അന്നംകുട്ടി
ഇരിങ്ങാലക്കുട : നഗരസഭ 16-ാം വാർഡ് ഗാന്ധിഗ്രാം പരേതനായ അറക്കൽ വെളക്കനാടൻ ജോസ് ഭാര്യ അന്നംകുട്ടി (83) നിര്യാതയായി.
സംസ്കാരം നടത്തി.
മക്കൾ : ബേബി, ഡേവിസ്, ടെസ്സി, മിനി
മരുമക്കൾ : ദേവസ്സിക്കുട്ടി, ആലീസ്, ജോയി, ദേവസ്സി
പ്രതിബദ്ധത ജനങ്ങളോട് മാത്രം….
IRINJALAKUDA TIMES
സൗജന്യ മെഡിക്കൽ ക്യാമ്പ് സംഘടിപ്പിച്ചു
കൊടുങ്ങല്ലൂർ : കാട്ടകത്ത് കുടുംബ സഹകരണ സമിതി, മോഡേൺ ആശുപത്രി എന്നിവയുടെ സംയുക്ത ആഭിമുഖ്യത്തിൽ പത്താഴക്കാട് മദ്രസ ഹാളിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു.
അഡ്വ നവാസ് കാട്ടകത്ത് ഉദ്ഘാടനം ചെയ്തു.
ചടങ്ങിൽ സൗജന്യ ഡയാലിസിസ് കിറ്റ് വിതരണവും മരുന്നു വിതരണവും ഷഫീർ പെരിഞ്ഞനം നിർവഹിച്ചു.
ക്യാമ്പിൽ കാൻസർ ബോധവൽക്കരണ ക്ലാസും നടന്നു.
മോഡേൺ ഹോസ്പിറ്റൽ അഡ്മിനിസ്ട്രേറ്റർ റഷീദ് മുഹമ്മദ് കാട്ടകത്ത്, ബീന, നൂർജഹാൻ, ഫാത്തിമ, അലീന സഫർ, വഹീദ തുടങ്ങിയർ ക്യാമ്പിന് നേതൃത്വം നൽകി.
നാസർ കാട്ടകത്ത് സ്വാഗതവും, ഗഫൂർ വള്ളിവട്ടം നന്ദിയും പറഞ്ഞു.
നിര്യാതയായി
കാർത്ത്യായനി
ഇരിങ്ങാലക്കുട : പൊറത്തിശ്ശേരി കുറ്റിക്കാട്ടു പറമ്പിൽ പരേതനായ രാമൻ ഭാര്യ കാർത്ത്യായനി (95) നിര്യാതയായി.
സംസ്കാരം നടത്തി.
മക്കൾ : അശോകൻ, ബാബു, അജിത് കുമാർ, സജീവൻ, വസന്ത
മരുമക്കൾ : രമ, ബിന്ദു, സന്ധ്യ, നീത
കോൺഗ്രസ് നേതാവ് കെ ഐ നജീബിന്റെചരമ വാർഷികം ആചരിച്ചു
ഇരിങ്ങാലക്കുട : വെള്ളാങ്ങല്ലൂർ മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ മുൻ കോൺഗ്രസ് മണ്ഡലം പ്രസിഡന്റും, ബ്ലോക്ക് പ്രസിഡന്റും, വെള്ളാങ്ങല്ലൂർ ബ്ലോക്ക് പഞ്ചായത്ത് പ്രസിഡന്റുമായിരുന്ന കെ ഐ നജീബിന്റെ 6-ാം ചരമ വാർഷിക ദിനം ആചരിച്ചു.
മണ്ഡലം പ്രസിഡന്റ് എ എ മുസമ്മിൽ അധ്യക്ഷത വഹിച്ചു.
അയൂബ് കരൂപ്പടന്ന ഉദ്ഘാടനം ചെയ്തു.
എ ചന്ദ്രൻ, കമാൽ കാട്ടകത്ത്, ഇ വി സജീവ്, എ ആർ രാമദാസ്, ഹരി കുറ്റിപ്പറമ്പിൽ, സി കെ റാഫി, മോഹൻദാസ്, സക്കീർ ഹുസൈൻ, സലിം അറക്കൽ, ബഷീർ മയ്യക്കാരൻ, പ്രശോഭ്, സതീശൻ, മഹേഷ്‌ ആലുങ്കൽ, ജെസ്സി പിച്ചത്തറ, ഭരതൻ എന്നിവർ പ്രസംഗിച്ചു.
വെള്ളക്കെട്ട് ഒഴിയാതെ താണിശ്ശേരി ഹരിപുരംമച്ച് സ്വദേശികൾ : കുടിവെള്ളക്ഷാമവും രൂക്ഷം
ഇരിങ്ങാലക്കുട : താണിശ്ശേരി ഹരിപുരം മച്ച് പ്രദേശങ്ങളിലെ വീടുകൾ വെള്ളക്കെട്ട് ദുരിതത്തിൽ.
