പ്രതിബദ്ധത ജനങ്ങളോട് മാത്രം….

IRINJALAKUDA TIMES

Advertisement
ഇരിങ്ങാലക്കുട തൃശൂർ ന്യൂസ്
ഗ്രാമിക ഫിലിം സൊസൈറ്റിയുടെ പ്രതിമാസ സിനിമാ പ്രദർശനം 27ന് പുനരാരംഭിക്കും
irinjalakudatimes.com 0

ഇരിങ്ങാലക്കുട : കുഴിക്കാട്ടുശ്ശേരി ഗ്രാമിക ഫിലിം സൊസൈറ്റിയുടെ സിനിമാ പ്രദർശനങ്ങൾ പുനരാരംഭിക്കുന്നു.

കോവിഡ് മഹാമാരി കാലത്ത് നിർത്തി വെക്കേണ്ടിവന്ന വാരാന്ത്യ പ്രദർശനമാണ് പ്രതിമാസ പ്രദർശനമായി വീണ്ടും ആരംഭിക്കുന്നത്.

എല്ലാ മാസവും മൂന്നാം ശനിയാഴ്ചകളിൽ മലയാളത്തിലെയും മറ്റു ഭാഷകളിലെയും ക്ലാസ്സിക് സിനിമകളുടെ പ്രദർശനവും പ്രഭാഷണങ്ങളും നടക്കും.

പ്രതിമാസ ചലച്ചിത്ര പ്രദർശനങ്ങളുടെ ഉദ്ഘാടനം 27ന് വൈകീട്ട് 5 മണിക്ക് മികച്ച ചലച്ചിത്ര ഗ്രന്ഥത്തിനുള്ള ദേശീയ പുരസ്കാരജേതാവായ
പ്രമുഖ ചലച്ചിത്ര നിരൂപകൻ
ഡോ. സി.എസ്. വെങ്കിടേശ്വരൻ നിർവഹിക്കും.

തുടർന്ന് അദ്ദേഹം “നവമലയാള സിനിമയുടെ ദിശാപരിണാമങ്ങൾ ” എന്ന വിഷയത്തിൽ പ്രഭാഷണവും നടത്തും.

6.30ന് യുവ സംവിധായകൻ കൃഷാന്ത് സംവിധാനം ചെയ്ത, കേരള അന്താരാഷ്ട്ര ചലച്ചിത്രോത്സവത്തിലും മറ്റു അന്താരാഷ്ട മേളകളിലും ഏറെ
ശ്രദ്ധേയമായ ചലച്ചിത്രം
“സംഘർഷ ഘടന ” പ്രദർശിപ്പിക്കും.

പ്രദർശനത്തിനുശേഷം സിനിമയുടെ അണിയറ പ്രവർത്തകർ പ്രേക്ഷകരുമായി സംവദിക്കും.

ഇരിങ്ങാലക്കുട തൃശൂർ ന്യൂസ്
പൂമംഗലത്തിന് സ്വപ്നസാക്ഷാത്കാരം ; പഞ്ചായത്ത് ആസ്ഥാനമന്ദിരം പൂർത്തിയാക്കിയത് ഒന്നരക്കോടി രൂപ ചെലവിൽ : മന്ത്രി ഡോ. ബിന്ദു
irinjalakudatimes.com 0

ഇരിങ്ങാലക്കുട : പൂമംഗലം പഞ്ചായത്തിൻ്റെ സ്വപ്നസാക്ഷാത്കാരമാണ് 27ന് നാടിന് സമർപ്പിക്കുന്ന പുതിയ പഞ്ചായത്ത് ആസ്ഥാന മന്ദിരമെന്ന് മന്ത്രി ഡോ. ആർ. ബിന്ദു പറഞ്ഞു.

നിർമ്മാണത്തിന്റെ ഓരോ ഘട്ടത്തിലും ആവശ്യമായ മുഴുവൻ തുകയും എംഎൽഎ എന്ന നിലയ്ക്കുള്ള ആസ്‌തി വികസന ഫണ്ടിൽ നിന്നും അനുവദിക്കാനായതാണ് കെട്ടിടം യാഥാർത്ഥ്യമാക്കിയതെന്നതിൽ ചാരിതാർത്ഥ്യമുണ്ടെന്നും മന്ത്രി പറഞ്ഞു.

