ഇരിങ്ങാലക്കുട : സിപിഎം വേളൂക്കര പഞ്ചായത്ത് കമ്മിറ്റിയുടെ ആഭിമുഖ്യത്തിൽ നടത്തിയ വികസന മുന്നേറ്റ ജാഥ തുമ്പൂരിൽ സമാപിച്ചു.
സമാപന സമ്മേളനം സിപിഎം ജില്ലാ സെക്രട്ടേറിയറ്റ് അംഗം പി.കെ. ഡേവിസ് ഉദ്ഘാടനം ചെയ്തു.
കെ.എൽ. ജോസ് അധ്യക്ഷത വഹിച്ചു.
കെ.എ. ഗോപി, ടി.എസ്. സജീവൻ, കെ.വി. മദനൻ, കെ.എസ്. ധനീഷ്, വിജയലക്ഷ്മി വിനയചന്ദ്രൻ, പി.എൻ. ലക്ഷ്മണൻ എന്നിവർ പ്രസംഗിച്ചു.
സിപിഎം ഈസ്റ്റ്‌ ലോക്കൽ കമ്മിറ്റി സെക്രട്ടറി കെ.കെ. വിനയൻ സ്വാഗതവും വെസ്റ്റ് കമ്മിറ്റി സെക്രട്ടറി എ.ടി. ശശി നന്ദിയും പറഞ്ഞു.
ഐക്കരക്കുന്നിൽ സിപിഎം ഏരിയ കമ്മിറ്റി സെക്രട്ടറി വി.എ. മനോജ്‌ കുമാർ ഉദ്ഘാടനം ചെയ്തു.
പഞ്ചായത്ത് പ്രസിഡന്റ് കെ.എസ്. ധനീഷ് ക്യാപ്റ്റനും, വിജയലക്ഷ്മി വിനയചന്ദ്രൻ വൈസ് ക്യാപ്റ്റനും ടി.എസ്. സജീവൻ മാസ്റ്റർ മാനേജരുമായ ജാഥയ്ക്ക് രണ്ട് ദിവസങ്ങളിലായി വിവിധ കേന്ദ്രങ്ങളിൽ സ്വീകരണം ലഭിച്ചു.