വെള്ളം നിയന്ത്രിക്കാനായി കെ എൽ ഡി സി കനാലിൽ സ്ഥാപിച്ചിട്ടുള്ള സ്ലൂയിസ് വാൽവുകൾക്ക് മുകളിലൂടെ വെള്ളം കടന്നാണ് വെള്ളക്കെട്ട് രൂപപ്പെടുന്നത്.
വെള്ളം കെട്ടിനിന്ന് പുല്ലുകൾ ചീഞ്ഞ് കിണറുകളിലെ വെള്ളത്തിൽ കലരുന്നതിനാൽ പ്രദേശത്ത് കുടിവെള്ള ക്ഷാമവും രൂക്ഷമാണ്.
കെ എൽ ഡി സി കനാലിൽ കൃഷി സമയത്ത് വെള്ളം ഉയർന്ന അളവിൽ വരുമ്പോൾ നിലവിലുള്ള സ്ലൂയിസ് വാൽവുകൾ പര്യാപ്തമല്ലെന്നും ഇവയുടെ അറ്റകുറ്റപ്പണി ഉടൻ നടത്തണമെന്നും താണിശ്ശേരി 11-ാം വാർഡ് കോൺഗ്രസ് കമ്മിറ്റി ആവശ്യപ്പെട്ടു.
കമ്മിറ്റി പ്രസിഡൻ്റ് പി കെ ഗിരീഷ് അധ്യക്ഷത വഹിച്ചു.
യോഗത്തിൽ എം എ നൗഷാദ്, വേണു കോപ്പുളളിപ്പറമ്പിൽ, ഇ ബി അബ്ദുൾ സത്താർ, ജോയ് നടക്കലാൻ, ശശി കല്ലട എന്നിവർ പ്രസംഗിച്ചു.
കെ എസ് ഇ കമ്പനി കനിഞ്ഞു ; കാരുകുളങ്ങരയിൽ ഹൈമാസ്റ്റ് മിഴി തുറന്നു
ഇരിങ്ങാലക്കുട : കെ എസ് ഇ കമ്പനിയുടെ സി എസ് ആർ ഫണ്ടിൽ നിന്നും അനുവദിച്ച് നഗരസഭ 31-ാം വാർഡിലെ കാരുകുളങ്ങര സെൻ്ററിൽ സ്ഥാപിച്ച മിനി ഹൈമാസ്റ്റ് ലൈറ്റിൻ്റെ സ്വിച്ച് ഓൺ കർമ്മം കെ എസ് ഇ ജനറൽ മാനേജർ എം അനിൽ നിർവ്വഹിച്ചു.
ചടങ്ങിൽ മുൻ നഗരസഭ ചെയർപേഴ്സണും വാർഡ് കൗൺസിലറുമായ സുജ സഞ്ജീവ്കുമാർ അധ്യക്ഷത വഹിച്ചു.
മുൻ നഗരസഭ വൈസ് ചെയർമാൻ ടി വി ചാർളി, വിവിധ റെസിഡൻ്റ്സ് അസോസിയേഷൻ പ്രതിനിധികൾ, കാരുകുളങ്ങര നിവാസികൾ തുടങ്ങിയവർ ചടങ്ങിൽ പങ്കെടുത്തു.
ബിജോയ് ചന്ദ്രൻ്റെ ചരമ വാർഷിക ദിനാചരണം
ഇരിങ്ങാലക്കുട : സാമൂഹ്യ പ്രവർത്തകനും ചലച്ചിത്ര നിർമ്മാതാവുമായിരുന്ന നെല്ലിക്കത്തറ ബിജോയ് ചന്ദ്രന്റെ ഏഴാം ചരമ വാർഷികത്തോടനുബന്ധിച്ചു സുഹൃത് സ്മരണാഞ്ജലി നടത്തി.
മുൻ സർക്കാർ ചീഫ് വിപ്പ് അഡ്വ തോമസ് ഉണ്ണിയാടൻ യോഗം ഉദ്ഘാടനം ചെയ്തു.
നടൻ അരുൺ ഘോഷ് അധ്യക്ഷത വഹിച്ചു.
നടൻ വിനീത് തട്ടിൽ, നഗരസഭാ കൗൺസിലർ പി ടി ജോർജ്ജ്, ബോബി ജോസ്, ബൈജു ചന്ദ്രൻ, ബിനിൽ ചന്ദ്രൻ, കെ പി ദേവദാസ്, പി ആർ സ്റ്റാൻലി, കെ സതീഷ്, സിജോയ് തോമസ് എന്നിവർ പ്രസംഗിച്ചു.
എടതിരിഞ്ഞി പോത്താനി ശിവക്ഷേത്രത്തിൽ ആറാട്ടിനിടെ ആന ഇടഞ്ഞു
ഇരിങ്ങാലക്കുട : എടതിരിഞ്ഞി പോത്താനി ശിവക്ഷേത്രത്തിലെ ആറാട്ടിനിടെ ആന ഇടഞ്ഞു.