മൂന്നു ഘട്ടങ്ങളിലായി അനുവദിച്ച 1.49 കോടി രൂപ വിനിയോഗിച്ചാണ് പൂമംഗലം പഞ്ചായത്തിൻ്റെ പുതിയ ആസ്ഥാന മന്ദിരം പൂർത്തിയാക്കിയത്. തനതു വരുമാനം വളരെ കുറവായ പൂമംഗലം പഞ്ചായത്തിന് ആധുനിക ഓഫീസ് ആവശ്യമാണെന്ന് മനസ്സിലാക്കിയാണ് നിർമ്മാണപ്രവർത്തനത്തിന് ആവശ്യമായ മുഴുവൻ തുകയും അനുവദിച്ചത്.

2021-22 വർഷത്തെ ആസ്‌തി വികസന ഫണ്ടിൽ നിന്നും 50 ലക്ഷം രൂപ നിർമ്മാണ പ്രവൃത്തികൾക്കായി അനുവദിച്ചു. ഈ തുക കെട്ടിടത്തിൻ്റെ സ്ട്രക്ച്ചറൽ വർക്ക് പൂർത്തിയാക്കാൻ മാത്രമേ തികയൂവെന്ന് മനസ്സിലാക്കിയപ്പോൾ ഇലക്ട്രിഫിക്കേഷൻ, ജനലുകൾ, വാതിലുകൾ, ടൈൽ വർക്ക് എന്നിവയടക്കം ഫിനിഷിംങ് ജോലികൾക്കായി 2023-24 വർഷത്തെ ആസ്തി വികസന ഫണ്ടിൽ നിന്നും 34 ലക്ഷം രൂപ കൂടി അനുവദിച്ചു. അതുപയോഗിച്ച് ഗ്രൗണ്ട് ഫ്ലോർ പൂർത്തിയാക്കാൻ നിർദ്ദേശം നൽകി.

കെട്ടിടത്തിൽ കുടുബശ്രീ, തൊഴിലുറപ്പ് തുടങ്ങി എല്ലാ വിഭാഗങ്ങൾക്കും അടിസ്ഥാനസൗകര്യം തികയില്ലെന്ന ഘട്ടത്തിൽ പഞ്ചായത്തിൻ്റെ പൂർണ്ണമായ ഓഫീസ് പ്രവർത്തനത്തിനായി 2024-25 വർഷത്തെ ആസ്‌തി വികസന ഫണ്ടിൽ നിന്നും 65 ലക്ഷം രൂപ കൂടി അനുവദിച്ചു. ഈ തുക വിനിയോഗിച്ച് ഒന്നാം നില സ്ട്രക്ച്ചറൽ വർക്ക്, വൈദ്യുതീകരണം, ജനലുകൾ, വാതിലുകൾ, കാബിൻ തിരിയ്ക്കൽ, ടൈൽ വർക്ക് എന്നിവയുൾപ്പെടെ എല്ലാ പ്രവൃത്തികളും പൂർത്തിയാക്കി.

5605 ചതുരശ്ര അടി വിസ്തീർണ്ണത്തിൽ വിശാലമായ പാർക്കിംങ് സംവിധാനത്തോടു കൂടിയാണ് പൂമംഗലം പഞ്ചായത്ത് ഓഫീസ് ആസ്ഥാന മന്ദിരം നിർമ്മിച്ചിരിക്കുന്നതെന്നും മന്ത്രി ഡോ. ബിന്ദു കൂട്ടിച്ചേർത്തു.

