ഇരിങ്ങാലക്കുട : പുരോഗമന കലാസാഹിത്യ സംഘം ടൗൺ യൂണിറ്റിന്റെ ആഭിമുഖ്യത്തിൽ ദേശാഭിമാനി സാഹിത്യ പുരസ്കാരം ലഭിച്ച കവി ഡോ. സി. രാവുണ്ണിക്ക് 22ന് 4.30ന് ഇരിങ്ങാലക്കുടയിൽ സ്വീകരണം നൽകും.
ഇരിങ്ങാലക്കുട ഗായത്രി ഹാളിൽ നടക്കുന്ന സ്വീകരണ സമ്മേളനം മന്ത്രി ഡോ ആർ ബിന്ദു ഉദ്ഘാടനം ചെയ്യും.
കേരളത്തിലെ പ്രശസ്ത എഴുത്തുകാരനും പ്രഭാഷകനുമായ കെ.ഇ.എൻ. കുഞ്ഞഹമ്മദ് ‘’കവിതയും രാഷ്ട്രീയവും’’ എന്ന വിഷയത്തെ ആസ്പദമാക്കി പ്രഭാഷണം നടത്തും.
യൂണിറ്റ് പരിധിയിലെ സംസ്ഥാന സ്കൂൾ കലോത്സവ ജേതാക്കൾക്കുള്ള ആദരവും അവരുടെ കലാ അവതരണവും ഉണ്ടായിരിക്കും.
വയലാർ അവാർഡ് ജേതാവ് അശോകൻ ചരുവിൽ മുഖ്യാതിഥിയാകും.
ഖാദർ പട്ടേപ്പാടം, ഡോ. കെ. പി. ജോർജ് എന്നിവർ പങ്കെടുക്കുമെന്ന് യൂണിറ്റ് പ്രസിഡന്റ് കെ. ജി. സുബ്രഹ്മണ്യൻ സെക്രട്ടറി കെ. എച്ച്. ഷെറിൻ അഹമ്മദ് എന്നിവർ അറിയിച്ചു.
