ഇരിങ്ങാലക്കുട : സെൻ്റ് തോമസ് കത്തീഡ്രൽ സി.എൽ.സി.യുടെ ആഭിമുഖ്യത്തിൽ അഖിലകേരള മാർഗ്ഗംകളി മത്സരം സംഘടിപ്പിച്ചു.
മത്സരത്തിൽ കോട്ടയം സെൻ്റ് തോമസ് പുന്നത്തറ ടീം ഒന്നാം സ്ഥാനവും ഇരിങ്ങാലക്കുട ക്രൈസ്റ്റ് കോളെജ് രണ്ടാം സ്ഥാനവും ചേർത്തല സെൻ്റ് മേരീസ് ചർച്ച് മുട്ടം ഫൊറോന മൂന്നാം സ്ഥാനവും ഒല്ലൂർ ഫൊറോന ചർച്ച് നാലാം സ്ഥാനവും കുറ്റിക്കാട് സി.എൽ.സി. അഞ്ചാം സ്ഥാനവും കരസ്ഥമാക്കി.
വിജയികൾക്ക് യഥാക്രമം 25000 രൂപ, 20000 രൂപ, 15000 രൂപ, 10000 രൂപ, 7000 രൂപ എന്നിങ്ങനെ ക്യാഷ് പ്രൈസും ട്രോഫിയും നൽകി.
സമാപന സമ്മേളനം ബിഷപ്പ് മാർ പോളി കണ്ണൂക്കാടൻ ഉദ്ഘാടനം ചെയ്തു.
കത്തീഡ്രൽ വികാരി റവ. ഫാ. പ്രൊഫ. ലാസർ കുറ്റിക്കാടൻ അധ്യക്ഷത വഹിച്ചു.
ക്രിസ്ത്യൻ സോഷ്യൽ മീഡിയ ഇൻഫ്ലുവൻസർ ഫാ. മാർട്ടിൻ ചിറ്റിലപ്പിള്ളി മുഖ്യാതിഥിയായി.
അസിസ്റ്റൻ്റ് വികാരി ഫാ. ഓസ്റ്റിൻ പാറയ്ക്കൽ ആമുഖപ്രഭാഷണം നടത്തി.
അസിസ്റ്റൻ്റ് വികാരി ആൻ്റണി നമ്പളം, കത്തീഡ്രൽ ട്രസ്റ്റി അഡ്വ. എം.എം. ഷാജൻ, സംസ്ഥാന സി.എൽ.സി. ജനറൽ സെക്രട്ടറി ഷോബി കെ. പോൾ, പ്രൊഫഷണൽ സി.എൽ.സി. സെക്രട്ടറി ഡേവിസ് പടിഞ്ഞാറക്കാരൻ, കത്തീഡ്രൽ കെ.സി.വൈ.എം. പ്രസിഡൻ്റ് ഗോഡ്സൻ റോയ് എന്നിവർ ആശംസകൾ നേർന്നു.
സീനിയർ സി.എൽ.സി. പ്രസിഡൻ്റ് കെ.ബി. അജയ് സ്വാഗതവും പ്രോഗ്രാം കൺവീനർ വിനു ആൻ്റണി നന്ദിയും പറഞ്ഞു.
പ്രോഗ്രാം കൺവീനർമാരയ അമൽ ജെറി, വിമൽ ജോഷി, സി.എൽ.സി. സെക്രട്ടറി റോഷൻ ജോഷി, സി.എൽ.സി. ഭാരവാഹികളായ ആൽബിൻ സാബു, തോമാസ് ജോസ്, ഹാരിസ് ഹോബി, ഏയ്ഞ്ചൽ മരിയ ജോർജ്ജ്, ടെൽസ ട്രീസ ജെയ്സൻ, കെ.പി. നെൽസൻ എന്നിവർ നേതൃത്വം നൽകി.