ഇരിങ്ങാലക്കുട തൃശൂർ ന്യൂസ്
നേത്ര തിമിര പരിശോധന ക്യാമ്പ് 28ന്
irinjalakudatimes.com 0

ഇരിങ്ങാലക്കുട : സേവാഭാരതി, കൊമ്പൊടിഞ്ഞാമക്കൽ ലയൺസ് ക്ലബ്ബ്, കൊച്ചിൻ ഐ ഫൗണ്ടേഷൻ ഹോസ്പിറ്റൽ എന്നിവയുടെ സംയുക്ത സഹകരണത്തോടെ എല്ലാ മാസവും നടത്തിവരാറുള്ള നേത്ര തിമിര പരിശോധന ക്യാമ്പ് 28 (ശനിയാഴ്ച്ച) രാവിലെ 9 മുതൽ 1 മണി വരെ ഇരിങ്ങാലക്കുട സേവാഭാരതി ഓഫീസിൽ വച്ച് സംഘടിപ്പിക്കും.

വാർഡ് കൗൺസിലർ സരിത സുഭാഷ് ക്യാമ്പിന്റെ ഉദ്ഘാടനം നിർവഹിക്കും.

സേവാഭാരതി പ്രസിഡൻ്റ് നളിൻ ബാബു അധ്യക്ഷത വഹിക്കും.

സാമൂഹ്യപ്രവർത്തകനായ ജോൺസൺ കോലങ്കണ്ണി മുഖ്യാതിഥിയാകും.

കൂടുതൽ വിവരങ്ങൾക്ക് ബന്ധപ്പെടേണ്ട നമ്പർ: 9496649657

ഇരിങ്ങാലക്കുട തൃശൂർ ന്യൂസ്
ഇരിങ്ങാലക്കുട കെ എസ് ആർ ടി സി ഡെപ്പോയ്ക്ക് സംരക്ഷണ കവചം ഒരുക്കും : സംരക്ഷണ സമിതി
irinjalakudatimes.com 0

ഇരിങ്ങാലക്കുട : ജീവനക്കാരുടെ ലഭ്യതക്കുറവു ചൂണ്ടിക്കാട്ടി നിരവധി സർവ്വീസുകൾ നിർത്തലാക്കിയ ഇരിങ്ങാലക്കുട ഡെപ്പോ അടച്ചു പൂട്ടാതിരിക്കാൻ നാട്ടുകാർ സംരക്ഷണ കവചമൊരുക്കുമെന്ന് കെ എസ് ആർ ടി സി സംരക്ഷണ സമിതി സംഘടിപ്പിച്ച സംരക്ഷണ സദസ്സ് പ്രഖ്യാപിച്ചു.

താൻ ഗവ ചീഫ് വിപ്പ് ആയിരിക്കുമ്പോൾ 2016ൽ ഇരിങ്ങാലക്കുട ഓപ്പറേറ്റിങ് സെൻ്ററിനെ സബ് ഡെപ്പോ ആക്കി ഉയർത്തുകയും, പോൾ മെല്ലിറ്റ് എന്ന അസിസ്റ്റൻറ് ട്രാൻസ്പോർട്ട് ഓഫീസറെ നിയമിക്കുകയും ചെയ്തെങ്കിലും തൻ്റെ പിൻഗാമികളായി എത്തിയ ജനപ്രതിനിധികളുടെ കെടുകാര്യസ്ഥത മൂലം ഇതിനെ വീണ്ടും ഓപ്പറേറ്റിങ് സെൻ്ററായി വ്യാഖ്യാനിക്കുകയുമാണ് ഉണ്ടായതെന്ന് സംരക്ഷണ സദസ്സ് ഉൽഘാടനം ചെയ്ത അഡ്വ തോമസ് ഉണ്ണിയാടൻ പറഞ്ഞു. തനിക്ക് മണ്ഡലത്തിൽ വികസന പ്രവർത്തനങ്ങൾ നടത്താൻ കഴിഞ്ഞത് നാട്ടുകാരുടെ പിന്തുണ കൂടി ഉണ്ടായതു കൊണ്ടാണ്. താൻ എം എൽ എ ആയിരിക്കുമ്പോൾ ഇവിടെ നിന്ന് 28 സർവ്വീസുകൾ നടത്തിയിരുന്നതിൻ്റെ രേഖകൾ തൻ്റെ കൈവശമുണ്ട്. മറിച്ചുള്ള പ്രസ്താവനകൾ സത്യവിരുദ്ധമാണെന്നും ഉണ്ണിയാടൻ വ്യക്തമാക്കി.

