ഇരിങ്ങാലക്കുട: മുകുന്ദപുരം പബ്ലിക് സ്കൂളിൽ വെച്ച് നടന്ന  41-മത് ജെ.എസ്കെ.എ. (ജപ്പാൻ   ഷോട്ടോക്കാൻ  കരാട്ടെ  അസോസിയേഷൻ ഓഫ് ഇന്ത്യ) കരാട്ടെ ചാമ്പ്യൻഷിപ്പിൽ  ഐ.ഇ.എസ് ഇംഗ്ലീഷ് ഹയർ സെക്കണ്ടറി സ്കൂൾ തൃത്താല  പാലക്കാട്  ഓവർ ഓൾ ചാമ്പ്യൻഷിപ്പ് കരസ്ഥമാക്കി. റഫറിമാരായ സെൻസായി  പി.കെ ഗോപലകൃഷ്ണൻ , വിനോദ് മാത്യു, ഷാജിലി, കെ.എഫ് ആൽഫ്രഡ്‌ ,  ഷാജി ജോർജ് , ബാബു കോട്ടോളി എന്നീവരുടെ നേതൃത്വത്തിൽ  വിപുലമായ സജീകരണങ്ങളോടെ നടന്ന മത്സരങ്ങളിൽ 78 സ്കൂളുകളിൽ നിന്നായി ആയിരത്തിലധികം വിദ്യാർത്ഥികൾ  പങ്കെടുത്തു.വിജയികൾക്ക് സർട്ടിഫിക്കറ്റും, ട്രോഫി വിതരണവും നടന്നു. മുകുന്ദപുരം പബ്ലിക് സ്കൂൾ പ്രിൻസിപ്പാൾ പ്രേമലത സ്വാഗത പ്രസംഗവും  മണപ്പുറം സ്കൂൾ ഡയറക്ടർ ഡോ.ഷാജി മാത്യു മുഖ്യ സന്ദേശവുംനടത്തിയ വേദിയിൽ  മണപ്പുറം ഫൌണ്ടേഷൻ  സി. ഇ. ഒ . പവൽ പോദാർ ഉദ്ഘാടനകർമ്മവും  നിർവഹിച്ചു.