പ്രതിബദ്ധത ജനങ്ങളോട് മാത്രം..
ഇരിങ്ങാലക്കുട : ചെന്നൈ അണ്ണാ യൂണിവേഴ്‌സിറ്റിയിൽ നിന്നും രസതന്ത്രത്തിൽ പി എച്ച് ഡി നേടി ഇരിങ്ങാലക്കുട സ്വദേശിനി സി എ അശ്വതി.
എടക്കുളം ചങ്ങനാത്ത് അശോകൻ്റെയും സുന്ദരി അശോകൻ്റെയും മകളാണ്.
ഐക്കരക്കുന്ന് വെള്ളോംപറമ്പത്ത് വീജീഷ് ഹരിദാസൻ്റെ ഭാര്യയാണ് അശ്വതി.
ഇരിങ്ങാലക്കുട : ഗണിത ശാസ്ത്രജ്ഞനായിരുന്ന ശ്രീനിവാസ രാമാനുജനോടുള്ള ആദരസൂചകമായി ഡിസംബർ 22 ഗണിതശാസ്ത്ര ദിനമായി ആചരിക്കുന്നതിൻ്റെ മുന്നോടിയായി ഇരിങ്ങാലക്കുട ഭാരതീയ വിദ്യാഭവനിൽ ഗണിതശാസ്ത്രവാരം ആഘോഷിച്ചു.
ചെയർമാൻ സി സുരേന്ദ്രൻ ഉദ്ഘാടനം നിർവഹിച്ചു.
സെക്രട്ടറി വി രാജൻ, മാനേജ്മെന്റ് കമ്മിറ്റി അംഗം വിവേകാനന്ദൻ, പ്രിൻസിപ്പൽ ബിജു ഗീവർഗീസ്, വൈസ് പ്രിൻസിപ്പൽ ശോഭ ശിവാനന്ദരാജൻ, ഗണിതശാസ്ത്ര വിഭാഗം മേധാവി നിഷ മുരളി എന്നിവർ പങ്കെടുത്തു.
ജ്യാമിതീയ രൂപങ്ങൾ ആവിഷ്ക്കരിച്ച് പ്ലസ് വൺ വിദ്യാർഥികൾ അവതരിപ്പിച്ച ‘ഗണിതയോഗ’ ശ്രദ്ധേയമായി.
പ്രശ്നോത്തരി, റൂബിക്സ് ക്യൂബ്, സുഡോക്കു, രംഗോലി തുടങ്ങിയ മത്സരങ്ങൾ, നൃത്തപരിപാടികൾ, പ്രസിദ്ധ ഗണിത ശാസ്ത്രജ്ഞന്മാരെക്കുറിച്ചുള്ള പ്രസംഗ പരമ്പരകൾ, ചലച്ചിത്ര പ്രദർശനം തുടങ്ങിയ പരിപാടികൾ അരങ്ങേറി.
സ്കൂളിലെ ഗണിതശാസ്ത്ര വിഭാഗമാണ് പരിപാടികൾ ഏകോപിപ്പിച്ചത്.
ഇരിങ്ങാലക്കുട : സെന്റ് ജോസഫ്സ് കോളേജ് രസതന്ത്രം വിഭാഗത്തിന്റെ നേതൃത്വത്തിൽ പോളിമർ നാനോ കോംമ്പോസൈറ്റുകളുടെ വിവിധ മേഖലകളിലുള്ള ഉപയോഗത്തെ കുറിച്ച് നടത്തിയ സെമിനാർ ശ്രദ്ധേയമായി.