തടത്താവിള ശിവ എന്ന ആനയാണ് ഇടഞ്ഞത്.
ആനപ്പുറത്തുണ്ടായിരുന്ന തിരുമേനി ഇടയ്ക്കു വെച്ച് സാഹസികമായി തൊട്ടടുത്ത കെട്ടിടത്തിൻ്റെ മുകളിലേക്ക് ചാടി രക്ഷപ്പെടുന്ന ദൃശ്യങ്ങൾ കണ്ടോ….?
അധികം വൈകാതെ തന്നെ എലിഫൻ്റ് സ്ക്വാഡ് എത്തി ആനയെ തളച്ചതിനാൽ കൂടുതൽ അനിഷ്ട സംഭവങ്ങൾ ഒന്നുമുണ്ടായില്ല.
ലഹരി പ്രതിരോധ പ്രവർത്തനങ്ങൾ ഊർജ്ജിതമാക്കും : ”വേണ്ട” ക്യാമ്പയിനുമായി മുരിയാട് പഞ്ചായത്ത്
ഇരിങ്ങാലക്കുട : കൊച്ചിൻ ഫോർത്ത് വേവ് ഫൗണ്ടേഷന്റെ സഹകരണത്തോടെ ലഹരി പ്രതിരോധ പ്രവർത്തനങ്ങൾ ഊർജ്ജിതമാക്കാൻ ”വേണ്ട” ക്യാമ്പയിനുമായി മുരിയാട് പഞ്ചായത്ത്.
ആദ്യ ഘട്ടത്തിൽ പഞ്ചായത്ത് അടിസ്ഥാനത്തിൽ തെരഞ്ഞെടുത്ത 100ൽപരം വൊളൻ്റിയർമാർക്ക് പരിശീലനം നൽകും.
2-ാം ഘട്ടം പഞ്ചായത്ത് വാർഡ് തലത്തിൽ ജാഗ്രത സമിതികൾ രൂപീകരിക്കുകയും
3-ാംഘട്ടത്തിൽ വാർഡ് തലത്തിലുള്ള ജാഗ്രത സമിതികളുടെ നേതൃത്വത്തിൽ വ്യാപകമായി ബോധവൽക്കരണ പരിപാടികൾ സംഘടിപ്പിക്കുകയും ചെയ്യും.
വായനശാലകൾ, വിദ്യാലയങ്ങൾ, ക്ലബ്ബുകൾ, റസിഡൻ്റ്സ് അസോസിയേഷനുകൾ തുടങ്ങിയവയെയൊക്കെ ലഹരി പ്രതിരോധത്തിൻ്റെ ഭാഗമായി അണിനിരത്തും.
ആനന്ദപുരം എൻ എസ് എസ് ഹാളിൽ നടന്ന ചടങ്ങിൽ ”വേണ്ട” ക്യാമ്പയിന് തുടക്കം കുറിച്ച് ആനന്ദപുരം സാൻജോ ഡി അഡിക്ഷൻ സെൻ്റർ ഡയറക്ടർ ഫാ തോമസ് വെളക്കനാടൻ, പഞ്ചായത്ത് പ്രസിഡന്റ് ജോസ് ജെ ചിറ്റിലിള്ളി, ജനപ്രതിനിധികൾ, വൊളൻ്റിയർമാർ എന്നിവർ ഒരുമിച്ച് ദീപം തെളിയിച്ച് പരിപാടിയുടെ ഉദ്ഘാടനം നിർവ്വഹിച്ചു.
തുടർന്ന് ഫാ തോമസ് വിളക്കനാടൻ മുഖ്യ സന്ദേശം നൽകി.
ചടങ്ങിൽ പഞ്ചായത്ത് വൈസ് പ്രസിഡന്റ് രതി ഗോപി അധ്യക്ഷത വഹിച്ചു.
ക്ഷേമകാര്യ സമിതി ചെയർപേഴ്സൻ സരിത സുരേഷ്, ആരോഗ്യ – വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ കെ യു വിജയൻ, പഞ്ചായത്ത് അംഗം ശ്രീജിത്ത് പട്ടത്ത്, സി ഡി എസ് ചെയർപേഴ്സൺ സുനിത രവി, പഞ്ചായത്ത് അംഗങ്ങളായ നിജി വത്സൻ, കെ വൃന്ദകുമാരി ജിനി സതീശൻ, നിഖിത അനൂപ്, സേവ്യർ ആളൂക്കാരൻ, മണി സജയൻ, റോസ്മി ജയേഷ്, നിത അർജ്ജുനൻ, ഹെൽത്ത് ഇൻസ്പെക്ടർ അജീഷ്, കമ്മ്യൂണിറ്റി കൗൺസിലർ അഞ്ജലി തുടങ്ങിയവർ പ്രസംഗിച്ചു.
ഫോർത്ത് വേവ് കോർഡിനേറ്റർ മഞ്ജു വിൽസൺ ക്ലാസ്സ് നയിച്ചു.
