അന്താരാഷ്ട്ര ചലച്ചിത്രമേളയുടെ ആവേശം എറ്റെടുത്ത് വിദ്യാര്‍ത്ഥി സമൂഹം.


ഇരിങ്ങാലക്കുട :തൃശൂരില്‍ നടക്കുന്ന 15-മത് അന്താരാഷ്ട്ര ചലച്ചിത്ര മേളയുടെ ഭാഗമായി ഇരിങ്ങാലക്കുടയില്‍ മാര്‍ച്ച് 7 മുതല്‍ 11 വരെ നടക്കുന്ന ചലച്ചിത്രമേളയുടെ ആവേശം എറ്റെടുത്ത് വിദ്യാര്‍ത്ഥി സമൂഹം.

ഇരിങ്ങാലക്കുട “മാസ് മൂവീസി”ലും “ഓര്‍മ്മ ഹാളി”ലുമായി പത്തോളം ഭാഷകളില്‍ നിന്നുള്ള പതിനഞ്ച് ചിത്രങ്ങള്‍ പ്രദര്‍ശിക്കുമ്പോള്‍ ക്രൈസ്റ്റ് കോളേജിലെ “കൊട്ടക” ഫിലിം ക്ലബ്ബില്‍ നിന്നുള്ള വിദ്യാര്‍ത്ഥികളും മേളയുടെ കാഴ്ചക്കാരായും സംഘാടകരായും രംഗത്തെത്തും.

ഇതിന്റെ മുന്നോടിയായി കോളേജിലെ കോണ്‍ഫറന്‍സ് ഹാളില്‍ നടന്ന ചടങ്ങില്‍ പ്രിന്‍സിപ്പല്‍ ഡോ മാത്യു പോള്‍ ഊക്കന്‍ സ്റ്റുഡന്റ് പാസ്സുകളുടെ വിതരണോദ്ഘാടനം നിര്‍വഹിച്ചു.

“കൊട്ടക” ഫിലിം ക്ലബ്ബ് പ്രസിഡണ്ട് അഭിരാം ഉദയ്, സെക്രട്ടറി ആര്‍ഷ നമ്പിയത്ത് എന്നിവര്‍ പാസ്സുകള്‍ എറ്റുവാങ്ങി.

കോളേജ് വൈസ് പ്രിന്‍സിപ്പല്‍ ഫാ ജോയ് പീണിക്കപ്പറമ്പില്‍ ഫെസ്റ്റിവല്‍ പോസ്റ്റര്‍ പ്രകാശനം ചെയ്തു.

ഫിലിം സൊസൈറ്റി സെക്രട്ടറി നവീന്‍ ഭഗീരഥന്‍ ആമുഖ പ്രഭാഷണം നടത്തി.

വൈസ് പ്രസിഡണ്ട് മനീഷ് വര്‍ഗ്ഗീസ്, ഫിലിം ക്ലബ്ബ് ഭാരവാഹികളായ അഭിരാം ഉദയ്, ആര്‍ഷ നമ്പിയത്ത് എന്നിവര്‍ ആശംസകള്‍ നേര്‍ന്നു.

ഫിലിം ക്ലബ് കോ-ഓര്‍ഡിനേറ്റര്‍ പ്രൊഫ കെ ജെ വര്‍ഗ്ഗീസ് സ്വാഗതവും, ട്രഷറര്‍ ടി ജി സച്ചിത്ത് നന്ദിയും പറഞ്ഞു,

ഫിലിം സൊസൈറ്റി എക്‌സിക്യൂട്ടീവ് കമ്മിറ്റി അംഗങ്ങളായ എം എസ് ദാസന്‍, ടി ജി സിബിന്‍, കോളേജിലെ ഫിലിം ക്ലബ്ബ് അംഗങ്ങള്‍ തുടങ്ങിയവര്‍ ചടങ്ങില്‍ പങ്കെടുത്തു.