ചടങ്ങിൽ സംരക്ഷണ സമിതി ചെയർമാൻ രാജീവ് മുല്ലപ്പിള്ളി അദ്ധ്യക്ഷത വഹിച്ചു.

സംരക്ഷണ സമിതി ജനറൽ കൺവീനർ സേതുമാധവൻ പറയംവളപ്പിൽ, നഗരസഭാ കൗൺസിലർമാരായ സന്തോഷ് ബോബൻ, കെ എം , സന്തോഷ്, അമ്പിളി ജയൻ, സ്മിത കൃഷ്ണകുമാർ, ഭാരതീയ വിദ്യാഭവൻ ചെയർമാൻ ടി അപ്പുക്കുട്ടൻ നായർ, കേരള വ്യാപാരി വ്യവസായി ഏകോപന സമിതി ജില്ലാ സെക്രട്ടറി കെ ഐ നജാഹ്, റിട്ട തഹസിൽദാർ ശ്രീധരൻ മുതിരപ്പറമ്പിൽ, ഹരികുമാർ തളിയക്കാട്ടിൽ
എന്നിവർ പ്രസംഗിച്ചു.

ഇരിങ്ങാലക്കുട തൃശൂർ ന്യൂസ്
“വോട്ട് ചോരി” ഒപ്പ് പ്രചാരണവുമായി ഇരിങ്ങാലക്കുട മണ്ഡലം കോൺഗ്രസ്
irinjalakudatimes.com 0

ഇരിങ്ങാലക്കുട : സമ്മതിദാന അവകാശം മോഷ്ടിക്കാതിരിക്കുക, ഇന്ത്യയിലെ പൗരന്മാരായ നമ്മൾ വോട്ടർ പട്ടികയിൽ നടക്കുന്ന കൃത്രിമത്വവും വോട്ട് അവകാശം നിഷേധിക്കുന്ന ഇടപെടലുകളും അവസാനിപ്പിക്കുക,
വോട്ട് ചെയ്യാൻ യോഗ്യരായ ഓരോ പൗരനും വോട്ടർ പട്ടികയിൽ സ്ഥാനം ഉണ്ടായിരിക്കണം എന്നീ ആവശ്യങ്ങൾ ഉയർത്തി കോൺഗ്രസ് ഇരിങ്ങാലക്കുട മണ്ഡലം കമ്മിറ്റിയുടെ നേതൃത്വത്തിൽ “വോട്ട് ചോരി” ഒപ്പ് പ്രചാരണം നടത്തി.

കെപിസിസി മുൻ ജനറൽ സെക്രട്ടറി എം.പി. ജാക്സൺ ഒപ്പ് ശേഖരണത്തിന്റെ മണ്ഡലംതല ഉദ്ഘാടനം നിർവഹിച്ചു.

സി.എസ്. അബ്ദുൽ ഹഖ് അധ്യക്ഷത വഹിച്ചു.

ഡിസിസി സെക്രട്ടറി സോണിയ ഗിരി, ബ്ലോക്ക് പ്രസിഡൻ്റ് സോമൻ ചിറ്റേത്ത്, ബ്ലോക്ക് ഭാരവാഹികൾ, മണ്ഡലം ഭാരവാഹികൾ, കൗൺസിലർമാർ, ബൂത്ത് പ്രസിഡന്റുമാർ, വാർഡ് പ്രസിഡന്റുമാർ എന്നിവർ നേതൃത്വം നൽകി.

ഇരിങ്ങാലക്കുട തൃശൂർ ന്യൂസ്
ബോട്ടണിയിൽ ഡോക്ടറേറ്റ് നേടി ശ്രുതി
irinjalakudatimes.com 0

ഇരിങ്ങാലക്കുട : “വടക്കു പടിഞ്ഞാറൻ കേരള തീരപ്രദേശമായ തിക്കൊടിയിലെ കടൽ പായലുകളുടെ ഭൗതിക രാസജൈവ പ്രവർത്തന പഠനങ്ങൾ” എന്ന വിഷയത്തിൽ ഡോക്ടറേറ്റ് നേടി ശ്രുതി.

