സുനന്ദ
ഇരിങ്ങാലക്കുട : ചെമ്മണ്ട പുളിയത്തുപറമ്പിൽ സോമൻ ഭാര്യ സുനന്ദ (60) നിര്യാതയായി.
സംസ്കാരം ജൂൺ 3 (ചൊവ്വാഴ്ച) രാവിലെ 8 മണിക്ക് വീട്ടുവളപ്പിൽ.
മക്കൾ : മിഥുൻ, ജിതിൻ
പ്രതിബദ്ധത ജനങ്ങളോട് മാത്രം….
IRINJALAKUDA TIMES
വിനോദസഞ്ചാര കേന്ദ്രമായ ചീപ്പുചിറ മാലിന്യചിറയായി മാറുമോ?
ഇരിങ്ങാലക്കുട : വിനോദസഞ്ചാര കേന്ദ്രമായ വെള്ളാങ്ങല്ലൂർ പഞ്ചായത്തിലെ ചീപ്പുചിറയിൽ അടിഞ്ഞു കൂടിയ മാലിന്യങ്ങൾ ആശങ്ക പരത്തുന്നു.
ചീപ്പുചിറ കായലോരത്താണ് ഭയാനകമായ രീതിയിൽ മാലിന്യങ്ങൾ അടിഞ്ഞു കൂടിയിട്ടുള്ളത്.
കുട്ടികളും മുതിർന്നവരും ഉൾപ്പെടെ അനേകം ആളുകൾ ദിനംപ്രതി പ്രകൃതി ഭംഗി ആസ്വദിക്കുവാൻ എത്തിച്ചേരുന്ന സ്ഥലത്ത് മാലിന്യങ്ങളുടെ ഒരു തുരുത്തു തന്നെ രൂപപ്പെട്ടിരിക്കുന്നു.
മഴക്കാലപൂർവ്വ ശുചീകരണ പ്രവർത്തനങ്ങളുടെ ഭാഗമായി എല്ലാ വർഷവും നടക്കാറുള്ള ശുചീകരണ പ്രവർത്തനങ്ങൾ നടപ്പാക്കാത്തതാണ് മാലിന്യങ്ങൾ കൂമ്പാരം കൂടുവാനുള്ള കാരണമെന്ന് നാട്ടുകാർ കുറ്റപ്പെടുത്തി.
മഴക്കാലമായതോടെ പുഴയുടെ ദൃശ്യഭംഗി ആസ്വദിക്കുവാൻ അനേകം സഞ്ചാരികൾ എത്തുന്ന സ്ഥലം പകർച്ചവ്യാധികൾക്ക് കൂടി കാരണമാകുന്ന സ്ഥിതിവിശേഷമാണിപ്പോൾ.
വെള്ളാങ്ങല്ലൂർ പഞ്ചായത്ത്
സമ്പൂർണ്ണ മാലിന്യ വിമുക്ത പഞ്ചായത്തായി സ്ഥലം എംഎൽഎ പ്രഖ്യാപിച്ചിട്ട് മാസങ്ങൾ മാത്രം പിന്നിടുമ്പോഴാണ് അധികാരികളുടെ ഈ അനാസ്ഥ എന്നും പഞ്ചായത്ത് അധികാരികളും ആരോഗ്യ പരിപാലന കേന്ദ്രവും ഇടപെട്ട് എത്രയും വേഗം പൊതുജനാരോഗ്യം വഷളാക്കുന്ന മാലിന്യക്കൂമ്പാരം നീക്കം ചെയ്യണമെന്നും
കൊടുങ്ങല്ലൂർ
ബ്ലോക്ക് കോൺഗ്രസ് ജനറൽ സെക്രട്ടറി
സാബു കണ്ടത്തിൽ ആവശ്യപ്പെട്ടു.
അതിരപ്പിള്ളിയിൽ വിദ്യാർത്ഥികൾക്കായി തവനിഷിന്റെ തണൽ പദ്ധതി
ഇരിങ്ങാലക്കുട : ക്രൈസ്റ്റ് കോളേജിലെ സാമൂഹിക സേവന സംഘടനയായ തവനിഷ് സ്കൂൾ വിദ്യാർത്ഥികൾക്കായി ഏർപ്പെടുത്തിയ സഹായ പദ്ധതിയാണ് “തണൽ”.
