ഇരിങ്ങാലക്കുട : ഇരിങ്ങാലക്കുട നഗരവികസനവുമായി ബന്ധപ്പെട്ട നിങ്ങളുടെ സ്വപ്നങ്ങളും അഭിപ്രായങ്ങളും നിർദ്ദേശങ്ങളും സംസ്കാരസാഹിതിയുടെ ബോക്സുകളിലോ ഗൂഗിൾ ഫോം വഴിയോ അറിയിക്കാമെന്ന് സംസ്കാരസാഹിതി ഇരിങ്ങാലക്കുട നിയോജകമണ്ഡലം കമ്മിറ്റി അംഗങ്ങൾ പത്രസമ്മേളനത്തിൽ അറിയിച്ചു.
നഗരസഭയിലെ 10 ഇടങ്ങളിലായി സംസ്കാരസാഹിതിയുടെ ബോക്സുകൾ സ്ഥാപിക്കും. ക്യുആർ കോഡ് സ്കാൻ ചെയ്ത് ഗൂഗിൾ ഫോം വഴിയും അഭിപ്രായങ്ങൾ അറിയിക്കാവുന്നതാണ്.
മികച്ച 10 നിർദ്ദേശങ്ങൾക്ക് നവംബർ 16ന് നടത്തുന്ന സമാപന സമ്മേളനത്തിൽ വച്ച് സമ്മാനങ്ങൾ നൽകും. എല്ലാ വിഷയങ്ങളെയും സമഗ്രമായി പ്രതിപാദിച്ചയാൾക്കും ഏറ്റവും മികച്ച അഭിപ്രായത്തിനുള്ള പുരസ്കാരം നൽകും.
വേദിയിൽ വച്ചുതന്നെ മികച്ച നിർദ്ദേശങ്ങൾ ജനപ്രതിനിധികൾക്ക് കൈമാറും.
സംസ്കാരസാഹിതി ഇരിങ്ങാലക്കുട നിയോജകമണ്ഡലം ചെയർമാൻ അരുൺ ഗാന്ധിഗ്രാം, രക്ഷാധികാരി പ്രൊഫ. സാവിത്രി ലക്ഷ്മണൻ, ട്രഷറർ എ.സി. സുരേഷ്, സെക്രട്ടറിമാരായ ടി.ജി. പ്രസന്നൻ, ഫ്രാൻസിസ് പുല്ലോക്കാരൻ, മണ്ഡലം ഭാരവാഹി ജോസഫ് പള്ളിപ്പാട്ട്, ഇരിങ്ങാലക്കുട മണ്ഡലം ചെയർമാൻ ജോൺ നിധിൻ തോമസ് എന്നിവർ പത്രസമ്മേളനത്തിൽ പങ്കെടുത്തു.
Leave a Reply