നാട്ടിക ശ്രീനാരായണ കോളെജിലെ ബോട്ടണി വിഭാഗം ഗവേഷണ കേന്ദ്രത്തിൽ നിന്നുമാണ് ഗവേഷണ ബിരുദം നേടിയത്.

റിട്ട. അസി. പ്രൊഫ. ജി. ചിത്രയാണ് ഗൈഡ്.

തളിക്കുളം എരണേഴത്ത് പടിഞ്ഞാറ്റയിൽ മനോഹരൻ – ഗീത ദമ്പതികളുടെ മകളും എടതിരിഞ്ഞി എച്ച്.ഡി.പി. ഹയർ സെക്കൻഡറി സ്കൂളിലെ നാച്വറൽ സയൻസ് അധ്യാപകനായ കെ.പി. ഹജീഷിന്റെ ഭാര്യയുമാണ്.

മകൻ : ആഗ്നേയ്

ഇരിങ്ങാലക്കുട തൃശൂർ ന്യൂസ്
മലയാളത്തിൽ ഡോക്ടറേറ്റ് നേടി സിൻ്റൊ കോങ്കോത്ത്
irinjalakudatimes.com 0

ഇരിങ്ങാലക്കുട : “ഇരിങ്ങാലക്കുടയുടെ സാംസ്കാരിക ചരിത്രം: വിമർശനാത്മക സമീപനം” എന്ന വിഷയത്തിൽ കാലിക്കറ്റ് സർവകലാശാലയ്ക്ക് കീഴിലുള്ള പുല്ലൂറ്റ് ഗവ. കെ.കെ.ടി.എം. കോളെജിലെ മലയാളവിഭാഗം ഗവേഷണ കേന്ദ്രത്തിൽ നിന്ന് ഗവേഷണബിരുദം നേടി ഡോ. എ. സിൻ്റൊ കോങ്കോത്ത്.

ഇരിങ്ങാലക്കുട ക്രൈസ്റ്റ് കോളേജിലെ അസിസ്റ്റൻ്റ് പ്രൊഫസർ ആണ്.

ഡോ. ബി.എസ്. ദീപ ആണ് ഗവേഷണ മാർഗ്ഗദർശി.

തുമ്പൂർ കോങ്കോത്ത് ആൻ്റു- എൽസി ദമ്പതികളുടെ മകളും കൊറ്റനല്ലൂർ പുല്ലൂക്കര സിക്സൻ്റെ ഭാര്യയുമാണ്.

സരിഗ, സനിമ എന്നിവരാണ് മക്കൾ.

ഇരിങ്ങാലക്കുട ക്യാമ്പസ് തൃശൂർ ന്യൂസ്
“കഥകളതിസാഗരം” ശില്പശാല സംഘടിപ്പിച്ചു
irinjalakudatimes.com 0

ഇരിങ്ങാലക്കുട : ക്രൈസ്റ്റ് കോളേജ് മലയാളം വിഭാഗത്തിന്റെ ആഭിമുഖ്യത്തിൽ “കഥകളതിസാഗരം” ശിൽപ്പശാല സംഘടിപ്പിച്ചു.

കഥാകൃത്ത് കെ.എസ്. രതീഷ് ശിൽപ്പശാല ഉദ്ഘാടനം ചെയ്തു.

പ്രിൻസിപ്പൽ റവ. ഡോ. ജോളി ആൻഡ്രൂസ് അധ്യക്ഷത വഹിച്ചു.

സെൽഫ് ഫിനാൻസിംഗ് ഡയറക്ടർ റവ. ഡോ. വിൽസൺ തറയിൽ, കോർഡിനേറ്റർ ഡോ. ടി. വിവേകാനന്ദൻ, മലയാള വിഭാഗം മേധാവി റവ. ഫാ. ടെജി കെ. തോമസ് എന്നിവർ ആശംസകൾ അർപ്പിച്ചു.