പദ്ധതിയുടെ ഉദ്ഘാടനം ജൂൺ 1(ഞായറാഴ്ച) അതിരപ്പിള്ളി കമ്മ്യൂണിറ്റി ഹാളിൽ നടന്നു.
ഈ പരിപാടിയിൽ, വിദ്യാർത്ഥികൾക്ക് സ്കൂൾ ബാഗുകൾ, പുസ്തകങ്ങൾ, കുടകൾ എന്നിവ വിതരണം ചെയ്തു.
അതിരപ്പിള്ളി ഗ്രാമപഞ്ചായത്ത് പ്രസിഡന്റ് കെ.കെ. റിജേഷ് അധ്യക്ഷനായി.
ക്രൈസ്റ്റ് കോളെജ് മാനേജർ റവ. ഫാ. ജോയ് പീനിക്കപറമ്പിൽ അനുഗ്രഹ പ്രസംഗം നടത്തി.
പ്രിൻസിപ്പൽ റവ. ഫാ. ഡോ. ജോളി ആൻഡ്രൂസ് ഉദ്ഘാടനം നിർവഹിച്ചു.
ക്രൈസ്റ്റ് കോളെജിന്റെ മുൻ മാനേജർ റവ. ഫാ. ജോൺ തോട്ടപ്പിള്ളി
സാന്നിധ്യം അറിയിച്ചു.
പ്രമുഖ വ്യവസായിയും ക്രൈസ്റ്റ് കോളെജിന്റെ പൂർവ വിദ്യാർത്ഥിയുമായ
വേണുഗോപാൽ മേനോൻ, ഗീത വേണുഗോപാൽ എന്നിവർ മുഖ്യാതിഥികളായി പങ്കെടുത്തു.
അതിരപ്പിള്ളി ഗ്രാമ പഞ്ചായത്ത് വൈസ് പ്രസിഡന്റ് സൗമിനി മണിലാൽ
ആശംസകൾ അറിയിച്ചു.
തവനിഷ് സ്റ്റാഫ് കോർഡിനേറ്റർമാരായ അസിസ്റ്റന്റ് പ്രൊഫ മുവിഷ് മുരളി, അസിസ്റ്റന്റ് പ്രൊഫ തൗഫീഖ് അൻസാരി, അസിസ്റ്റന്റ് പ്രൊഫ കെ എം നസീറ എന്നിവർ പരിപാടിയിൽ സന്നിഹിതരായിരുന്നു.
സാമ്പത്തികമായി പിന്നാക്കം നിൽക്കുന്നവർക്കും മാനസികമായി വെല്ലുവിളികൾ നേരിടുന്നവർക്കും സഹായം നൽകുന്ന തവനിഷ്, വലിയൊരു മാതൃകയാണെന്ന് അതിരപ്പിള്ളി പഞ്ചായത്ത് പ്രസിഡന്റ് കെ കെ റിജേഷ് അഭിപ്രായപ്പെട്ടു.
തവനിഷ് എക്സിക്യൂട്ടീവ് അംഗങ്ങളായ തമന്ന കെ അബ്ദുൽ സ്വാഗതവും ശ്വേതാ പ്രകാശ് നന്ദിയും പറഞ്ഞു.
നഗരസഭാതല സ്കൂൾ പ്രവേശനോത്സവം ഇരിങ്ങാലക്കുട ഗവ. എൽ.പി. സ്കൂളിൽ നടത്തി
ഇരിങ്ങാലക്കുട : ഗവ. എൽ.പി. സ്കൂളിൽ സംഘടിപ്പിച്ച നഗരസഭാതല സ്കൂൾ പ്രവേശനോത്സവവും ഇരിങ്ങാലക്കുട ഉപജില്ലാ പ്രവേശനോത്സവും നഗരസഭ ചെയർപേഴ്സൺ മേരിക്കുട്ടി ജോയ് ഉദ്ഘാടനം ചെയ്തു.
പൊതുമരാമത്ത് സ്റ്റാൻഡിംഗ് കമ്മറ്റി ചെയർമാൻ ജെയ്സൺ പാറേക്കാടൻ അധ്യക്ഷത വഹിച്ചു.
വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ അഡ്വ. ജിഷ ജോബി, വാർഡ് കൗൺസിലർ ഒ.എസ്. അവിനാഷ്, ഹയർ സെക്കൻഡറി പി.ടി.എ. പ്രസിഡന്റ് പി.കെ. അനിൽകുമാർ, ഗവ. എൽ.പി. സ്കൂൾ പി.ടി.എ. പ്രസിഡന്റ് അംഗന അർജുനൻ, എം.പി.ടി.എ. പ്രസിഡന്റ് വിൻസി ബെന്നി, ഹയർ സെക്കൻഡറി പ്രിൻസിപ്പൽ ബിന്ദു പി. ജോൺ, വി.എച്ച്.എസ്.ഇ. പ്രിൻസിപ്പൽ കെ.ആർ. ഹേന തുടങ്ങിയവർ ആശംസകൾ നേർന്നു.
ഗവ. എൽ.പി. സ്കൂൾ ഹെഡ്മിസ്ട്രസ് പി.ബി. അസീന സ്വാഗതവും ഹൈസ്കൂൾ ഹെഡ്മിസ്ട്രസ് കെ.എസ്. സുഷ നന്ദിയും പറഞ്ഞു.
തുടർന്ന് ശുചിത്വ പ്രതിജ്ഞ, കുട്ടികളുടെ കലാപരിപാടികൾ എന്നിവ അരങ്ങേറി.
ചടങ്ങിൽ പൊലീസ്, എക്സൈസ് വിഭാഗം ഉദ്യോഗസ്ഥർ സന്നിഹിതരായിരുന്നു.
യാത്രയയപ്പ് നൽകി
ഇരിങ്ങാലക്കുട : 30 വർഷത്തെ സേവനത്തിനു ശേഷം കോടതി ശിരസ്തദാർ പദവിയിൽ നിന്നും വിരമിച്ച സാഹിത്യകാരൻ ഇരിങ്ങാലക്കുട ബാബുരാജിന് ഇരിങ്ങാലക്കുട കോടതി സമുച്ചയത്തിൽ യാത്രയയപ്പ് നൽകി.
തൃശ്ശൂർ, എറണാകുളം, മലപ്പുറം ജില്ലകളിൽ സേവനമനുഷ്ഠിച്ചിട്ടുണ്ട്.
കുളവാഴകൾ, ഫൃൂച്ചർ പ്ലാൻ എന്നീ രണ്ട് കഥാസമാഹാരങ്ങൾ പ്രസിദ്ധീകരിച്ചിട്ടുണ്ട്.
നിര്യാതയായി
സൈരന്ധ്രി
ഇരിങ്ങാലക്കുട : കരുവന്നൂർ എരണപ്പിള്ളി റോഡ് പുരയാറ്റുപറമ്പിൽ പരേതനായ ബാലകൃഷ്ണൻ ഭാര്യ സൈരന്ധ്രി (95) നിര്യാതയായി.
സംസ്കാരം തിങ്കളാഴ്ച (ജൂൺ 2) ഉച്ചയ്ക്ക് 12 മണിക്ക് വീട്ടുവളപ്പിൽ.
മക്കൾ : പുഷ്പകരൻ, സുധാകരൻ, നന്ദനൻ, ശ്രീനിവാസൻ, പരേതരായ മോഹനൻ, ഗോപി, ഷീജ
മരുമക്കൾ : സൗദാമിനി, ചന്ദ്രിക, പുഷ്പ, ദേവിക, അമ്പിളി, ബിന്ദു, ജയരാജൻ
ആഗോളതല മത്സരത്തിൽ രണ്ടാം സ്ഥാനം ഭാനുശ്രീ വാര്യർക്ക്
ഇരിങ്ങാലക്കുട : ചെന്നൈ ആസ്ഥാനമായി ആഗോള തലത്തിൽ സംഘടിപ്പിച്ച “ദി ഹിന്ദു മാർകഴി മ്യൂസിക് – 2025” മത്സരത്തിൽ 13 വയസ്സിൽ താഴെയുള്ള കുട്ടികളുടെ ഉപകരണ സംഗീതം “കൃതി” വിഭാഗത്തിൽ ഇരിങ്ങാലക്കുട ക്കാരിയായ ഭാനുശ്രീ വാര്യർ വയലിനിൽ രണ്ടാം സ്ഥാനം നേടി.
