ്റ്റർ ബ്ലെസി അധ്യക്ഷത വഹിച്ചു.
വൃദ്ധി ഇന്ത്യൻ പരമ്പരാഗത വിജ്ഞാനത്തിന്റെ ശാസ്ത്രീയ പഠനത്തിനും ഗവേഷണത്തിനും പുതുമയാർന്ന വഴികൾ തുറക്കുമെന്ന് പ്രിൻസിപ്പൽ പറഞ്ഞു.
കോളെജിലെ മാനുസ്ക്രിപ്റ്റ് റിസർച്ച് – പ്രിസർവേഷൻ സെൻ്റർ ഡയറക്ടറും മലയാള വിഭാഗം അധ്യാപികയുമായ ക്യാപ്റ്റൻ ലിറ്റി ചാക്കോ ആശംസകൾ നേർന്നു.
വൃദ്ധി ഇന്ത്യൻ നോളജ് സിസ്റ്റം ഡയറക്ടർ ഡോ. വി.എസ്. സുജിത സ്വാഗതവും ചരിത്ര വിഭാഗം മേധാവി ഡോ. ജോസ് കുര്യാക്കോസ് നന്ദിയും പറഞ്ഞു.
ഇരിങ്ങാലക്കുട : മൂന്നാം നൂറുദിന കർമ്മ പദ്ധതിയിൽ ഉൾപ്പെടുത്തി മുരിയാട് പഞ്ചായത്തിൽ വയോജനങ്ങൾക്ക് കട്ടിൽ വിതരണം ചെയ്തു.
പാറേക്കാട്ടുകര ബാങ്ക് ഹാളിൽ നടന്ന ചടങ്ങിൽ മുരിയാട് പഞ്ചായത്ത് വൈസ് പ്രസിഡന്റ് രതി ഗോപി അധ്യക്ഷത വഹിച്ചു.
പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പള്ളി വിതരണോദ്ഘാടനം നിർവഹിച്ചു.
ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ സരിത സുരേഷ് സ്വാഗതം പറഞ്ഞു.
ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ കെ.യു. വിജയൻ, വാർഡ് മെമ്പർമാരായ തോമസ് തൊകലത്ത്, സുനിൽ കുമാർ, നിജി വത്സൻ, ശ്രീജിത്ത് പട്ടത്ത്, സേവ്യർ ആളൂക്കാരൻ, മണി സജയൻ, പാറേക്കാട്ടുകര സർവീസ് സഹകരണബാങ്ക് മാനേജർ ഷീജ, ഐ.സി.ഡി.എസ്. സൂപ്പർവൈസർ അൻസ എബ്രഹാം എന്നിവർ ആശംസകൾ നേർന്നു.
അങ്കണവാടി പ്രവർത്തകർ, കമ്മ്യൂണിറ്റി വുമൺ ഫെസിലിറ്റേറ്റർ അഞ്ജലി, പ്ലാൻ കോർഡിനേറ്റർ ഹരീഷ് എന്നിവർ പങ്കെടുത്തു.
180 കട്ടിലുകളാണ് ഈ വർഷം വിതരണം ചെയ്യുന്നത്.