മലയാളം വിഭാഗം കോർഡിനേറ്റർ കെ.എസ്. സരിത സ്വാഗതവും അധ്യാപിക ഡോ. അഞ്ജുമോൾ ബാബു നന്ദിയും പറഞ്ഞു.

തുടർന്ന് നടന്ന സെക്ഷനിൽ “കഥയും ഞാനും” എന്ന വിഷയത്തിൽ കഥാകൃത്ത് കെ.എസ്. രതീഷ്, “കഥനം, ജീവിതം, ദർശനം” എന്ന വിഷയത്തിൽ നിശാഗന്ധി പബ്ലിക്കേഷൻസ് എക്സിക്യൂട്ടീവ് ഡയറക്ടർ കൃഷ്ണനുണ്ണി ജോജി, “എഴുത്തിലെ പുതുവഴികൾ” എന്നാ വിഷയത്തിൽ കഥാകൃത്തും ഗവേഷകനുമായ ഡി.പി. അഭിജിത്ത് എന്നിവർ പ്രഭാഷണം നടത്തി.

മലയാള വിഭാഗം അധ്യാപിക വി.ആർ. രമ്യ നന്ദി പറഞ്ഞു.

ഇരിങ്ങാലക്കുട തൃശൂർ ന്യൂസ്
കെ.വി. ചന്ദ്രൻ്റെ സ്മരണാർത്ഥം “ചന്ദ്രപ്രഭ” അവാർഡ് ഏർപ്പെടുത്തി
irinjalakudatimes.com 0

ഇരിങ്ങാലക്കുട : ഡോ. കെ.എൻ. പിഷാരടി സ്മാരക കഥകളി ക്ലബ്ബിൻ്റെ ആരംഭകാലം മുതൽക്കേ സർവ്വസ്വമായി വർത്തിച്ചിരുന്ന കിഴക്കെ വാര്യത്ത് കെ.വി. ചന്ദ്രൻ്റെ സ്മരണ നിത്യദീപ്തമായി നിലനിർത്തുന്നതിന് ഇരിങ്ങാലക്കുട കഥകളി ക്ലബ്ബ് “ചന്ദ്രപ്രഭ” എന്ന പേരിൽ പുരസ്കാരം ഏർപ്പെടുത്തി.

കലാസാംസ്കാരിക മേഖലകളിൽ പതിറ്റാണ്ടുകൾ നീണ്ട സംഘാടക മികവ് പുലർത്തുകയും പ്രയോക്താക്കൾക്കും അനുവാചകർക്കും ആതിഥേയർക്കും സർവ്വോപരി കലയ്ക്കും കാലത്തിൻ്റെ വക്താവായി അനുഗുണമായ പരിപോഷണങ്ങൾ നൽകുകയും ചെയ്ത പൊതുസ്വീകാര്യനായ വ്യക്തിയെ ആയിരിക്കും വർഷംതോറുമുള്ള “ചന്ദ്രപ്രഭ” പുരസ്കാരത്തിനായി പരിഗണിക്കുക.

2022ലെ മഹാനവമി ദിവസമാണ് കെ.വി. ചന്ദ്രൻ വാര്യർ വിട പറഞ്ഞത്. അതിൻ്റെ ഓർമ്മയ്ക്കായി വരും വർഷങ്ങളിൽ മഹാനവമി ദിവസം തന്നെ പുരസ്കാരം പ്രഖ്യാപിച്ച് ക്ലബ്ബിൻ്റെ വാർഷികദിനത്തിൽ പുരസ്കാരം സമർപ്പിക്കും.

കേരള കലാമണ്ഡലം മുൻ വൈസ് ചാൻസലർ ഡോ. ടി.കെ. നാരായണൻ (ചെയർമാൻ), പദ്മശ്രീ പെരുവനം കുട്ടൻമാരാർ (മുഖ്യ ഉപദേഷ്ടാവ്), ഡോ. നാരായണൻ പിഷാരടി, അനിയൻ മംഗലശ്ശേരി, രമേശൻ നമ്പീശൻ, അഡ്വ. രാജേഷ് തമ്പാൻ, ടി. നന്ദകുമാർ എന്നിവരടങ്ങുന്ന ഏഴംഗ പുരസ്കാര നിർണ്ണയസമിതി രൂപീകരിച്ചതായി ക്ലബ്ബ് പ്രസിഡൻ്റ് രമേശൻ നമ്പീശൻ അറിയിച്ചു.