സുനിത ഹരിശങ്കറിന്റെ ശിഷ്യയായി രണ്ടര വർഷത്തോളമായി വയലിൻ പഠിക്കുകയാണ് ഭാനുശ്രീ വാര്യർ.
സംസ്കൃതം അദ്ധ്യാപകനും ചെണ്ട കലാകാരനുമായ ഡോ. മൂർക്കനാട് ദിനേശൻ വാരിയരുടേയും, ഡോ. നിത്യ കൃഷ്ണന്റേയും മകളായ ഭാനുശ്രീ വാര്യർ ഇരിങ്ങാലക്കുട ഭാരതീയ വിദ്യാ ഭവൻ സ്കൂളിൽ അഞ്ചാം ക്ലാസ്സ് വിദ്യാർഥിനിയാണ്.
കൂടൽമാണിക്യം ക്ഷേത്രത്തിൻ്റെ പടിഞ്ഞാറെ നടയിലാണ് ഇവരുടെ വീട്.
മണപ്പുറം ഫൗണ്ടേഷന്റെ മുച്ചക്രവാഹന റാലിക്ക് മുകുന്ദപുരം സ്കൂളിൽ സ്വീകരണം നൽകി
ഇരിങ്ങാലക്കുട : മണപ്പുറം ഗ്രൂപ്പ് കമ്പനികളുടെ സാമൂഹിക പ്രതിബദ്ധനാ വിഭാഗമായ മണപ്പുറം ഫൗണ്ടേഷൻ കേരളത്തിലെ നിർദ്ധനരും നിരാശ്രയരുമായ 50 ഭിന്നശേഷിക്കാർക്ക്
മുച്ചക്ര സ്കൂട്ടറുകൾ “വിങ്സ് ഓൺ വീൽസ് 2025” എന്ന പദ്ധതിയിലൂടെ നൽകുന്നതിനായി ജൂൺ 2ന് കൊടുങ്ങല്ലൂരിൽ സംഘടിപ്പിക്കുന്ന പരിപാടിയുടെ ഭാഗമായി മണപ്പുറം ഫൗണ്ടേഷൻ മാനേജിങ് ട്രസ്റ്റി വി പി നന്ദകുമാർ ഫ്ലാഗ് ഓഫ് ചെയ്ത് വലപ്പാട് നിന്നും ആരംഭിച്ച മുച്ചക്രവാഹന റാലിക്ക് നടവരമ്പ് മുകുന്ദപുരം പബ്ലിക് സ്കൂളിൽ വൻ സ്വീകരണം നൽകി.
സി ഇ ഒ ജോർജ്ജ് ഡി ദാസ്, മണപ്പുറം ഗ്രൂപ്പ് ജനറൽ മാനേജർ ജോർജ്ജ് മൊറോലി, സി എഫ് ഒ ഫിദൽ രാജ്, വേളൂക്കര പഞ്ചായത്ത് വാർഡ് മെമ്പർ മാത്യു, മുകുന്ദപുരം പബ്ലിക് സ്കൂൾ പ്രിൻസിപ്പാൾ ജിജി കൃഷ്ണ, അഡ്മിനിസ്ട്രേറ്റർ വി ലളിത എന്നിവർ പങ്കെടുത്തു.
28 വർഷത്തെ ഔദ്യോഗിക ജീവിതത്തിനു ശേഷം ഇരിങ്ങാലക്കുട എംപ്ലോയ്മെൻ്റ് ഓഫീസർ സീനത്ത് പടിയിറങ്ങി
ഇരിങ്ങാലക്കുട : 28 വർഷത്തെ സ്തുത്യർഹമായ ഔദ്യോഗിക സേവനത്തിന് ശേഷം ഇരിങ്ങാലക്കുട എംപ്ലോയ്മെന്റ് ഓഫീസർ സീനത്ത് സർവ്വീസിൽ നിന്നും വിരമിച്ചു.
എംപ്ലോയ്മെന്റ് ഓഫീസിൽ എത്തുന്ന തൊഴിൽ അന്വേഷകർക്കായി മാതൃകാപരമായ സേവനം കാഴ്ച്ച വച്ചിരുന്ന സീനത്ത് സഹപ്രവർത്തകർക്കും നാട്ടുകാർക്കും ഏറെ പ്രിയങ്കരിയായിരുന്നു.