ഓട്ടോമൊബൈൽസ്, എയ്‌റോസ്‌പേസ്, ഇൻജക്ഷൻ മോൾഡഡ് ഉൽപ്പന്നങ്ങൾ, കോട്ടിംഗുകൾ, പശകൾ, ഫയർ റിട്ടാർഡന്റുകൾ, പാക്കേജിംഗ് മെറ്റീരിയലുകൾ, മൈക്രോ ഇലക്‌ട്രോണിക് പാക്കേജിംഗ്, ഒപ്റ്റിക്കൽ ഇന്റഗ്രേറ്റഡ് സർക്യൂട്ടുകൾ, ഡ്രഗ് ഡെലിവറി, സെൻസറുകൾ, മെംബ്രണുകൾ, മെഡിക്കൽ ഉപകരണങ്ങൾ, ഉപഭോക്തൃ വസ്തുക്കൾ തുടങ്ങി ദൈനം ദിന ജീവിതത്തിൽ നിർണ്ണായകമായി മാറുന്ന പുതിയ കണ്ടെത്തലുകൾ സെമിനാറിൽ വിലയിരുത്തപ്പെട്ടു.
സി എസ് ഐ ആർ സെൻട്രൽ ലെതർ റിസർച്ച് ഇൻസ്റ്റിറ്റ്യൂട്ട് ചെന്നൈയിലെ പോളിമർ സയൻസ് ആൻഡ് ടെക്നോളജി ഡിവിഷൻ ചീഫ് സയന്റിസ്റ്റ് ആൻഡ് ഹെഡ്, ഡോ എസ് എൻ ജയശങ്കർ നയിച്ച ദേശീയ സെമിനാറിൽ ഗവേഷകർ, അദ്ധ്യാപകർ, വിദ്യാർത്ഥികൾ, അനുബന്ധ മേഖലകളിൽ നിന്നുള്ളവർ എന്നിവർ പങ്കെടുത്തു.
സെൻറ് ജോസഫ്സ് കോളേജിൽ രസതന്ത്ര വിഭാഗത്തിന്റെ ദേശീയ സെമിനാർ
ഇരിങ്ങാലക്കുട : സെൻറ് ജോസഫ്സ് കോളേജ് (ഓട്ടോണമസ്) രസതന്ത്ര വിഭാഗത്തിന്റെ നേതൃത്വത്തിൽ കേരള സ്റ്റേറ്റ് കൗൺസിൽ ഫോർ സയൻസ് ടെക്നോളജി ആൻഡ് എൻവയോൺമെന്റ് (കെ എസ് സി എസ് ടി ഇ) യുടെ സഹായത്തോടെ സംഘടിപ്പിക്കുന്ന ദേശീയ സെമിനാറിനു തുടക്കമായി.
ഡോ എസ് എൻ ജയ് ശങ്കർ (സി എസ് ഐ ആർ, സെൻട്രൽ ലെതർ റിസർച്ച് ഇൻസ്റ്റിറ്റ്യൂട്ട് ചെന്നൈ) ഉദ്ഘാടനം ചെയ്തു.
ചടങ്ങിൽ പ്രിൻസിപ്പൽ ഡോ സിസ്റ്റർ ബ്ലെസി അധ്യക്ഷത വഹിച്ചു.
ഡോ എൻ എൽ മേരി (മദ്രാസ് സ്റ്റെല്ലമാരീസ് കോളേജ് രസതന്ത്ര വിഭാഗം മേധാവി) ആശംസകൾ നേർന്നു.
ഡോ എസ് എൻ ജയശങ്കർ, ഡോ എൻ എൽ മേരി എന്നിവർ ക്ലാസുകൾ നയിച്ചു.
രസതന്ത്ര വിഭാഗം മേധാവി ഡോ സി ഡീന ആന്റണി സ്വാഗതവും, സെമിനാർ കോർഡിനേറ്റർ ഡോ നിഷ ജോർജ്ജ് നന്ദിയും പറഞ്ഞു.
സെമിനാറിന്റെ രണ്ടാം ദിവസം ഡോ പി വിനീത് മോഹനൻ (കുസാറ്റ് കൊച്ചി ), ഡോ നീത ജോൺ(സിപ്പെറ്റ് കൊച്ചി), ഡോ അനൂപ് വടക്കേക്കര (വാക്കർ കെമി ബാംഗ്ലൂർ) എന്നിവർ ക്ലാസുകൾ നയിക്കും.