ഇരിങ്ങാലക്കുട തൃശൂർ ന്യൂസ്
സംസ്ഥാന സർക്കാർ സമ്പൂർണ്ണ പരാജയം : കേരള കോൺഗ്രസ്
irinjalakudatimes.com 0

ഇരിങ്ങാലക്കുട : സംസ്ഥാന സർക്കാർ സമസ്ത മേഖലകളിലും സമ്പൂർണ്ണ പരാജയമാണെന്ന് കേരള കോൺഗ്രസ് ഇരിങ്ങാലക്കുട നിയോജകമണ്ഡലം സ്പെഷ്യൽ കൺവെൻഷൻ.

വിദ്യാഭ്യാസ മേഖല, ആരോഗ്യ മേഖല, കാർഷിക മേഖല, ക്രമസമാധാന മേഖല തുടങ്ങിയവ കൂടുതൽ തകർച്ചയിൽ ആണെന്നും കൺവെൻഷൻ വിലയുരുത്തി.

ഇരിങ്ങാലക്കുട നിയോജകമണ്ഡലം യുഡിഎഫ് കാലഘട്ടത്തിൽ നേടിയ വികസനങ്ങൾ അല്ലാതെ പുതിയതായി കഴിഞ്ഞ 9 വർഷമായി ഒന്നും തന്നെ നേടാൻ കഴിഞ്ഞിട്ടില്ലെന്ന് സമ്മേളനം ചൂണ്ടിക്കാട്ടി.

ടൗൺഹാളിൽ നടന്ന സ്പെഷ്യൽ കൺവെൻഷൻ കേരള കോൺഗ്രസ് ഡെപ്യൂട്ടി ചെയർമാൻ അഡ്വ. കെ. ഫ്രാൻസിസ് ജോർജ്ജ് എംപി ഉദ്ഘാടനം ചെയ്തു.

ഡെപ്യൂട്ടി ചെയർമാൻ അഡ്വ. തോമസ് ഉണ്ണിയാടൻ മെമ്പർഷിപ്പ് വിതരണോദ്ഘാടനം നിർവഹിച്ചു.

നിയോജകമണ്ഡലം പ്രസിഡൻ്റ് റോക്കി ആളൂക്കാരൻ അധ്യക്ഷത വഹിച്ചു.

സ്റ്റേറ്റ് കോർഡിനേറ്റർ അപൂ ജോൺ ജോസഫ് മുഖ്യാതിഥിയായിരുന്നു.

സംസ്ഥാന ജനറൽ സെക്രട്ടറി മിനി മോഹൻദാസ് ആമുഖപ്രഭാഷണം നടത്തി.

സംസ്ഥാന വൈസ് ചെയർമാൻ എം.പി. പോളി, ജില്ലാ പ്രസിഡൻ്റ് സി.വി. കുര്യാക്കോസ് എന്നിവർ മുഖ്യപ്രഭാഷണം നടത്തി.

ഉന്നതാധികാര സമിതി അംഗം ജോൺസൺ കാഞ്ഞിരത്തിങ്കൽ, സംസ്ഥാന ജനറൽ സെക്രട്ടറി ജോയ് ഗോപുരൻ, ജില്ലാ ജനറൽ സെക്രട്ടറിമാരായ സേതുമാധവൻ പറയംവളപ്പിൽ, പി.ടി. ജോർജ്ജ്, സിജോയ് തോമസ്, ജോസ് ചെമ്പകശ്ശേരി, ഉണ്ണി വിയ്യൂർ, ജില്ലാ സ്റ്റിയറിംഗ് കമ്മിറ്റിയംഗം സതീഷ് കാട്ടൂർ, യൂത്ത് ഫ്രണ്ട് ജില്ലാ പ്രസിഡൻ്റ് ജോബി ആലപ്പാട്ട്, ഭാരവാഹികളായ മാഗി വിൻസെന്റ്, എം.എസ്. ശ്രീധരൻ, എ.കെ. ജോസ്, എബിൻ വെള്ളാനിക്കാരൻ തുടങ്ങിയവർ പ്രസംഗിച്ചു.

