ഇരിങ്ങാലക്കുട : കൗൺസിൽ ഫോർ ഇന്ത്യ സ്കൂൾ സർട്ടിഫിക്കറ്റ് എക്സാമിനേഷൻ സംഘടിപ്പിക്കുന്ന ദേശീയ ടേബിൾ ടെന്നീസ് ടൂർണമെൻ്റ് 1, 2, 3 തിയ്യതികളിലായി ഡോൺബോസ്കോ സെൻട്രൽ സ്കൂളിൽ വച്ച് സംഘടിപ്പിക്കുമെന്ന് സ്കൂൾ മാനേജർ ഫാ. ഇമ്മാനുവേൽ വട്ടക്കുന്നേൽ പത്രസമ്മേളനത്തിൽ അറിയിച്ചു.
മത്സരങ്ങൾ ദിവസവും രാവിലെ 8 മണിക്ക് ആരംഭിക്കും.
തിങ്കളാഴ്ച വൈകുന്നേരം 4 മണിക്ക് നടക്കുന്ന ഔദ്യോഗിക ഉദ്ഘാടനം മന്ത്രി ഡോ. ആർ. ബിന്ദു നിർവഹിക്കും.
ഈ വർഷത്തെ ടൂർണ്ണമെൻ്റ് നമ്മുടെ രാജ്യത്തെയും യുണൈറ്റഡ് അറബ് എമിറേറ്റ്സിൻ്റെയും വിവിധ ഭാഗങ്ങളിൽ നിന്നുള്ള മികച്ച പ്രതിഭകളെ ഒരുമിപ്പിക്കുന്ന കായിക മഹോത്സവമാണ്.
വിജയികൾക്ക് സി.ഐ.എസ്.സി.യെ പ്രതിനിധീകരിച്ച് എസ്.ജി.എഫ്.ഐ. ദേശീയ സ്കൂൾ ഗെയിംസിൽ പങ്കെടുക്കാനുള്ള അവസരം ലഭിക്കും.
സി.ഐ.എസ്.സി. കേരള റീജിണൽ സ്പോർട്സ് കോർഡിനേറ്റർ ഫാ. ഷിനോ കളപ്പുരക്കൽ, പ്രിൻസിപ്പൽ ഫാ. ജിതിൻ മൈക്കിൾ, സ്പോർട്സ് കോർഡിനേറ്റർ ബിന്ദു ബാബു, പി.ടി.എ. പ്രസിഡൻ്റ് അഡ്വ. ഹോബി ജോളി, മുൻ പി.ടി.എ. പ്രസിഡൻ്റ് ശിവപ്രസാദ് ശ്രീധരൻ എന്നിവരും പത്രസമ്മേളനത്തിൽ പങ്കെടുത്തു.
