ഇരിങ്ങാലക്കുട : തൃശൂർ റൂറൽ ജില്ലാ പരിധിയിലെ പൊലീസ് സ്റ്റേഷനുകളിൽ നിന്ന് പൊതുജനങ്ങൾക്ക് ലഭിക്കേണ്ട സേവനങ്ങൾ ലഭിക്കാതെ വന്നാൽ ഇരിങ്ങാലക്കുട കാട്ടുങ്ങച്ചിറയിലുള്ള റൂറൽ ജില്ലാ പൊലീസ് മേധാവിയുടെ കാര്യാലയത്തിൽ നിലവിൽ പ്രവർത്തിച്ച് വരുന്ന ജില്ലാതല പരാതി പരിഹാരകേന്ദ്രവുമായി ബന്ധപ്പെടാവുന്നതാണെന്ന് ജില്ലാ പൊലീസ് മേധാവി ബി. കൃഷ്ണകുമാർ ഐപിഎസ് അറിയിച്ചു.
രാവിലെ 9 മണി മുതൽ വൈകീട്ട് 6 മണി വരെയുള്ള സമയങ്ങളിൽ 0480 2224007, 9497941736 എന്നീ നമ്പറുകളിലും, വൈകുന്നേരം 6 മണി മുതൽ രാവിലെ 9 മണി വരെയുള്ള സമയങ്ങളിൽ 0480 2224000, 9497941736 എന്നീ നമ്പറുകളിലും പൊതുജനങ്ങൾക്ക് ബന്ധപ്പെടാവുന്നതാണ്.
ജില്ലയിലെ പൊലീസ് സേവനങ്ങൾ കൂടുതൽ സുതാര്യവും പൊതുജന സൗഹൃദപരവുമാക്കി മാറ്റുന്നതിനും പരാതികൾ വേഗത്തിൽ പരിഹരിക്കാനും ലക്ഷ്യമിട്ടാണ് ഈ സംവിധാനം പ്രവർത്തിച്ച് വരുന്നത്.
അടിയന്തരമായി പൊലീസ് സേവനം ആവശ്യമായി വന്നാൽ ഉടൻ 112 എന്ന ഹെല്പ് ലൈൻ നമ്പറിൽ ബന്ധപ്പെടാവുന്നതാണ്.