മണ്ഡലം പ്രസിഡന്റുമാരായ ഫിലിപ്പ് ഓളാട്ടുപുറം, നൈജു ജോസഫ്, അഷ്റഫ് പാലിയത്താഴത്ത്, എൻ.ഡി. പോൾ, എ.ഡി. ഫ്രാൻസിസ്, ജോൺസൺ കോക്കാട്ട്, ഷൈനി ജോജോ, ഫെനി എബിൻ, വിനോദ് ചേലൂക്കാരൻ, അനിൽ ചന്ദ്രൻ, അജിത സദാനന്ദൻ, ഷക്കീർ മങ്കാട്ടിൽ, ലിംസി ഡാർവിൻ, തുഷാര ബിന്ദു, ഷീജ ഫിലിപ്പ്, ലാസർ കോച്ചേരി, ജോസ് ജി. തട്ടിൽ, ജോസ് പാറേക്കാടൻ, ബാബു ചേലക്കാട്ടുപറമ്പിൽ, റാൻസി മാവേലി, റോഷൻ ലാൽ, സി.ആർ. മണികണ്ഠൻ, സിന്റോ മാത്യു, ഷോണി ടി. തെക്കൂടൻ, ടോബി തെക്കൂടൻ, തോമസ്സ് കെ.പി. കോരേത്ത്, വത്സ ആൻ്റു, എഡ്വേർഡ് ആന്റണി, ലിജോ ചാലിശ്ശേരി, ജോൺസൻ തത്തംപിള്ളി, ജോഷി കോക്കാട്ട്, സി.ടി. വർഗ്ഗീസ്, ഡേവിസ് മഞ്ഞളി, വർഗ്ഗീസ് പയ്യപ്പിള്ളി, രഞ്ജിത്ത് സുബ്രഹ്മണ്യൻ, ജോയ് കൂനമ്മാവ്, സ്റ്റീഫൻ ചേറ്റുപുഴക്കാരൻ, അനിലൻ പൊഴേക്കടവിൽ, കെ.ഒ. ലോനപ്പൻ, സന്തോഷ് മംഗലത്ത്, ലാലു വിൻസെന്റ്, ജോയൽ ജോയ്, അൻബിൻ ആന്റണി, അഫ്സൽ ആലിപ്പറമ്പിൽ, അനൂപ് രാജ്, ഷാജി പാലത്തിങ്കൽ, ഷീല മോഹനൻ എടക്കുളം, മോഹനൻ ചേരയ്ക്കൽ, ജയൻ പനോക്കിൽ, ബാബു ഏറാട്ട്, ജോർജ്ജ് ഊക്കൻ, അല്ലി സ്റ്റാൻലി, സജിത പൊറത്തിശ്ശേരി, നെൽസൻ മാവേലി, ജോണി വല്ലക്കുന്ന്, സണ്ണി വൈലിക്കോടത്ത്, ജോയ് പടമാടൻ, മുജീബ്, ജെയ്സൺ മരത്തംപിള്ളി, തോമസ് തുളുവത്ത്, തോമസ്സ് ടി.എ. തോട്ട്യാൻ, ശ്യാമള അമ്മാപ്പറമ്പിൽ, ജോബി കുറ്റിക്കാടൻ, പീയൂസ് കുറ്റിക്കാടൻ, ലാസർ ആളൂർ, എൻ.കെ. കൊച്ചുവാറു, പോൾ ഇല്ലിക്കൽ, തോമസ്സ് ഇല്ലിക്കൽ, അരവിന്ദാക്ഷൻ, സലീഷ് കുഴിക്കാട്ടിപ്പുറത്ത്, ജോസ് പുന്നേലിപ്പറമ്പിൽ തുടങ്ങിയവർ ചർച്ചയ്ക്ക് നേതൃത്വം നൽകി.